نبضـةّ قلب عآشـق 💋❤
آلبآرت آلتآني ↑↓
معاويه:توا بتبدي الدسكه عااد😅
اني:مبررد دممك الززح😒
معاويه:شنوووو عااودي شوقلتي
اني:قتلك الهم شن فيها يعني
معاويه:اهاا نحسابا حاجه تانيه
اني:لا اطمن
وصلت للحوش واني جعاانه منموت خشيت لقيت مااما تطيب ف غداء والبردر((معاد))يبربش ع نقال
اني:ماماااااااااا
ماما:شن في حسكه ف هالقرجوط
اني:اححح يا ماما المهن شالغداء جعانه منموت
معاد من الصاله:مووتي
اني:شفتيه ولدك كيف يناشب
ماما:بطل انت وانتي غيري دبشك وتعالي ساعديني
اني:عظمي عظم شقاا ركبت فوق لقيت البردر معاويه طالع م الحمام
معاويه:يا سيستر
اني:شن تبي بالله
معاويه:عندي موضوع نبيك تزبطيهولي
اني:هه لا
معاويه:تي غر خيرك
اني:خلي لمده اسبوع نشوف تصرفاتك ونقرر
معاويه:ف هالاسبوع البنت بتنخطب وبتتزوح وانتي خليك ف تصرفاتي
اني:بااهي بااهي تو نشووف
خشيت لداري غيرت دبشي وتوضيت وصليت ضميت داري ودار خوتي ع السريع وسيقت الحمام 😋فلااحه عااد ونزلت
ماما:هي تعالو كانا بتاكلو
جينا كلنا ع طاولة الاكل ونستنو فوالسي بابا يجي المشكله ان اني جعانه واليكال يشهي ((مقلوبه ومبطن وبيتزا ومشروب طبعا))
معاد:يمييي مناااكل رااه
ماما:هلعع وقلة الشبع يالله استني لين يجي بوك اوبايه وقبر وصلايه
معاد:بدت الدسكه باهي سكتت سكتت
معاويه:رتوو ورااسك مديلي ميه
اني مديتهله وجي بابا قمعز ع كرسيه
معاد:شرفتنا يا حاج
بابا:حاج معاك مالا
معاد:لالا حاج مع بويا
بابا:متقل دمك هي كولو
بدينا ناكلو كملنا وضميت الحوسه وبخرت حويشنا ومشيت لخزش جدي منطل عليهم
اني:ويلااا
وليد:رتوو جيتي ف وقتك امشي حددي سوريتي
اني:بااه حددتله سوريته وضميت داره ودولابه وضميت حوش حنتي وبخرته وسكرت البيبان وطلعت نتمشي ف حوازتنا...
لقيت الحارث يدخن بس ميعلمش ان اني وراه
اني:الحارث
الحارث:نعمين
اني:شجووو
الحارث:مش تمام فلذلك اقلبي وجهك
اني انصدمت:شن ذنبي اني بااه قصدي سألت ع حالك بس
الحارث:فووتي امي امشي من حدايا
اني:تمام ومشيت من بحداه خشيت لحوشنا لقيتهم كلهم متمرقدين مشيت توضيت وصليت ركعتين ودعيت ان ربي يفرجها ع الحارث متنصدموش رااه الحارث خويا وولد عمي وكل شي صح هوا قاسي بس طيب وحنون
آدن آلعصـر وآني نبربش ف النقال ناضوا البقر الهولندي خوتي وطلعوا وناض معاهم دااادي الغالي وطلع حتي هوا صليت العصر بدلت دبشي واتصلت ببنت عميمي السمحه
اني:بالله يا حمارة الحمير خيرك مترديش
سهى:يا عنجدك نقرا
اني:نشوفك مانصدق غرر اسمعي
تأليف آعويشـهہ،رمـضـآن
سهى:نسمع يا بعدي
اني:بتمشي لحوش حنتي
سهى:تي طياح سعدك وارقاد ريحك قلت لعميمه تقولك اليوم بيجن صاحباتي عندي ونبيك تستريني قدامهن
اني:يستروك ف قبرك يا بعيده باهي باهي سلام
سگرت ومشيت لماما
اني:ماما خيرك مقلتيليش ان سهوو تبيني
ماما:اي حقا والله نسيت
اني:اححححح وخلاص مشيت غيرت دبشي مره تانيه لبست سروال جينز اسود و قميص مفتوح كله من فوق لونه ابيض ودرت شعري كعكه 😁 طبعا درت سينابون ع السريع وخديت فراوله وموز وتفاح وكيوي المهم فواكه وقرضتهن وحطيت عليهن نستلى ونوتيلا ودرت كريب هدا كله ف خلال ساعتين ☺
مشيتلها يا حنه ولقيت منجوهاتي العزايزات
هناء:رتولتي توحشتك يا حماره
رتيل:اللي يسمعك غايبه عليك الاعوام اول امس بس شفتك
هناء:به به منجرب نقعد رومانسيه معاك بس 😒
اني:هههههههههه جربيها مع محمد بس
هناء خبطتني:هههههه خززو
((العيله كلها ولاد الا اني وبنات عمامي الاتنين صاحباتي وخواتي وكل شي هناء وسهى))
جن صاحباتها هدرزنا وگانت هدرزتهن حلوه ضيفناهن وروحن
هناء:قلتلكن خلي نطلعو برا الاولاد كلهم برا يهدرزو
اني:هي يلااا
طلعنا لقيناهم يهدرزوا كلهم
اني:________☺
تأليف آعويشـهہ رمـضـآن👑
مـمـنوع آي حد ينشـرهہآ بدون آدني 🌸☄
أنت تقرأ
نبضة قلب عاشق
Randomروايه ليبيه((نبضة قلب عاشق)) تحگي ع حال الخوت تحگي كيف الحياه بدون ام وتحكي ع وقفة الاخ مع الاخت روايه ف غايه الجمال من وحي خيالي ومن تأليفي ❤ نبيش حد ينشرها ويقول من تأليفه لان مستحيل نسامحه خلو كل واحد وجهده تنشروهاش الا لازم يكون اسمي فيها قراءه...
