نار 🔥الحب ❤

احلا يوم ابحياتي 👰

نارين.... كعدت الصبح نضفت وسويت غده البيبيتي وحضرت روحي واجه عليه هاشم ورحنا وتعرفت على اخته كلش حبابه وفكاهيه وضلينا نشتري بالسوق وهاشم مقصر ويايه بدون ما اكله اريد شي هو يشتريلي ومداريني وراها كعدنا اتغدينا ابمطعم واني اسعد انسانه ويا حبيبي ابو جهالي وتمنيت متعرفه عليه من زمان وحابته وراها رجعنا للبيت وهو منزلي الغراض اخذهن ايرتبوهن ابغرفتي يعني غرفه هاشم لان قررنا يجي انعيش ابغداد منروح ل امريكا.
واجه يوم الخطبه واخت هاشم حبيبتي معافتني واجه خالي رجعنا ولتموا صديقاتي والجيران وهوايه ناس واجوي اهل هاشم كلش حبيتهم ضريفين وضلوا ايسولفون ويضحكون ويايه وراها كعدت وعقدلنا الشيخ واني فرحانه وراها بدلت فستاني واجه هاشم طالع ايخبل لبسني الذهب وطكينا صور واحنا الفرح مفارقت وجهنا وخطيه هاشم انصدم

هاشم.... هاي حاطه باروكه ولج يحجي وهو متعجب على شعري ولونه

نارين... ههههههههههه لا هذا شعري قابل مثل شعرك كرطيفه شعري احلا 😏😂وهي اتعيب عليه

هاشم.... خوش هسه اراويج منو شعره كرطيفه وجان ايشيلها ويفتر بيها

نارين... وولك هاشم نزلني عززه العزاك رح اوكع وهو شايلني ويفتر واني اضرب بي والعالم اصفك وفرحانه

تسريع الأحداث....

وره شهر ازوجنه واني ادرس وهو خلص ويشتغل واني كملت دراسه وراها جبت بنوته اتخبل سميتها وليان وجبت ولد توام سميناهم يسار وايسر وماشالله مشابهين وحبيبي هاشم ممقصر ويايه وبيبيتي اسؤل عليها راحت يم خالي وبين فتره وفتر انسافر والجهال لاعبين جوله ابهاشم ميطوا مجال ومتعبي واني فرحانه ابعائلتي الي كدرت ابنيها واحافظ على زوجي واطفالي

حكمه القصه.....
انو مهما الانسان ينقهر وينجرح رح يفرح بعدين ومثل ما كتبتلكم القصه القصيره الي ردت اوصللكم فكره انو الدنيا يوما لك ويوما عليك مثل ما نارين مرت ابوقات يوم تفرح ووتتونس ويوم مقهوره وتبجي واخيرا الله رزقها ابزوج عوضها عن حياتها والاهم انو رغم ما هي يتيمه كانت قويه ومو اي شخص ايهز شخصيتها والا اكو اهوايه ابمجتمعنا من يتيتمون ايروحون ل طريق يغضب رب العالمين بس نارين كانت قويه وبنت مؤدبه وصادقه والله رزقها على كد نيتها.

النهايه حبايبي انشالله انكونون استفاديتوا .