الكاتبة _منار حسين_
السلام عليكم اني منار عمري بدايت قصتي جان عمري 21سنه اني من عائلة متوسطه الحال وابويه متوفي وعايشة ويا اعمامي وعندي بس اخت وحدة اسمها ايمان ومتزوجه وعندها بنوته اسمها مرام اني جنت مدلله لما جان ابويه عايش بس لما راحه لرحمة الله بس لما عشت ويا اعمامي صرت مثل الفقيرة والمتبهذلة طالبات جامعه وياي يلبسن اشكال والالوان بس اني ثابته على لبس واحد وهكذا وطبعا اني طالبة جامعه إدارة واقتصاد مرحله ثالثة مستوى دراسي عندي جيد أما مواصفاتي ماكو داعي اذكرها لان حطيت صوره👇بنت تشبهني بالظبط بس بعد ما تعرفت على فهد هو طالب وياي بالجامعه كلية آداب انكليزي مرحله رابعه بس لما تعرفت عليه كان مرحله ثانيه واني اولى وكملت وياه وظل يحبني واني احبه وحيل علاقتنه صارت قوية وعدني وقسملي انو يتزوجني بعد ما يخلص جامعه طبعا اني اثق بي اكثر من نفسي وجنت احجي وياهه واخابره بالختله لان اعمامي اذا عرفوا راح يموتوني ..عائلة اعمامي هم عمي سعد متزوج وعنده بناتان متزوجات ريم و رغد و ولد واحده اياد مطلق ..وعمي اسماعيل متزوج وعنده بنت وحده سكنيه حيلل تحبني وتساعدني بهواي أمور وزوجات عمي قاسيات وياي حتى عمي سعد قاسي حيل يصدك بنات وميصدك بيه و عمي اسماعيل شويه احسن بس هم عنده شويه قساوة كنت صبورة واتحمل كل كلمه تطلع منهم لان هم الوحيدين الي بهذا دنيا اسكت وخليها يم ربي العالمين كنت دائما من ارجع من جامعه اكعد انظف البيت اني وسكينه أما زوجات اعمامي بس يهتمون بنفسهن وبس وبعض مرات يطبخن لان عبالهم اني وصخه وما اعرف شنو نظافه بس بالعكس لو ما اجيت اني لبيتهم جان هسه يصير عبارة عن تراب وقذارة واعتذر على كلامي راح ابدي من يوم الي بدت حياتي تتهدم اكثر يوم الثلاثاء بعد ما رجعت من جامعه اول ما طبيت للبيت عاطت بيه مرت عمي وكلتلي شلون ترحين للجامعه وما غاسله ملابس عمج وهسه ظل يصيح عليه روحي هسه وغسليهن كتله ماشي وبس رحت للغرفة غيرة ملابسي وظميت كتبي وسجلاتي بالخانه مالتي رحت اغسل ملابس وخلصتهن انوب اجتني تريد انظف غرفتها هم كلت ماشي ورحت نظفت وبعدها رحت علمود اقرة محاظراتي لان عندي امتحان دخلت تزمخ عليه مرت عمي سعد تكول شنو هذا دلال كاعده تقرة ولج كومي سوي جاي راح يجون اصدقاء ابني بسرعه رحت للمطبخ وسويت جاي وأخذت سجلاتي وياي اشتغل واقرة وكل شوية يردون شي ساعه جاي ساعه مي ساعه عصير واني رايحه راجعه حتى راسي ظل يوجعني ..يتبع..
