الكاتبة _منار حسين_
اجتي الامتحانات اخر السنه بس صارت بيها فترة عرس سكينه واني ما درست هواي لان محد خلاني أقره ظليت بس اشتغل وياهن ونرتب ونحضر للحنه والعرس وصارت خبصه وناس اجتي واطفال واروح أقره لما تصير ساعه بال12 بليل لما تصير 2 ونص يالله انام واكعد بال7 احظر نفسي واطلع للجامعه امتحن وارجع وكذالك للشغل البيت وما الحك اقرة اكثر واركز عالامتحان تخابر اختي ايمان واشرح الها همي وتكلي اتحملي حبيبتي هذا قدرج بعد شكدر اسوي اني لو بيدي اجيبج يمي اكعدج واخليج درسين براحتج بس غير اعمامي اخذوج ..منار ياريت ما خذوني ياريت رايحه ويا امي هم جان مرتاحه اووف الله كريم شسوي بعد اني يالله حبي روحي اريد اكمل أقره باي .. رجعت اقره واقاوم النعاس وتعب خلصت الامتحانات وبعد فترة طلعت النتائج والحمدلله نجحت وتخرجت وفرحت من صدك واجتي سكينه من بيت عيالها يمنه وجابتلي محبس ذهب يخبل ..وكلتلي اليوم الي اشوفج عروسة ونزفج لفهد حبيبج..منار تسلملي ياعيوني انتي واخيرا تعبي ما راح هدر وفرحت من صدك خابر عليه فهد ..فهد مبرؤؤؤك حياتي النجاح ..منار الله يبارك بيك حبيبي ..فهد اكلج حبي بخصوص حبنا و زواجنه ترى اني حجيت لاهلي عنج ..منار صدك تحجي حبيبي ..فهد أن شاء الله بأجر نحجي ويا عمج اسماعيل وان شاء الله خير .. منار أن شاء الله خير ..وظلينه نسولف اني وفهد و سكينه يمي كاعده وصافنه عليه سديت جهاز وكلت لسكينه فهد راح يخطبني هي طارت من الفرحه وظلت تباركلي وظلت تدعي كون اخلص من هل ظلم العايشة بي اني طلعت اشتغل بالبيت واني فرحانه ونسوان عمي صافنات عليه ..مرت اسماعيل شبيج منار درينه نجحتي وتخرجتي شكو تضحكين ..منار عمه يعني شتردين ابجي اني فرحانه ..مرت عمي اول مره اشوفج هيج فرحانه ..طبعا تحجي من وره خشمها وما عاجبها العجب ابد بس مهما كان اظل ساكته بس بعض مرات ما اكدر اسكت لان من صدك تجرحني وتجيب طاري امي كدامي ما اتحمل بس كل هذا المعانات اتحمل واصبر رحت للغرفة بعد ما خلصت شغلي وهلكت من تعب خابرني فهد وگلي اني طالع واصفيلي محل عمج ..كتله محل مال كهربائيات بكذا مكان وهيج شكله وسديت جهاز وظليت منتظره عمي يجي وبعدها اجه عمي للبيت كعد بالاستقبال وصاحلي رحتله ركض لكيته كاعد هو مرته ..منار كول عمو .. اسماعيل شوفي بنتي بما أن انتي تخرجتي ونجحتي اليوم اجه ولد للمحل مالتي يشتري وكال امي تريد تزوجني واني ما اريد اله متخرجه فأني كتله بنت اخويه متخرجه سنه وهي تربة عندي من عمرها 17 سنه وابوها متوفي واني اتحملت مسؤوليتها وظلينه نحجي واقتنع الولد وراح يجي بليل يوم الجمعه ..منار عمو اني ماعندي شي موافقه ..طبعا عمي فرح من هيج كتله وخابر عالولد وكله اتفاقنه نفسه يوم جمعه بليل ..اني حيل طرت من الفرح اتصلت على سكينه تجي وجيبلي فستان حلو البسه بالخطوبه ..يتبع
ياريت من تكمل القرائه ماتنسون التعليقات لان اكو هواي كاعد يقراء وما يعلق اذا تبقون هيج ماراح نستمر
