بقلم الكاتبة# مجهولة
اسمي اسماء عمري ٢١ طالبة جامعية مرحلة ثالثة كلية تحليلات مرضية طولي وسط لا طويلة و لاقصيرة عيوني عسليات شعري اسود بشرتي بيضة و اني رشيقة لا سمينة ولا ضعيفة دائما احب اتأنق واشتري كلشي يعجبني وبابا ما مقصر عليه ابد وحالتنه المادية زينه
عائلتي متكونه من بابا عمره ٤٦و ماما عمرها ٤٣ اني اشبه ماما بكلشي واخوي حسين هو اكبر مني ب٣ سنين مخلص هندسة و يشتغل بمحل ملابس مال بابا تعرفون ماكو تعيين بالعراق طبعا هو حنين هواي و يحبني بس شوية معقد دائما يعلق على لبسي ميعجبة يريدني البس عباية بس بابا ميقبل يتدخل بيه مادامه عايش و يشتم الهوه بابا ابد ميردلي طلب لان اني الصغيرة و مدلله هواي اخر العنقود بعد
واني ملتزمة بأخلاقي و ماانطي مجال للولد هواي صارحوني بس اني ما اوافق لان مااحب هاي السوالف
جانت حياتي بالكلية عادية و حلوة عندي صديقات واصدقاء نطلع كروبات ونفتر ونتونس بس كلشي بحدود
بده حضي السيء يظهر من يوم من الايام جنت امشي بالكلية واصطدمت بشاب وكعن كتبي مني نزلت ردت المهن هو هم نزل و كام يلمهن فصارت ايده على ايدي اني استحيت جريت ايدي هو اعتذر كال اسف كتله عادي باوعت عليه شفته ولد حلو اشكر عيونه خضر المهم اني عفته و مشيت بعد ما اعتذرت
هلو اسمي ايمن عمري ٢٥ طالب جامعي كلية تحليلات مرضية مرحلة رابعة حلو و انيق شعري أشكر عيوني خضر بشرتي بيضة طويل عائلتي متكونه من بابا و ماما بس اني جنت وحيد اهلي و مدلليني لابعد الحدود
بيوم من الايام جنت كاعد ويا اصدقائي احنه شلة صايعين ندور بنات ونكضي وياهن وقت و من نمل نعوفهن و نجدد هههههه
المهم جنه كاعدين كامو يسولفون على بنية ويانه مرحلة ثالثة اسمها أسماء هاي البنية شايلة خشمها و متقبل باي واحد اني تراهنت وياهم عليها كتلها الا اجيبها للطريق واخليها تحبني واخذ منها الي اريده الولد وافقوا وبدت مهمتي ونوب شفتها حلة تخبل كلت الا اريدها ومستحيل تسلم مني وبديت ارسم عليها وشلون اوكعها المهم
فديوم شفتها تمشي بالكلية رحت عليها و لطخت نفسي بيها عمدا سويت نفسي ما منتبه وكعت كتبها و نصيت لميتهن وياها و بحجة الم الكتب خليت ايدي على ايدها هي ارتبكت و سحبتها بسرعة
اني رجعت اعتذرت منها و رحنه كل واحد بطريقه اني مشيت وظليت مبتسم لان هاي اول خطوة صارت الي
ام ايمن...يمه حبيبي استعجل شوية تأخرت وراك كلية و محاظرات
أيمن...اي ماما حاظر هسه اجيت
ام ايمن...يمه حبيبي اكل واطلع لا تروح هيج
أيمن...صار تتدللين
رحت اكلت شوية وطلعت للكلية هناك شفت اصدقائي سئلوني على اخباري ويا اسماء سولفتلهم على الي سويته البارحة كامو يضحكون كالو خلي نشوف تاليتها
اسماء ...اني وصلت للكلية جنت امشي وحدي من دخلت شفت الولد الي انصدمت بي البارحة نفسه هو بس صدك جان حلو و جان واكف ويا مجموعة ولد مبينين اصدقائه و جانو يضحكون بصوت عالي شوية من شافوني سكتو وهو باوعلي و ابتسملي واني هم ابتسمتله لا اراديا
بعدين انتبهت لنفسي عود اني ليش ابتسمتله مادري بس كلت يلا قابل شنو هي مجرد ابتسامة
رحت دخلت محاظرتي و شفت صديقاتي
طبعا ما كلتلكم اني من الطلاب المتفوقين يعني من الاوائل و اهم شي بحياتي دراستي و مستقبلي
خلصت محاظرة رحت ويا صديقاتي للنادي اكلنه و سولفنه
عدنه وحدة متزوجة وخطية شابعة ضيم و قهر و تكعد تشيكلنه و تطلع نار كلبها واحنه ننصحها بالنعرفة
ورة ما خلصت دوام بالكلية صعدت بالخط و رجعت للبيت
طبعا اهلي حطولي خط وحدي علمود ارتاح واختصر وقت هواي ورة نص ساعة وصلت للبيت تلكتني ماما كالعادة بوستها وسلمت عليها
ام اسماء...ها ماما وصلتي الله يساعدج يا بعد كلبي روحي بدلي ملابسج و غسلي و انزلي علمود تاكلين راح احضرلج الاكل
اسماء...اوكي رايحة بس شوكت يجي بابا من الشغل اليوم ؟
ام اسماء...بالليل يجي كال الساعة بالتسعة يجي
اسماء...اي زين علمود نتعشة سوه لان مشتاقتلة هواي
ام اسماء...اي اني ادري انتي بس تحبين ابوج وتشتاقيلة وحده
اسماء...لا طبعا مو وحده اني احد اكثر بعد هي واكفة كبالي هسه وشبكتها و بستها
ام اسماء...اي ضلي قشمري بيه كل مرة هيج تسوين بس اني اقتنع شسوي كلب ام ديلا روحي بدلي بسرعة
اسماء....هههههه يلا رايحة
