لؤي اطلع فيها تطليع غريبة يعني انتي مو حابة وجودي بالبيت مدايقة مني شي اوليلي وانا بلاقي الحل ...ماسة :لا والله انا مو هيك قصدي ابدا بس انا انفرضت عليك فرض وانتي ضحيت كرمال جواد
واوفقت تساعدو بقى ما بدي قيدلك حريتك
بس هيك قصدي
لؤي كان تايه بكلماتها من اول ما فات عالبيت عم يحاول ما يطلع فيها كرمال ما تشدو اكثر بس ما مشي الحال ....لؤي:عسيرة جواد احكى معك
ماسة :اي احكي معي والحمد لله وصلو بالسلامة
ليش ما حاكك
لؤي :مبلا حاكني بس عم شوف اذا ما طمنت عليه
كرمال طمنك يلا عن اذنك رح اتأخر عن ديانا
ماسة شد انتباهه حكيو بس عملت حالها ما اهتمت
ماسة :اذنك معك
فات لؤي على غرفتو بدل تيابو لبس بنطرون جنز غامق وقميص اسود وفوقها جاكيت ابيض
كان مثل عادتو بقمة اناقتو بس ما كان رايق
ولما اطلع لاقى ماسة قاعدة بالصالون
شو بها ليش بطلت تاكل ....
لؤي :بدك شي
ماسة :لا...
لؤي :امممم سلام
ماسة ماردت عليه
شو بها معقول انزعجت لان ما رضيت اكل معها
بس ليش لتنزعج اذا اصلن هي بتحب جواد
وصل لؤي على بيت عمو فتحتلو ديانا الباب
لؤي :مساء الخير ديانا
ديانا :اهلين يا مسا الورد شو هدول الوردات الي
لؤي :اي الك
ديانا :يسلموا يا قلبي انت شفتوك لحالها بتكفيني
لؤي :ديانا انت بتعرفني ما بحب هالحكي
ديانا :خلص اللي بدك ياه بحكيه بس ما تعصب
ابو عبدو :لك شو بدكن اتضلكن واقفين عالباب
لؤي :اهلين عمي طمني كيف صحتك
ابو عبدو: الحمد لله بس عتبان عليك يعني ما عم نشوفك بنوب
لؤي :والله حق عليا يا عمي وانت عتبك ما بهون عليا فاتو اتغدو بس لؤي ما اكل شي وما كان الو نفس وما بيعرف ليش خطرت على بالو ماسة وبعد الغدى
اتركوهن عمو ومرت عمو عن ديانا لحالهن
بس لؤي كان طول الوقت ساكت بعكس ديانا اللي ما سكتت ولا دقيقة كان كل حكيها عن حفلة الخطبة
وشو حابة تساوي
لؤي :ديانا انا مو فاضي كون معك كل الاسبوع
هو نهار واحد رح كون معك
ديانا :بس يوم !!!!ما منلحق نجهز كل شي
لؤي :منلحق اذا ما اتوسستي وما نقيتي
ديانا :طيب المهم انك تكون مرتاح
بعدين اجى عمو ومرت عمو للؤي اعدو معهن وكان عم يحكي بأمور مختلفة لؤي كان كثير بيحترم عمو وبحبو لأن شخص الو وزن وقيمة كانت ماسة بالموقع مدليقة...ديانا هي خطيبتو اكيد بس انا ليش مدايقة احسن شي اوم اتفرج على شي مسلسل
..وبعد ما مضي شي ساعة ؟،،ماسة اوف لهلأ عندها ومعها باينتو كثير بحبها واستمرت بتقليب بالتلفزيون لحددت ما غفلت عالكنابية ....
لؤي :يلا بدكن تسمحيلو صار لازم امشي
ديانا :خليك نكفي السهرة سوى
ابو عبدو.:بابا ديانا اتركي خطيبك عراحتو
ديانا :بامرك بابا مع السلامة لؤي
لؤي :يلا بدكن شي تصبحو على خير
ام عبدو :وانت من اهلو يا ابني .
