للكاتبة...سرير❣
أيمن...اني شفتها من عدها امتحان تروح تكعد بهذا المكان دائما فخطرت الخطة براسي ولازم انفذها رحت على واحد اعرفه مو خوش ولد بين قوسين يدور سوالف مكسرة و كتله يروح يعتدي عليها واني انقذها منه و انطيته فلوس علمود ينفذ واني عرفت جدول امتحاناتهم وكتله بهذا اليوم تروحلها و بهاي الساعة كال ماشي
ام أيمن...ايمن حبيبي كوم ماما راح تتأخر عالدوام والله تعبتني صارلي ساعة اكعدك و متكوم يا ابني دكوم من فدوة اروحلك
أيمن...ها يمه شبيج عوفيني اريد انام شوية حبابة
ام أيمن...لا حول و لا قوة الا بالله يا ناس شلون اكهده هذا ولك ابني كوم عدك دوام اليوم مو عطلة ترة
أيمن...هنا كمزت من الفراش و كتلها يمه اليوم شنو من الايام كالت أحد طفرت تذكرت اليوم موعد تنفيذ الخطة لازم الحك وركضت بدلت ورحت للكلية وصلت لكيته هستوه ديتمشه عليها كيفت و جريت نفس كلت الحمد لله ما فاتني القطار هههههه راح يصير كلشي مثل ما اريد عاد هو سوه الي اتفقنه عليه واني اراقبهم واضحك ههههه لازم اوقت طلعتي بالوقت المناسب و اصير بطل بعينها هاي احسن طريقة علمود اخليها تحس بالامان وياي
عالعموم من وصار الوقت المناسب طلعت كتلت الولد و نقذتها و صرت البطل بعينها
بعدها نزعت سترتي و لبستها السترة كالتلي شكرا انت نقذتني لو ما انت ما ادري شيصير بيه عاد اني استغليت الموقف و عرفتها عن نفسي و سويت نفسي ما اعرفها و خليتها تعرف عن نفسها
بعد هاي الخطوة حسيت بانتصار جبير
كتلها اي شي تعتازي بس كليلي و جبرتها تنطيني رقمها و اخذته
اسماء...قنعني و اخذ رقمي بعدها كتله مااكدر اداوم راح اروح للبيت حتى ما اكدر اجاوب بالامتحان من الخوف كال اني اوصلج للبيت كتله تسلم كافي وكفتك وياي هسه وما اكدر اردلك هذا المعروف لو شما اسويلك كال هذا تصرف انساني الي سويته وياج كتله اني اخذ تكسي و ارجع للبيت تسلم كال مترجعين ويا تكسي بالله سوالج شي خطفج وانتي بنية وحدج وحلوة فوكاها خجلت من حجة هيج دنكت راسي كتله من ذوقك هذا
رحت ويا دليته على بيتنه و وصلني للبيت شكرته و طبيت للبيت
ام اسماء...ها بنيتي شو جيتي من وكت خوما بيج شي
اسماء...لا يمه ما بيه شي بس تخربطت شوية بالكلية ورجعت
ام اسماء...اسم الله عليج بنيتي شتحسين شنو اليوجعج
اسماء...لا يمه هيج دوخة بس ماكو شي لا تخافين عليه
ام اسماء...ليش قميصج مشكوك هيج
اسماء...هااا اي هاي عثرت و وكعت و انشك
ام اسماء... شجاج اليوم يا عيني مصيوبة بعين روحي لغرفتج ارتاحي هسهاسويلج اكل واصعده
اسماء...لا يمه مااريد ما اشتهي بس اريد انام وارتاح
ام اسماء...روحي يمه براحتج
اسماء...صعدت لغرفتي كعدت بالكاع وانهاريت متت من البجي والخوف مادري جان شصاؤدر بيه اليوم لو ما أيمن ينقذني جان شصار بيه شلون اواجه العالم جان مستقبلي اتدمر بس همزين الله يحبني و دولي أيمن مبين شهم و غيور و خوش ولد
لليل كاعدة حابسة نفسي بالغرفة جان يدك موبايلي شلته شفت الرقم هذا ايمن ليش يدك بهيج وقت كلت اجاوبة اشوف شنو صاير شو انعصر كلبي خاف احد درة بالموضوع
أيمن...الووو هلو شلونج اسماء اسف اتصلت عليج بهيج وقت بس ماكدرت انام قبل لا اطمن عليج واشوفج شلونج
