#بين_قمرين
الكاتبه همس القوارير
البارت 16 🌂🌂
وفعلا صار وقت العصر رحت لبيت عمي اشوفها لضحى والجهال دخلوني بالاستقبال اجوي الجهال عليه يتراكضون ابوسهم حيل وما اشبع منهم واخليهم بحضني وكاعدين يمي سلمو عليه وتونسوا وفرحوا من شافوني وعلاوي حبيبي مجلب برگبتي ويطرد بخوانه عود يغار واني هم ردتلي روحي عبالك مضيع عمري ورجعلي صدگ لو گالو ماكو شي يوگف گبال اطفالك فعلاً اعز ما املك بهالدنيا وما اگدر اعيش من غيرهم
انتضرت ضحى ماكو اجوي ضيفوني حلويات ونسكافيه شربت وعيني عالباب كل شوي اگول هسه تجي كعد صافي وابنه يسولفون وياي ويشاقون ويضحكون وهي ماكو كلت لابن صافي
وسام
مهدي حبيبي متروح تصيح عمتك ضحى وين صارت
راح مهدي ورجع
مهدي
عمو متقبل تجي وتگول اخذ الجهال وياك تشوفهم الوالده
باوعت على صافي
صافي
اوگف وسام اني اروح احجي وياها
انتضرت بلربع ساعه ومحد اجه منهم بقيت ألوب عبالك گاعد على نار شويه واجه صافي
صافي
وسام هاي معانده وما تقبل تجي وكامت تبجي لان لحيت عليها خليها كم يوم وتعال عليها بلكت نفسيتها مرتاحه
وسام
ميصير هيج يا خوي مو حاله اضل اني رايح وجاي وهي ترفضني اني لو ما عزيزه عندي والله اخليها واطلع خليني اني ادخل واشوفها شنو ما تقبل بكيفها
صافي
خويه عوفها كم يوم لخاطري لان كلش منهاره وما اريدكم تتخاربون انت صاير اعصاب وهي اعصاب شوي يا خوي فد يومين وتعال واوعدك اقنعها تشوفك
وسام
هاي لخاطرك ساكت والله يلا بابا البسوا احذيتكم وامشوا وياي لبيبي مشتاقتلكم ولا يضل بالكم عليهم بليل اجيبهم
🌂🌂🌂🌂..........🌂🌂🌂🌂
طلعت من بيت عمي واني عيوني تجدح نار وگلبي يريد ينفجر من الغضب عليها بوكتها لو لازمها جان دمرتها بس خليها اسكت احسن واشوف وين تاليها اخذت الجهال لامي وهي من شافتهم بجت وحضنتهم من الفرحه وتبوسهم وتكعدهم على رجليها وتشم بيهم ويسولفولها عن الزياره وشنو شافو ووين راحوا وشنو اشتروا وجايبيلها شيله وتربه وسبحه وعطر وامي طايره بيهم وعينها عليه الف سؤال تسألني وتريد تطمئن امي واعرفها شافت الجهال التهوا وديلعبون والتفت عليه
امي
وسام احجيلي يمه ضحى ليش ماردت وياك
وسام
