#ما_ذنبي_انا
#ام_مصطفى
البارت الثاني
ها دكتوره بشري
والعملية جانت كلش صعبه وتعبتنه والنزف موقف اله قلعنه رحمها يله استقرت حالتها
وهسه الحمد لله هي حاليا تحت تأثير البنج
والطفل خلينا بالخدج
يعني ولد جابت
اي ولد جابت يخبل
بس تعبان خلينا بالخدج
ادعيله اثنينهم يكومون بالسلامه
العلينه سويناه الباقي ع الله
والنعم بالله
ان شاء الله ميقصر وياي
أخي هسه اريد منك ملابس للطفل
والأخت راح نطلعها لغرفتها
مااريد أحد يكلها اي شي
عن الرحم
خلوها ترتاح لأن عمليتها صعبه
وبس يفكها البنج راح تضل تتوجع
اطمني دكتوره
محد يزعجها
أم علي يله امشينه اوصلج للبيت وياي
طلعنا ورجعت للبيت جانت اكو علاكه بيها ملابس طفل ساميه
محظرتهن
ويوميه اطلعهن تباوع عليهن وترجعهن
شلتهن اخذتهن وجبت الها ملابس هم
أخذت تكسي لبيت عمها
دكيت الباب طلع عم ساميه
ها صباح تفضل تفضل
اتسالمنه كتله عمي مو مال اتفضل
أريد أم ياسين
تجي وياي
خير
ساميه ولدت
اي وهيج وهيج صار حجيتله
لا شلون هيج صار
وليش ماكلت
والله عمي ملحكت بعد
صاح ع أم ياسين
واجه هو ويانه
عمي عليمن مكلف روحك انت مريض
لايبوي هاي بنت اخوي امانه عندي أمنها اخوي
ربيتها حالها حال بناتي
صعدوا وياي بالتكسي
ورحنا للمستشفى
لكينه ساميه فاكها البنج
وتون وتصيح من الوجع سلامتج عيني ساميه اتحمليه شويه هسه كم ساعه ويروح الوجع
أبو ياسين سلامتج بويه دكومين بالسلامه ومبارك مااجاج
كالت صباح شنو جبت
كتلها ولد
زين وينه أريد اشوفه
بالخدج هسه ميقبلون نطلعه بعدين انت بيا حال خلي عدهم احسن يداروه أكثر من عدنه
اخاف صارله شي ابني ومدكلولي
لا والله كلشي مبي
سميته علي لأن طلبته من الإمام علي يطلع سالم انت وياه
دخيلك يا أمير المؤمنين
أم ياسين دخيله أبو الحسن ميقصر
شلون صرتي بنيتي
عمه وجع مو طبيعي يموت الوجع
اي يمه هاي العمليه هيج
يومين وتصيرين زينه
كولي يا الله
اجت الدكتوره
ها شلونها البطله اليوم
شلونها دكتوره تتوجع
اي طبيعي غير وجع العمليه
هسه انطيها علاجها
وابر مسكنه
يخف الألم وتنام
اي والله ياريت
يله تفضلوا خلي اضربها ابره
طلعنا
وره خمس دقائق طلعت الدكتوره
كالت عوفها تنام وترتاح
ومثل ماكلت مااريد تعرف بسالفه الرحم هسه
أن شاء الله دكتوره
تبقى يمها مرافقة وحده وان شاء الله باجر تطلع
وانتم تكملون العلاج بالبيت
أن شاء الله دكتوره والطفل
الطفل يبقى بعد يومين 3 يله تستقر حالته
أن شاء الله
أم ياسين اني ابقى يمها انتو روحوا
زين لعد راح اجيب اكل الكم وفواكه واجي
طلعت جبت لفات لام ياسين
لأن ساميه متاكل
بس فواكه جبت الها وعصاير وبسكت
انطتهن الهم ساميه نايمه
وأم ياسين هم تمددت
كتلها اني رايح كالت الله وياك يمه
رجعت للبيت
والله البيت مظلم وموحش اخلافها
غسلت الدرج شكلت صونده وفتحتها لكيت مكان الدم يابس
عمت عيني عليج
هذا الدم منج كله
انقهرت بداخلي كلش عليها
شلون راح اكللها شالوه الرحم
وبعد ميصير عدها غير علاوي
اوف يله الحمد لله على كل حال
المهم يطلعون سالمين. ولكل حادث حديث
صعدت شريت الفرشه اوف ثكيله خرب شلون صعدتها وحدها
الله يسامحج ع هاي السوايه
كتلتج اكعدي يمعوده
شريتها وادردم مدري
نزلت سديت الصونده ونشفت المي
واكلت خبزه وجاي ونمت
كعدت
الصبح صليت وطكيت بيضه وسويت جاي وتريكت
وين يوميه الكه كله جاهز
والله مكانج خالي ساميه
يله أن شاء الله أيام ودكوم بالسلامه
طلعت من البيت
شافتني أم علي ها بشر
الحمد لله على كل حال
منو يمها هسه
مرت عمها باتت وياها
اروح وياك
لا ماكو داعي والله تعباناج ويانه البارحه ماانسى وكفتج
لا خاله صدك جذب
حك الجوره هاي
شني تكاطعت الدنيا
والنعم منكم
أترخص اني أن شاء الله اليوم يطلعوها
الله وياك يمه
وصلت للمستشفى دخلت للغرفه
صباح الخير
صباح الخير
ها شلونج اليوم
الحمد لله
زينه هي اليوم بس موتتني تريد الولد
أكلها مو زين يطلع دكلي خاف بي شي ومدكولين
لا ليش تفاولين ع الولد مابي شي بس لازم يبقى كم يوم كالت الدكتوره
لأن بالثامن جبتيه باعتبار
انت هسه شلونج
وجع صباح مو طبيعي
هسه ع العلاج تصيرين زينه الله كريم
يله حظروا غراضكم حتى نطلع
اروح اخلص اجرائات الخروج واجيكم
دخلت ع الدكتوره كالت تكدر تطلعها هسه وياريت
شويه تتاخر كم يوم قبل لادكول الها ع عملية الرحم
خلي الجرح يلتأم يله
اخاف تنقهر وتتعصب وتالي أطك الخياطات مالت العمليه
كتلها أن شاء الله دكتوره
وهل الأيام الأكل يكون سوائل
وفواكه
وهذا علاج تستمر عليه
وبعد أسبوع جيبها
اشوف العمليه وافتح الخياطات
أن شاء الله دكتوره
هسه الله وياكم
والطفل اليوم شفته وضعه زين تكدر تطلعه وياك
الظاهر احساب زوجتك غلط
لأن الطفل صحته زينه مو مال بالثامن صاير
مبين داخله بالتاسع
الحمد لله
هسه نكدر ناخذه اي
عيني تكدرون تاخذوه
الف الحمد لله
كلش فرحت
رحت جبته وانطيته لم ياسين
وسميه شافته كيفت بي الحمد لله طلعنه للبيت
بس محتار شلون أراد افتحها لساميه بالموضوع
وللحكايه بقيه
#ام_مصطفى منشوا للبنات حبايب