رجع لؤي عالبيت واول ما فات لفت انتباهو ماسة اللي كانت نايمة عالكنباية قرب لعندها واخذ جهاز من ايدها وطفى الشاشة بعديين اعد على طرف الطاولة اللي جنبها كانت غرقان بالنوم مالها حاسة بشي من حولها مالها حاسة بالشخص اللي عم يتأملها واللي سرقت كل تفكيرو الاسئلة الكثيرة اللي شاغلة بالو بعديين قرر لؤي يحملها على تختها كان متردد بالهشي بس بنفس الوقت كان حابب يساويه حملها لؤي ومجرد لمس شعرها الناعم حس بأحساس غريب لاول مرة بحسو ريحت عطرها اللي احتلت انفاسو وجذبت روحو برائتها وملامحها الطفولية هي ونايمة كل شي كان فيه اشبه بالتخذير وبالادمان بنفس الوقت ما صدق امتى وصل عتختها حطها فيه وغطاه وما التفت عليها مرة تانية كرمال ما يتصرف تصرف يندم عليه واطلع من الغرفة وسكر الباب تنهد تنهيدة كانت طالعةمن قلبو ومن روحو وراح على غرفتو بدل تيابو واتسطح بالتخت كان لاول مرة عم يحس احساس انو فيه شي حلو بالهدنيا ومانو قادر يحصل عليه وهو من لما اجى عالدنيا ولد وبتمو معلقة من ذهب حتى كل البنات اللي قابلهن بحياتو هنن حبوه في هو ما حب ولا واحدة فيهن لدرجة انو ما كان يأمن انو فيه شي اسمو حب لهيك ما قدر يحدد شو هي طبيعةالمشاعر اللي عم يحسها تجاه ماسة لحتى يقضي عأفكارو كلها قبل ما ينام تذكرو لحكي رفيقو وحبها لألو قرر يستسلم للنوم على امل يفيق ويلاقي حالو فاقد هي المشاعر.....
ماسة ...فتحت عيونها لاقيت حالها بتختها اول شي ما كانت متذكرةشو صار مبارح بس اولما وقفت واطلعت بالمراية اتذكرت انو هي ما فاتت عفرفتها
..ماسة ..يالله انا ما بتذكراني فتت ونمت بتختي آخر شي بتذكرو اني كنت عم اتفرج عالتلفزيون معقول لؤي. ...لا لا مستحيل يكون لؤي هو اللي حملني عالتخت اكيد انا فايتة عالغرفة بس ما كانية وعيانة عحالي هيك شب ما رح يطلع منو هيك تصرف عنجد مثل ما قال عنو جواد مو مثل باقي الشباب
جدي وحلو وهيبة و...واضرب انا هاللسان كأنو اعجبت فيه بس مثل العادي كل الناس اللي بحبهن ما رح يبقو معي ...سقطت دموع ماسة عخدودها وقعدت عالتخت بهدوء وصارت تتسابق دمعاتها مين اللي بدى تنزل قبل اتذكرت كل اوجاعها وكل شي كسرها بيوم من الايام واللي وقف ذكرياتها هو صوت لؤي ...ماسة من بعد اذنك فقتي
ماسة .اي فقت
لؤي طيب فيه مجال تجي كرمال نفطر
ماسة..صحة وهنا انا مو جاي عبالي افطر
لؤي طيب عراحتك ...معقول انزعجت مني لان حملت على غرفتها اكيد بدها تنزعج ما كان لازم اتصرف هالتصرف يالله دخيلك عنجد خطأ اللي عملتو بس انا لازم بررلها تصرفي كرمال ما تنئسر
لؤي ماسة فيه مجال اتطلعي شوي بدي احكي معك
ماسة ..ياترى شو بدو مني بس ما حلوة لازم اطلع ..
طيب معليش بدي شي عشر دقايق
لؤي ..اي انا بانتظارك
ماسة قامت لبست بنطرون زيتي وكنزة سودة واتركت شعرا مفرود عظهرها كان جسمها كثير حلو شو ما تلبس يلقلها
ماسة ..صباح الخير لؤي
لؤي ..صباح النور خير شو بكي حسيت صوتك مو طبيعي ..ماسة ..ولا شي بس يمكن بدي كرب. وكانت عم تتفادى اطلع فيه ما كانت حابة يعرف انو كانت عم تبكي ..وقف لؤي ومشي صوبها ولاول مرة بيطلع بوجها وج لوج ..لؤي ..ماسة اذا بخصوص اللي صار مبارح فأنا اسف صدقن ما كان قصدي شي ..ماسة اطلعت فيه باستغراب ..ليش شو صار مبارح ما فهمت لؤي ..انووو..انا حملتك على تختك بس كانت نومتك مو زابطة وفيقتك بس ما وعيتي عليا ..
