عنوان القصه.....أمواج قلبي
البارت الاول
"""""هناك مابين العتمه والنور""""
""""ماببن الدعاء والرجاء""""
""مابين الموت والحياة """"
"""هناك مابين ذرات قلبي """
"""وتراكمات روحي"""
"""هناك أمراة تتضارب """
"""مع امواج قلبها """"
""""هناك حيث """
"""تسكن نبضاتي الميته"""""
"""""هناك أنا أسكن"""
"""حيث لايوجد بشر"""
""""هناك أنا وحدي """"
"""" مع لؤلؤات البحر"""
.....دانة وين صرتي
...... ها تالة
نصت صوتها وكالتلي
.... يله بسرعه
....شبيج مستعجله وثاني شي اذا عرف بينه علي طالعين يكلب الدنيا علينه
...محد يكله هسه نوصي البنات ميكولوله فضيني
....هسه جان انتظرتي يجي ونروح وياة احسن مانطلع بلا
مايعرف
.....معليج انتي وثاني شي داريد اجيب شي للغدة قابل نبقى بلا أكل
...اوف ياتالة يله اني كملت امشي
باوعت على نفسي بالمرايا وطلعت بسرعه امشي ورا
تالة
وعثرت وصاحت بيه تالة
...ولج دانة يله يمعودة خلصيني شون وياج
...اي مو ثبرتيني جان نكسرت رجلي
لحكتها وسديت الباب ورايه
وكمشتها وكمنه نتمشى
وتاله جانت تعدل الشال الي حاطته على راسها واني عدلت ظفيرتي وخليتها صفح
وبقينا نسولف لحد ماوصلنا للسوك
بس تالة جانت عيونها مو عليه ولاعلى السوك وجانت عيونها ادور
شي لحد ماوصلنه لمحل
كلش جبير شكله مثل المخازن او هيج شي
دخلت كتلها
....هاي وين تالة
....تعاي بسرعه
مشيت وراها واني عيني منا ومنا واباوع واريد اعرف تالة شتريد وليش دخلت لهذا المحل
اول ماصرت بالمحل باوعت جان محل مال غذائيه بس جبير كلش بس مجان بي هوايه ناس
شفت تالة وكفت كدام واحد وهو من جانت تحجي وياه يباوع عليها ويبتسم
وهي خجلانه وصلت يمها وكفت بصفها
