قصه البنت ياقوت
😍😍😍😍😍
#ياقوت
1_______5
الحياه تلعب دورها في كثير من الأحيان
ولاسلطه لنا عليها تتحكم بنا في
كثير من المواقف واللحظات
وحياتي ستجري كما كتب لي
وستجري بين الحاضر والماضي
فهل سعيش بسعاده ....؟
كثير من الامور دور براسي
اني يجي يوم من الايام راح الكه
الدلال عند زوج مثل مالكيته بأهلي
راح اتوفق
واعيش حياه سعيده عنده
بس من هاي الناحيه افكر مرات
اطرد هاي الافكار
من بالي واكول راح ابقه هيج
احسن عايشه بين اهلي
واكمل دراستي
مااعندي شي حياتي حلوه
ومرتاحه بيهه اهلي مدلليني دلال مصاير
شنو اريده الكا يمي
ممنقصين عليه ايي شي
جانت حياتي طبيعيه بين
دراسه وبيت اهلي
وطلعات ونسات
......
خلي اعرفكم ع نفسي
اسمي ياقوت عمري بذاك الوقت 19 اعيش
ويا اهلي واني البنت الكبيره
عندي اثنين اخوان صغار
والدي موضف
وامي ربت بيت
حياتي ماشيه تمام ويا اهلي
وعايشه عيشه كل البنات
تتمناهه وكل بنت
تحلم بيهه والفضل راجع
الاابويه
حياتي بلمعهد عاديه
و ما عندي ايي صديقه مقربه
والكل البنات يضوجن
مني مااعرف
ع شنو
مرات اكول خاف بسبب ملابسي
المختلفه عنهن
اوو جمالي
دائمن اتلقه المديح
اني بيضه عيوني كبار خضر
طولي متوسط
رشيقه
شعري متوسط طول بي خصل من الشقار
ملامحي عاديه
مسيره حياتي بدت من هاي اللحظه
جنت كاعده
العب بلموبايل
اجتني امي
ياقوت خابرتني عمتج
تكول باجر تعالو البغداد نطلع سفره
عائليه
ايي ليش لا اني ضايجه
اريد اروح
اختنكت من كعدت البيت
خوش لعد اني راح
اكول الاابوج
يودينه
ايي ياريت ماما
راحت
حاجت ابويه سمعته قبل
رحت للغرفه
حضرت كلشي احتاجه
واريده غرفتي خاصه بيه
وكلشي متوفر عندي بلخزانه
اخذت الاحتاجه
وحضرت الراح البسه
كضيت الساعات بين اعدل
بنفسي وبين الموبايل
ثاني يوم الصبح طلعنه بسياره
ابويه البغداد
الطريق كله اباوع للناس
وصلنه البيت عمتي
نزلنه وابويه
خله السياره ع صفحه
دكينه الباب
انفتح
ياهلا هلا تفظلو
هلا بيكم
بوست عمتي
شلونج يروحي
بخير عمه
سلمت ع بقيه ودخلت
كعدنه
انطتنه مي عمتي
شلونج حبيبتي
زينه الحمد الله
شلونهه الدراسه وياج
بخير بس شويه
مشلوع كلبي
بيهه
شدي حيلج مابقه شي
ضلو يسولفون بيناتهم
اني اخذتني بنت
عمتي وصعدنه للغرفه بدلت ورتبت نفسي
وضليت كاعده
باجر وين نروح
روح لجزيره نتوس والكرابه كلهه راح تروح
خوش طكت رواحتنه من
البيت خلي نغير شويه
ايي والله البيت ممل
شخبارج انتي
والله تمام ماكو شي مثل حالتج
هم بلبيت
تمدتت وبقيت اباوع بسقف
ماله روحي من ايي شي
نزلت تغديت وياهم
ميته جوع
كملت بقيت افتر بلبيت
اباوع كعدنه اني
ورياحين نباوع بلموبايل
ونسولف
مرت الساعات واني منتظره
باجر نمت من وكت
بس مارتاحيت بلنومه
بقيت اتكلب بفراشي حدما غفيت
كعدت الصبح باوعت لساعه
12 ياربي هاي شكد
نايمه
انداريت ماكو رياحين
وين راحت
اكيد كعدت
كمت نزلت لكيتهم كاعدين يتغدون
صباح الخير
صباح النور
ليش محد كعدني
عمتي... كلت خطيه تعبانه عفتج تنامين
ايي والله تعبانه ومارتاحيت بنومه
عمتي.. المكان تغير عليج
ايي رياحين بيش ساعه
كعدتي
10 ونص تقريبا حضرت الاحتاجه
رحت اغسل
وكعدت يمهم
اتغديت وكملت وكمت
ابدل
لبست بلوز وجينز
وجاكيت طويل وخليت ميك اب
جان بوقتهه دنيا بارده
حضرت كلشي
وهمه هم كملنه واجتي سياره
اخذتنه بيهه هواي
ناس من اقاربنه سلمت
عليهم وكعدت
اسولف ويا رياحين
واجني بنات يمنه بدت سولفنه
وضحكنه
اندار علينه واحد
ممكن سكتن اريد انام شويه
باوعت عليه شكله
موغريب من صعدت ماشفته
اذا ماعاجبك حجينه
كوم منا
خزرني كلت نصن صوجن
اريد انام
سكتت عنه مارديت دار وجهه
ورجع النومته
باوعت للبنات
منو هذا بنات
ميس..هذا نمير
ياقوت...اوو متغير كلش
واني اكول وين اعرفه رئستن خليت
اديه ع حلكي لئن جان صوتي
عالي واتوقع سمعني
البنات ضحكن
هوه كام من مكانه باوعلي
ورفعلي حاجبه بخزره
بس تخوف خزرته
راح كعد
لكدام اوفف هسه شيكول
عليه
نسيت نفسي
رياحين ..يله قابل
سويتي هيه حجايه
عيب منه
مهى ... يله عديهه
بقيت ساكته واباوع من جامه
هوه كعد يم السايق ويباوع
عليه...
غضيت النضر عنه
مااريد اباوع
كضيت الطريق كله هيج
طلعت اغاني
وشكلت السماعات
وبديت اسمع
واباوع لشارع
وصلنه
طفيتهه وضميت الجهاز ونزلنه
بقيت اتمشه اني والبنات
وامي راحت ويا كرابتنه ومجموعه
ولد تمشي كدامنه
ونمير يمشي ويدير
وجهه علينه
طول الطريق دخلنه للجزيره
ونجمعنه كلنه مكان
واحد
كعدت وهوه صار مقابيلي
باوع عليه
غيرت كعدتي هوه كام تعده من يمي
باوعلي وراح
راحو اصدقائه من يمه
وكفو مكان
واشوفه يحرك شفايفه
ويباوعلي
باوعت عليه طويل جسمه
رياضي واسمر ملامحه
عاديه
بس مبين شخصيه
حرك راسه
بمعنى شكو رئستن درت وجهي
رياحين انتبهت
ضحكت
كتلهه شكو بينتلهه ماكو شي
ياقوت
بارت 2
