❤❤❤.......عشقي💞لها........❤❤
.⬅⬅⬅......البارت 8........➡➡➡
......✏📓للكاتبة البرشلونيه📓✏.......،،،
؟.........مرحبا حبيباتي بارت جديد من قصه عشقي لها استمتعوا💋.....
.....وبيوم من الايام كال النه بابا بيت عمو ابو الياس راح يجون باجر تحضروا وحضرو البيت حيباتون عدنه لحد محضرن بيتهم ويكملو ....
حضرنه كل شي ونضفنه البيت وكتهة كان يوم خميس وسوينه تنظيف سنوي وهلكنه من التعب اني راسا سبحت ورحت نمت ثاني يوم الجمعه اجو بيت عمو ابو الياس ورحت سلمت عليهم وعلى بناتهم بيسان اكبر بنيه تدرس قانون مرحله رابعه وكاردينيا الي هي اخر العنقود عمرها 20 سنه مرحله ثانيه طب كانن موجودات بس ابنهم الياس ماكو ،،،،،،مااهتميت اصلا اني اتوقع شفتى مرة وحده بحياتي حتى لو اشوفه ماافرق بس من لون عيونة لان كان لون عيونة جدا مميز المهم فرشنا السفرة وصبينا الغداء واكلنا .،...... بقت المواعين والمي كان مكطوع وميجي اله برى بالطرمة زين شلون اذا ابقيهن امي تاكلني بكشوري ...... وتلعب بية فلك ...... كلت هاهيه..... حطلع برى بالطرمة واغسل المواعين ...اخذت الزاهي والجلافه والاسفنجه .... ووديتهن ،،،، واخذت المواعين....بديت اغسل المواعين ....ونوال تسوي جاي ..... جاي اغسل بالمواعين واندك الباب ..... رحت افتحه عدلت شالي .... جاي افتح ،... كلت منو ... انفتح الباب ... ودخل ولد غريب ... من كد مااني ثوله شفته دخل عبالي حرامي (لج زينب شهلغباء حرامي بنص الظهر😂😂 )
المهم... شفته ولد غريب .،، ماسالت او حجيت .... ظليت اصرخ .... يماااااااي .....يماااي .. لحكولي حرامي .....الولد فز وهو كان منطيني ظهره يعني ماشافني .... فز ودار عليه ....مالحكت اشوفه ظليت اركض واصيح .... حرررامي ياناس حرامي... طلع ابويه وولد عمي ... وعمامي والبنات .... واني جاي اركض صار ماهر بوجهي .... وانضربت بي... ولزمني ،... واني اصرخ ...، ولك ماهر حرااامي ماهر .
. ماهر بهالاثناء ميت ضحك .... وعمامي يغلطون عليه ... وبابا يضحك ...وطلعن عماتي وبناتهن وووووو الناس كلهة على صياحي ويضحكون .... اني درت وجهي لابويه اريد افتهم ماانطوني مجال ... بس شفت الولد واكف يخزر بيه ...ماكدرت اعرف منو .... ركزت بعيونه ......وشهكت....فجأة .....اتذكرت هاي العيون ولونهن .... ازرق بس مأل للبني ... كان يعجبني لونهن .... لان اشوف عدسات مثلهن ... اسمهن ليدي ....وردت اوصي عليهن ...، اتذكرت الموقف ..... عمري 5 سنوات ....ببيت عمو ابو الياس ،،،،بحديقتهم الخارجيه ... باستراليا ....كان بيتهم على الشارع العام .... مقابيل بيتهم كان اكو متنزه وبيه ملاعيب ....كنت اكل لامي خل نروح بس ماتقبل ...... فكان الباب الخارجي مفتوح .... انتهزت الفرصه ورحت .... اركض .... اريد اروح للمتنزه ..... جاي اعبر الشارع العام ..... ركضت اعبر .... ماسمعت غير صوت هورنات ... ووواحد جرني حيل .....وانحضنت ....فتحت عيوني .... كان عمرة 12 سنه وكتها ... اجت عيني بعينه ... نفس لون العيون ... الشعر بني بيه خيط من الشكار ... ماشفنه اله .