ماسة بهديك اللحظة اتسع عيونو وحمرو خدودا من الخجل ما عاد عرفت شو بدي تحكي هي كانت بموقف ما بتحسد عليه ...
لؤي ..صحيح كان حاسس بالذنب بس يمكن الحياء والخجل اللي شافهن عوجها كان من الشغلات اللي زادت اعجابو بماسة
ماسة ..انا عفكرة ما حسيت على شي وما كنت مدايقة منك ..لؤي ..يعني هلأ انتي دايقتي ...
ماسة ..لا ما دايقت بس اكيد انحرجت ....لؤي اسف مرة تانية ..ماسة معليه اسئلك سؤال ؟؟؟
لؤي ..اتفضلي اسألي. ..ماسة ..جواد قلي انك بتكره الاعتذار لأي حدا وصرت مرتين معتذرلي اليوم
لؤي ..انتي قلتيها بكره الاعتذار لأي حدا وانتي مو اي حدا ..ماسة زاد خجلها
لؤي قصدي انو انتي امانة جواد عندي وما بهون عليا زعلك .... ماسة..امممممم
لؤي ...اممممم شو بتقصدي فيها
ماسة ...هلأ يا معناها بحبك يا كذاب ...بس انا اكيد ما بعنيه بأي منهن ...لؤي اطلع فيها تطليعة ما عرفت تفسرها ..ماسة اكيد ولا واحدة منهن والله
لؤي ..اي انا مصدقئك ...حس بارتباك كبير من جوابها مع انو كانت ثقتو بنفسو كبيرة وما بحياتو كلام شخص اربكو هيك بس حاول يغير الموضوع
لؤي ..طيب ليش صوتك ما كان طبيعي
ماسة ..ولا شي قلتلك انو يمكن بدي غرب بس هيك وشغلة اللي اعتذرتلي عليها شيلها من بالك وانا نسيتها
لؤي ..طيب لكان شو رأيك اخذك عالدكتور قبل ما تغربي ..ماسة ..لا ما فيه داعي هلأ بيشرب كاسة ليمون ومي فاترة بيمشي الحال ..انتو روح على شغلك وما تشغل بالك بشي ..
لؤي ..ماسة ما قلتلي اذا فيه شي محدد بسليكي وبحسسك بالفرح اعملك ياه كرمال ما تملي
ماسة ..اي انا بحب شوف الأفلام اذا فيه مجال تجبلي شي فيلم حلو
لؤي ..من عيوني بس فيه شي محدد بتحبيه
ماسة ..لا بحب كون ما بعرف هوية الفيلم قبل ما شوفو كرمال ما تروح بهجتو
لؤي ..ههه طيب المسا رح جبلك الافلام وبالنسبة للغدى خالة ام حسان ما بقى الا توصل وهي رح تقوم بكل شي من طبخ وتنظيف وانتي ريحي حالك لانك باينتك تعبانة يلا سلام
ماسة ..مع السلامة
ماسة ما صدقت امتى راح لؤي لان وجودو تصرفو بالليلة اللي قبلها سببلها ارتباك كبير ..مو معقول كيف اتجرأيقلي ان هو حملني على تختي وشو خطر على بالو يتصرف هيك تصرف يالله يا ريتو ما قلي لان هلأ ما عاد عندي الجرأة اتصرف معو طبيعي لان رح يحس اني بلا أدب ان شاء الله جواد يرجع باققرب وقت ما بدي يصير وجع راس لا الي ولا الو.....
