قصة جديده حقيقيه
اذا مااشوف تفاعل مراح اكملها لأن للأسف اكتب والتفاعل قليل
#ما_ذنبي_انا
البارت الأول
أحيانا الحقد يدمر حياة الإنسان
ويدفع ثمنه الصغار قبل الكبار
.................
اني ساميه مزوجه وحامل زوجي يحبني كلش ومداريني
زوجي صباح عنده محل مواد انشائيه يحبني ومامقصر وياي
بيتنه وحده صباح أول مزوجني قرر نطلع بيت وحدنه ناخذ راحتنه بي وفعلا اخذلي بيت قريب ع مكان شغله
جنت أسعد وحده وي زوجي صباح عبالك عصافير
ساميه صباح الخير عيوني صباح
يله كوم غسل الريوك جاهز
اي كايم صباح العافيه عليج عيوني انت
بين ما كام غسل وجها جهزت الصينيه وحطيتها بالكاع
سويتلك تشريب باكله وبيض
الله فدوه اروحلج ويلوموني ليش احبج هههههه
حبتك العافيه لاتخجلني تريك تريك
الله عاشت ايدج هذا الريوك الزين
خلص كام غسل كال اني طالع للمحل محتاجه شي
لا محتاجه سلامتك
الله وياك
طلع للمحل لزمت البيت غسل وتنظيف بعد أسبوع ادخل بشهري
لازم انظف البيت زين اخاف ناس تجيني
اليوم ابدي بعرفة الاستقبال
صعدت للثريات غسل باسفنجه وكامن يلمعن وغسلت سجاجيد الاستقبال والفرشه وشريتهن هلكت
خلي اسوي غده قبل لا يجي صباح
كملت الغده شويت سمجه وخبزت
وحظرت البصل والطماطه
دخل صباح
الله يساعدك عيوني
يساعدج انت شمسويه هاي
اكعدي يمعوده ليش هيج اتعبين نفسج
هسه قابل شمسويه اني يارجال غير شغل بيت
عيني محد مات من الشغل
مو انت حامل ساميه اخاف عليج
لاتخاف قابل مجلب بدنبوس ع كولة امي الله يرحمها
دتعال فوت غسل وغير ملابسك الأكل جاهز
أخ منج
مرت 5ايام وإني انظف واجلف بالبيت
مباقي غير يوم وادخل بشهري
صباح جان ستوه جاي من الشغل
صعدت الفرش مالت الغرغه أشرها
جانت شويه ثكيله كلت ميخالف
اصعد شويه شويه الدرج وصدك صعدت الدرج وصلت آخر بايه جان ازحلك وطيح ع ضهري
أخذني النزف انترس الدرج دم
كمت اصرخ صباح الحكلي
صباح جنت نايم وسمعت صوت ساميه تصرخ تخبلت
عليها ساميه حب عمري يتيمه مربيها عمامها جوارينه
وزوجتها فقيره وتحبني ومداريتني
حتى يم اهلي مبقيت بيها
حسيتهم يستغلوها
اشتريت بيت الها وطلعت بيها
بقت سنتين متحبل
ومن حبلت كلش فرحت بيها
وحبيتها أكثر وأكثر
نستني كل اهلي وناسي
حتى امي وابوي من ماتو بحادث هي وكفت وياي وخلتني اعدي مرحلة الحزن المريت بي
.......
ركضت عليها من سمعتها تصرخ
ساميه شبيج
فدوه حاجيني شفت الدم تارس الكاع
شلتها بله وعي وطلعت اصرخ بالشارع الحكولي مرتي راح تموت
جيرانه أم علي صاحت رجلها وخلوها بالسياره وصعدت المره وياي ورحنه للمستشفى
دخلوها طواري
روحي احسها راحت يمها
دخيلك ياعلي مريتي أريدها منك
أم علي خاله ع كيفك أن شاء الله دكوم بالسلامه
بس يمكن الطفل يموت
ميخالف بس كون هي سالمه تطلع شويه طلعت الدكتوره رحت أركض ها دكتوره بشري
منو زوجها انت
اي اني
تعال وقع
ع شنو أوقع ؟؟
راح اندخلها عمليات النزف منكدر نوقفه والطفل حالته حرجه
واحتمال نقلع الرحم منها
لا اله الا الله
اللهم لا نسئلك رد القضاء
إنما نسئلك اللطف فيه
يله ماعدنه وقت تعال وقع
اي دكتوره أوقع أهم شي زوجتي
تطلع سالمه
رحت وقعت وكلبي ينزف دم احسه اختنكت بعبرتي
يارب طلعها سالمه الي
أم علي خاله روحي البيتكم
لا خاله مااروح لحد متطلع مرتك
شصار تكاطعت الدنيا احنه جيران وحك الجار ع الجار
رحم الله والديج خويه
بقيت اروح وارجع ومتوتر
واقره ايات قرانيه
بكلبي وادعيه
طولت أكثر من ساعه وإني متت من القلق والتوتر
أحس نفسي جاي اموت اببطأ
يارب طلعها سالمه يتيمه وإني هم يتيم ومالنا أحد
انفتح باب العمليات طلعت الدكتوره تمسح بكصتها وتتأفئف بتعب
رحت ركض عليها ها دكتوره بشري شصار
للحماية بقيه
#ام_مصطفى
تفاعلكم مهم
