انا غير دخلت وقابلني ايمن ياك قلتلكم وليد عم ايوب . بيناتنا فرحت شوية ههه prcq يعجبني شوية بصح عقليتو تبانلي رهج مرهوج ولا بالاك كيماشي مدسراتو . مايهمش رحت قعدت ف لفوتاي ويدخل واحد الزل . يالهوي la famille بقلاوة هادي .. كلاني بعينيه بصح . سلم علينا خرج خو ايمن وسمو اكرم . قصرنا شوية وقالولنا ارواحو تاكلو . قلتلهم حبيت نغسل يديا . نطق ايمن قالي ارواحي انا نديك .. خفت او فرحت او تشوكيت فنفس الوقت .. تبعتو او داني . كي كملت قالي معليش نهدر معاك ... قالي سمحيلي على المرة لي فاتت بصح مانحبش لي يرقد فحصتي .. قوتلو خلاص normal . . .. .. رحنا تعشينا . كملنا . كي جينا خارجين قالي اكرم.. ميلينا معليش تمديلي fb ديالك. استغربت شوية. مي مديتهولو . رحنا لدار بدلت حوايجي رحت تكسلت و كونيكتيت لقيت اكرم باعتلي anvt .. قصرنا شوية ورحت نرقد
نضت صباح الحمدلله كي ناس . غسلت وجهي و ستقهويت .. تفكرت بلي عندي engrais عند أيمن. ههه فرحت وقلت لازم نستيكي روحي . ياك تعرفو الطفلة كي يعجبها واحد لازم تستيكي روحها وتفحفح روحها بالاك تعجبو ههه ..... لبست⤵⤵⤵
قلت نبدل شوية ستيل ماشي غير سراول. شوية انوثة ههه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خرجت مدار ركبت طاكسي هاد الخطرة ماشي bus . وصلني للجامعة ..صوفيا ماعلاباليش وين راهي مكاش حسها ملبارح .. المهم دخلت للكور تلاقيت ب حبيب القلب هه كان مستيكو روحو . بصح علاش هاك البنات قاع يكحلو عليه ههه مقلتلكمش دايمن ندعي واحد الدعاء ***اللهم اجعل من احب في عيني غيري ضفدع *** عمبالي bizarre مي الله غالب نغير هههه . اللموهيم كنت غايسة في الجمال الرباني تاعو حتى نسمعو يخبط ايمن : While you are afraid? ميلينا: Nothing sorry ايمن : I do not want these behaviors ميلينا : Oky oky .
حياتي gاع وانا نتبهدل مع السيد . ياخاه ياربي ومايكونش توسوسلي ....
