امطاراً ساخنة

البارت الاول بعنوان (الخطوات الاولى)

هلو اني اسمي (تقى) عمري 20 سنة عايشة ويه عائلتي ( بابا ، ماما ، رضا ، احمد ) اني البنية الوحيدة الوسطانية رضا الصغيروني اصغر مني بسنتين و احمد اكبر مني بسنتين ، بابا موظف بشركة مال استيراد سيارات و ماما معلمة ، اني طالبة كلية لغات و احمد طالب كلية ادارة و اقتصاد و رضا سادس اعدادي ، عايشين حياتنه بكل هدوء كأي عائلة عراقية نطلع للدوام نرجع نلتم و نتغدة سوة ندرس و نطلع نزور اقاربنه يعني حياتنه عادية الحد هذا اليوم الي بي بدت احداث قصتنه ..... 2014 /12/4

تقى : صباح الخير ماما .
الام : صباح النور حبيبتي .
تقى :ماما خلي بابا يوصلني للكلية ابو الخط مالتي سيارته عاطلة وعندي امتحان .
الام : هسة اشوف اذا يلحك على دوامه ياخذج .
تقى : اي ماما عفية بلكي يلحك .
.......................
تقى :- صعدت ابدل بسرعة حتى ما اخلي بابا يتأخر بلكي نلحك و امتحن .
............
الام : قاسم تقى ابو الخط مالتها عطلانة سيارته وعدها امتحان تكدر توصلها بطريقك خطية .
الاب : مراح يظل وقت عندي سجلات محتاجة توقيع هي بيش الساعة امتحانها ؟؟
الام : على الاغلب ب9 .
الاب : لعد اخذها للشركة وياية اوقع الاوراق و اخذها للكلية .
الام : ان شاء الله خلي اكوللها .
.....................
الام : تقى ... تقى وينج يووم تقى ..
تقى : نعم ماما .
الام : ابوج يكول تجي وياية للشركة اوقع اوراق و اخذها للكلية ماشي .
تقى : اي ماشي ماما .
.........................
تقى:- تريكت و طلعت ويه بابا ركبنه بالسيارة و رحنه للشركة واني دا انزل عثرت سمعت واحد يكلي الله ... الله دير بالج ... رفعت راسي و لكيت شاب عمره يطلع ب25 بس يا ربي هذا نازل من السماء ههههه شنو من طول شنو من جسم شنو من خلقه .... ظليت صافنة عليه و فاكه حلكي هو ابتسم و راح يسلم على بابا اظاهر يعرفه .
.......................
الحلو هههه : السلام عليكم عمو ابو احمد شلونك ؟
الاب : الحمد لله ابني انت شلونك ؟
الحلو : الحمد لله بخير شو من وكت اليوم ؟
الاب : اي والله اريد توقيعك على الملفات مال الاستلام حتى اودي بنتي للكلية تأخرت .
الحلو : هاا لعد ما اخرك جيب الملف خلي اوقعه .
الاب : تفصل ... ممنون منك
الحلو : لا تدلل عمو .
......................
تقى : صعدنه بالسيارة و سألت بابا هذا منو ؟ كال هذا ابن مدير الشركة هسة هو لازمها بمكان ابو لان ابو عنده مسافر عنده شغل ، اني ظليت اتخيل شكله و ابتسم يربي هذا مو انتاج عراقي اكيد امه اوربية ههههه ، احله مني واني عود شايلة خشمي واكول حلوة ، اني طولي وسط يطلع ب160 وزني 58 يعني هم وسط بس مربربة مو رايحة عودة و بيضة بس مو كلش هيج بيضة على حنطاوية عيوني عسلي وسط من اكحلهن يطلعن فد شي و خشمي و شفتي هم وسط وجهي بيضوي المهم وصلت للكلية تلكني صديقاتي (رغد و رقية ) ......

رغد : هلا والله وجهج مبتسم من الصبح شكو خيرج ؟
رقية : لازم اوزع جوكليت يومية وجهج ميكصه الطبر .
تقى : شكو اخذتني حاصل فاصل دكولن صباح ألخير .
رغد ، رقية : صباح الخير .
تقى : صباح النور اي هيج يحجون الاوادم .
رغد : لج سوالفج مو عليه احجيلي شبيج ابوج اشترالج موبايل جديد ؟؟
تقى : لا بس شفت شوفة اليوم مصايرة ابن مدير ابوية ما احجيلكم عبالي نازل من السماء ملاك مو بشر .
رغد ، تقى : شنوووو منووو هذا ومنين عرفتي و شوكت شفتي سووولفيلنه ...
تقى : اهدن شوية خلي اخذ نفس و احجيلكم .
....................
تقى :- ظليت اسولفلهن وهن فاكات حلكهن على الوصف ماتن لعد لو يشولن الحقيقة اكيد جلطة هههه كملت امتحان و رجعت للبيت تغديت و صعدت مددت اريد انام بس هذا الحلو مدا يروح من بالي هففف .
..............
بالجهة المقابلة اكو (الحلو ) غياث
غياث :- اني غياث عمري 26 سنة عايش خارج العراق علمود الدراسة خريج ماجستير ادارة اعمال ، عائلتي متكونة من ( والدي ، والدتي ، اختي اروى ، اخوية وسام ) ، وسام الوسطاني طالب كلية و اروى الصغيرة ثالث متوسط واني اكبرهم ، المهم اليوم من دا اروح للشركة شفت ابنية نزلت من سيارة ابو احمد و بنزلتها عثرت جانت مدنكة من رفعت عيني عليه ما ادري شصار بيه مو عيون شهد العسل ظليت اباوع بيهن بعدين انتبهت على ابو احمد و رحت سلمت عليه بس شكلها ابالي ومراح ابد طلعت بنت ابو احمد من حجيت ويا كلي يريد يوصلها للكلية ، المشكلة اني شايف كومة بنات و اشكال و الوان حتى احله منها بس هاية عيونها سطرني ما اعرف ليش ؟؟ الله كريم بس لازم اشوفها مرة ثانية راح اعزم بيت ابو احمد كلهم على عيد ميلاد اروى حتى تجي البنية و اشوفها .
.....................
* دك موبايل ابو احمد العصر ...
غياث : السلام عليكم عمي ابو احمد شلونك ؟
الاب : هلا ابني وعليكم السلام الحمد لله اني بخير تفضل اكو مشكلة بالشغل .
غياث : لا عمي كل شي ماكو بس دا اعزمك انت و العائلة على عيد ميلاد اختي الصغيرة و اريدكم تجون كلكم و متفشلوني .
الاب : كل عام و هي بخير لا شلون نفشلك بس كلي يا يوم و الساعة بيش ؟
غياث : باجر الساعة ب4 العصر .
الاب : ان شاء الله ابني مع السلامة واشكرك على العزومة .
غياث : لا عمي تدلل واجب احنه اهل ، الله وياك .
.............................
وجان يخلص الجزء الاول شنو رأيكم بي انطوني ارائكم .