فضفضة
السلام عليكم
صح لما تخسر حد غالي اعليك عن طريق خسارته ح ينولد جرح في قلبك ومهما طال الزمان ح يقعد ذكره وكل ماحد حكي اعليه او ذكر موقف عايشه امعاه ح تذكره بس بالاكيدة انه ح تتغير مكانته عندك وبالاكيدة مع الزمن ح ايكون الالم لما ينذكر اسمه مش زي الالم يلي قبله واذا كان الشخص هذا خسرته او اتغير اعليك فجاءة او جرحك بس في نفس الوقت عنده امعاك مواقف امليحة واتبيض الوجه صعب جدا انه ينولد فيك شعور كره او اذى او شي سيء مهما كان ح اتكون ديما تتمناله الخير وتبي تسمع اعليه الاخبار لمليحة وحتى اذا كنت مش ح اتحب تسمع سيرته لان ايخطر اعليك في حاجات تجرحك بس مع هك ح تتمناله ايكون بعيد بس بخير .
فضفضة بسيطة للناس يلي اخسرتها او ممكن قاعدة في حياتي بس مكانتها اتغيرت عندي واذكرتها اليوم وهدرزت مع ناس اعليها واذكرت وجع منهم في قلبي منهم ناس عندهم مواقف بطولية امعاي ومنهم ناس اخي اعليهم وخلاص .
ENG.KABMNZ