اندق الباب ..ماسة اكيد هي خالة ام حسان احسن شي حاول أفهم منه شوية شغلات عن لؤي
ماسة ..اهلين خالة كيفك
ام حسان ..اهلين يا بنتي ييي يسلملي هالوج الحمد لله انتي كيفك طمنيني عنك
ماسة ..تمام الحمد لله
ام حسان. .السيد لؤي قلي انك تعبانة بتحبي اعملك شي محدد تشربيه
ماسة..امتى شفتي لؤي وقلك اني تعبانة يعني التقيتو برى
ام حسان ..لا احكي معي كرمال ما اتأخر عليكي الظاهر انو كثير امرك بهمو
ماسة..ههه كثير ..قالت ماسة بينها وبين حالها اكيد كرمال جواد هامو امري
ام حسان ..سلامتك ياربي شو بتحبي اعملك عالغدة
ماسة ..اللي بدك ياه خالة عملي الشي اللي بحبو لؤي ..لانك اكيد بتعرفي شو بحب وشو بيكره
ام حسان..اي لكان السيد لؤي الي بيعرفو 5 سنين من لما توفى زوجي وما صيفلي حدا انا وولادي السيد لؤي ما تركنا من يوميتي وما قصر معنا بشي الله يعطيه ليرضيه الله يوفئو ويرزقو ...طبعا ام حسان قضت طول اليوم وهي عم تحكي عن لؤي وتمدح بكرمو واخلاقو وكان قلبها غاصصه بدها تعرف ماسة شو بتكلو بس لؤي كان قايلها مسبقا ما تسألها ولا سؤال وهي اكيد ما رح تخالف تعليمتو
..وماسة بنفس الوقت كانت حابة تحكيلها عن خطيبتو ديانا بس ام حسان ما جابت سيرتها بالمرة
ام حسان ..الحمد لله خلصنا كل شي قبل ما يجي السيد لؤي وهي الكبة اللي بحبها صارت جاهزة
ماسة..ههههه خالي خلصنا ليش خليتيني ساعدك بشي انتي عملتي كل شي لحالك
ام حسان ..لساتك صغيرة عالشغل وبعديين السيد لؤي نبهن انو ما خليكي تمدي ايدك ع شي لانك مريضة وهلأ انا صار لازم امشي لان تأخرت عن ولادي
ماسة ..لا خالة شو تمشي عدي اتغدي معنا
لؤي اكيد رح يزعل اذا رحتي قبل ما تتغدي
ام حسان تسلميلي يارب بس انا ما بحب اتغدى بلا الولاد
ماسة ..عراحتك خالة الله يخليكن لبعض
وراحت ام حسان على بيتها بعد ما عبتلها ماسة سكبة
ماسة ..يالله ما وقفت حكي عن لؤي ولا لحظة بس يا ترى ليش ما جابت سيرة خطيبتو معقول ما بتعرفها ومعقول لؤي كل هالقد منيح ..اكيد منيح زى ما منيح ما بيعمل هيك مع جواد وبعديين قررت اتحمم وتاير تيابها قبل ما يرجع لؤي لان ما كانت حابة يبين احلى منها وبالفعل راحت اتحممت وبعدها نشفت شعرها وعملت كيري ولبست بنطرون اسود وكنزة بيضا ومثل العادة كانت بقمة الجمال والأناقة وقبل ما تضيف لمساتها الأخير من ميك أب عوجها سمعت صوت تسكيرة الباب فحطت الميك اب مثل العادة واطلعت لتشوف لؤي اللي مجرد شافها اتطلع فيها تطليع كانت أشبه بضربة الشمس وبالثلج البارد سوى بعيونو الشهل اللي كان فيهن قوة العالم وسحرو بنفس الوقت واللي اذا بتتأمل فيهن شوي بتشوف انو نظراتو مو نظرات شخص ما بتعنيلو شي وانما نظرات عاشق
لؤي ..مسا الخير ماسة ..ماسة ..اهلين مسا النور
كيف صرتي ان شاء الله احسن ..الحمد لله احسن وبعديين خالة ام حسان ما خلاني ساوي شي
لؤي ..اي الحمد لله وبعديين انتي بطبيعة الحال ما بصير تساوي شي
ماسة..ليش بقى..لؤي ..لانك صغيرة
ماسة برطمت بهديك اللحظة لان معقول شايفها طفلة قدامو ومو شايفها غير هيك
لؤي ..لا صغيرة ومثل الأطفال بتزعلي بسرعة
