بين قمرين

1 و 2 و 3 و4

همس القوارير

البارت الاول🌸

عندما يطرق العشق ابوابنا يدخل بدون استئذان وبدون خيارات ولا يترك مكان للمناقشه كالعاصفه تجتاح ربيع قلوبنا وتلون حياتنا باعذب الالوان هذا ان كان العشق لقمر واحد ماذا لو كان لقمرين

...............💕💕💕💕

اني وسام عمري 27 سنه ضابط وسمعتي مثل الذهب مخلص بعملي وحياتي عاديه اني ولد واحد على سبع بنات ابوي متوفي همين كان ضابط ودخلت نفس اختصاصه امي اصرت عليه اله اتزوج بعمر ١٩ سنه واصرت عليه لان وحيدها وتخاف عليه

امي

ولك يوم والله اريد افرح بيك انت هالواحد عندي ريحني يمه

وسام

يمه والله بعدني ما مفكر بزواج لا تكسرين ضهري بمره من هسه خليني براحتي شتردين مني حبيبه

امي

لا يمه الزواج استقرار وعائله واريد افرح بجهالك يا بعد امك طيعني انت وحيد يمه سويلك خلفه يربون ويكبرون وياك ويصيرولك عزوه وضهر يمه اريد اشوف جهالك قبل لا اموت

وسام

اسم الله عليج عمرج طويل ان شاءالله براحتج يا أمي الي تردينه سويه

امي

بنت عمك ضحى حلوه وتخبل ونادره وام بيت ومن ثوبنا وأمها طيبه وبنية حلال ومنا وبينا يا يمه وعاجبتني

وسام

اي يمه احسن نتقرب من عمامي وهي صدگ حبابه وحلوه ومؤدبه خوش اختيار على بركة الله

جنت وكتها طالب بعدني بالاكاديميه شكلي ابيض وعيوني كبار وسوده وشعري سبل وعندي گذله بس مو عاليه مناسبه لعمري ولشكلي وطويل وجسمي مليان عضلات عمري ما حبيت ولا باوعت لبنات العالم بغير نضره جانت نضره الاولى وبعدها اشيل عيني وجاراتي خواتي بس مره نعجبت ببنيه جارتنا بس من غير مذهبنا دزيت عليها اختي داليا علمود تشوف وضعهم شنو بس للاسف كانت عدهم طائفيه ومينطون لغير مذهب يعني لان اني من غير مذهبهم منطوني اكو ناس هيج تفكر مع الاسف عفتها ما جنت احبها بس هيج مجرد اعجاب وبنيه شريفه واني كنت مراهق

...........🍁🍁🍁............. 🌸🌸🌸

من حجتلي امي علمود ضحى بنت عمي.

ما ترددت بالعكس رحبت بالفكره وبنت عمي اولى بيه مو غريبه وتحب اهلي واهلي يحبونها وهمين تملي علينا بيتنا وحياتنا بيتنا كبير حوالي خمسمية متر ميه منهم بس حديقه اول ما تفوتون للبيت صاله كبيره وبيها غرف تلاثه كبار وديوان كبير ومعزول وحمام خارجي والمطبخ يطل عالحديقه وبيه باب عالهول وحمامات اثنين داخليه حيل مرتب بيتنا وواسع ومن تدخل بيه تحس بالانشراح غرفتي كبيره وغرفت خواتي امي اكبر من غرفتي واثاثنا حلو ومرتب وكل جمعتين يلتمن خواتي كلهن عدنا هن ورجالهن وجهالهن يصير البيت معركه هههه بس مثل العسل على گلوبنا ماكو احلى من لمة الاهل خواتي كلهن متزوجات بس اخر اثنين اصغر مني بعدهن ما متزوجات يدرسن وحده رابع اعدادي والثانيه بالثاني متوسط من اروح للدوام اخذهن وياي للمدرسه ومن ارجع أمر عليهم اجيبهم ومن أتاخر اودي عليهن ابن عمي صافي يجيبهن للبيت بيت عمي ابو صافي قريبين علينا فرق بيتين عنا وعندي خالات تلاثه وحده اكبر من امي ساكنه بالفرع الي ورانا خالتي سعاد واثنين اصغر منها وخوالي اثنين وواحد شهيد وعمامي تلاثه وعماتي اربعه علاقتنا بأقاربنا حلوه ومترابطه دائما نتشاوف بالاعياد والمناسبات والواجبات والعزومات راحت امي على بيت عمي ابو صافي وطلبت ايد ضحى ألي ورجعت فرحانه وتهلهل