ماسة ..لا ما زعلت ..لؤي..امممممم
ماسة..شو يعني اممممم لؤي
لؤي ..يعني مو حابة انتغدى لان انا ما بحب اتأخر بموعد الغدى خصوصي اذا الأكلة كبة ومن تحت ايدين خالة ام حسان أشهر من طبخ
ماسة ..يا سلام هديك طول اليوم عم تمدح فيك وهلأ صار دورك مثلن
لؤي ..ليش بيزعجك هالشي
ماسة ..لا ما بيزعجني بس كمان انتو التنين شايفني طفلة يعني هيك كثير
لؤي..خلص مالك طفلة بس انتي لا تزعلي حالك
جبتلك الافلام ليكهن عالكنباية بالصالة
ماسة ..اي يسلمو بس مارح تحضر الفيلم معي
لؤي ..بهديك اللحظة حس بأحساس حلو من سؤالها
لؤي..مبلا رح احضرو معك لان حسيتهن حلويين
ماسة يلا تعالي نتغدى بقى يعني مو معقول بتصدقي اول مرة من لما اصتقليت عن بيت اهلي بتأخر عن الغدى أخذني الحديث معك
ماسة ..اسفة لؤي يلا اجيت ساعدك
..اتغدو وبعديين فات لؤي على غرفتو نام شوي او بالاحر حاول ينام بس ما حسن ينام من التفكير بماسة. .كل ما تغمضلو عين يخطرو عبالو شي حركة من حركاته او شي موقف هي ما عدا عيونها وريحة عطرها اللي ما عم يتركو ابدا واحتلو جزء منو وبنفس الوقت كانت ماسة مشغولة بالتفكير فيه بس كانت مدايقة كونو شايفها انه طفلة ومر الوقت واحة الليل وبين ما كانت ماسة بغرفتها اطلع لؤي من غرفتو وراح جهز الاركيلة والشاي والموالح وحطهن بالصالة وحط الفيلم عالشاشة وبعديين راح دق الباب على ماسة
ماسة ..اي لؤي
لؤي..ماسة ما بدك تشوفي الفيلم
ماسة ..مبلا جاي ما تبلش فيه لاجي
لؤي ..امرك ماسة خانم
ماسة..هههه ما يأمر عليك ظالم
لؤي ..عنجد هالبنت طفلة بس طفلة بتنعشق
ماسة ...اوووه بدك تأركل
لؤي..اي ليش انتي بتأركلي
ماسة ..اممممم لا ما بأركل بس بحب ريحتها وحتى انك مجهز كل شي وانا ما ساعدتك ليهما نادتلي
لؤي..ما فيه داعي ما بدي عذبك وهلأ تعالي عدي لنشوف الفيلم
ماسة..طيب جاي واسفة لأني بحكي كثير بوعدك ضل ساكتة طول الفيلم
لؤي ..لا ماسة خذي راحتك واحكي لما بدك
بس مو هون كانت النقطة النقطة انو لؤي جايب أكثر فيلم رعب بالعالم وماسة كثير بتخاف وقلبها ضعيف تجاه هي الافلام بس ما كانت مسترجية تعلق لان كان لؤي مستمتع بالفيلم ومندمج معو هي هيك كانت مفكرة ما كانت عرفانة انو عيونو عالفيلم بس قلبو وعقلو كانو معها وضلت ساكتة وعم تكابر للحظة اللي قطعت العصابة بالفيلم راس الناس وصارت تشرب من دمهن...
ماسة ..وليييييي شو هذا يا امي
لؤي ..شو فيه ماسة شو صرلك ..ماسة خبيت عيونها وبلشت تبكي. .لؤي قام لمقابيلها وحاول يهديها
ماسة رؤي امانة هذا كلو تمثيل
ماسة كانت مخبية عيونها واستمرت بالبكة بس لؤي ما اتحملو عقلو ومسك ايديها التنتين وشالهن من عن عيونها وبعدها ضمها لصدرو
لؤي..ما فيه داعي تخافي طوال ما انا معك ما تخافي من شي وما بدي شوف دموعك لانهن جرحوني
ماسة..كانت ضعيفة بهديك اللحظة وكانت بحاجة ليضل جنبها وما كانت حابة يبعد عنها غمرت راسها على كتفو والتزمت بالصمت كانت هي اللحظة كفيلة بأنو اتحسسها بالأمان وبالراحة وبنفس الوقت كانت كفيلة لتسرق من لؤي آخر محاولة باقناع نفسو انو هو ما حبها وما اتعلق فيها
