ချစ်သော ပီတာသို့
ပီတာရေ နင့်နားအမြဲရှိနေပေမဲ့ နင်ဘယ်တော့မှမြင်အောင်မကြည့်တတ်ခဲ့တဲ့ ကောင်မလေးတယောက်ရဲ့ ခံစားချက်တွေပေါ့ နင်ဖတ်ကြည့်ပေးမယ်မလားဟင်
ပီတာရေ ခနတစ်ဖြုတ် နင့်ဘဝထဲအလည်လာခဲ့တဲ့ ဝင်ဒီကိုတောင် နင်ချစ်နိုင်သွားသေးတယ်ဆိုရင် နင့်နားမှာ ဟိုးအချိန်တွေကတည်းကရှိနေခဲ့တဲ့ ငါကကော နင့်ကိုချစ်နေမယ်လို့ နင်နည်းနည်းလေးမှမတွေးကြည့်ဖူးလားဟင်
ငါက နင့်ပြောစရာမလိုအောင် နင်ဘာတွေးနေလဲဆိုတာ သိနေပေမဲ့ နင်က ငါ့ဘက်ကနေစဉ်းစားပေးတယ်ဆိုတာတော့ လက်ချိုးရည်လို့ရမယ်ထင်တယ် ပီတာ
အေးပေါ့လေ ငါက နင့်အတွက် ရဲဘော်ရဲဖက် အင်း ဒီထက်ရှင်းအောင်ပြောရရင် လိုသုံးတယောက်ထက်ပိုမှမပိုခဲ့တာ
အိပ်ရာဝင်ပုံပြင်တော်တော်များများမှာ ငါဟာ ဘယ်တုန်းကမှ ဒီဇာတ်လမ်းရဲ့ ဇာတ်လိုက်တယောက်မဟုတ်ခဲ့ဘူး ပီတာ
နင်တို့နှစ်ယောက်ရဲ့ လွမ်းမောစရာ အချစ်ဇာတ်လမ်းလေးမှာ ငါဟာ ဗီလိန် အဆင့်တောင်မရှိတဲ့ ဇာတ်ရံသာသာတယောက်ပဲ
အားလုံးအမြင်မှာ ငါဟာ ရီချင်စရာကောင်းတဲ့ အလှကြိုက်တဲ့ မနာလိုစိတ်ကြီးတဲ့ သတ္တဝါသေးသေးလေးတယောက်ပဲ
ဒါမဲ့ အဲ့သတ္တဝါသေးသေးလေး နင့်ကိုတော့သိပ်ချစ်တတ်တယ်ပီတာ
အတောင်ပံတွေတဖြတ်ဖြတ်လူပ်ရင်း 'နင့်ကိုငါချစ်တယ် ပီတာ'လို့ ပြောရင် နင်ဘာပြန်ပြောမလဲ ငါသိချင်ပါသေးရဲ့ပီတာ
ငါ့အထင် နင်နည်းနည်းပဲအံ့သြသွားမယ်ထင်တယ် ပြီးရင် နင်ရီမယ် 'မရူးစမ်းပါနဲ့ Tinkရာ'လို့ပြောရင်း ကောင်းကင်ပေါ်မှာ နင်တပတ်နှစ်ပတ်လောက်လှည့်ချင်လှည့်မယ် ပြီးရင် နင်ငါ့ကို မချစ်နိုင်ပဲနဲ့ မျှော်လင့်ချက်တွေပေးပြီး ငါ့ကိုဆွဲထားဦးမယ်
ဒါမှမဟုတ် ငါကပဲ နင့်နားကပ်တွယ်နေမိခဲ့တာလား ပီတာ
အမျိုးအနွယ်တွေနဲ့ဝေးတဲ့နေရာမှာ နင့်တယောက်တည်းကိုကြည့်ပြီးနေနိုင်လောက်အောင် ငါကန်းခဲ့တာလား ပီတာ
ငါ လူတွေကိုမုန်းတယ်ပီတာ ဝင်ဒီကိုမုန်းသလို နောက်ထပ်Never Land ကိုရောက်လာနိုင်ဦးမလားမသိတဲ့လူတွေကိုလည်း ငါကြိုမုန်းထားတယ် ပီတာ
ငါ့ပုံပြင်ထဲမှာတော့ နင်ရယ် ငါရယ်နှစ်ယောက်တည်းပဲရှိတာပါ
လူတိုင်းသိကြတာက ငါဟာ Never Landက အသက်နှစ်ပေါင်းများစွာရှည်တဲ့ fairy taleတယောက်
ဒါပေမဲ့ပေါ့ ပီတာရယ် နင်နားနေရင်း နင့်ကိုပဲမျှော်ကြည့်ရင်း ငါ့နှလုံးသားကတော့ လူမသိသူမသိသေနေတာ ကြာပါပြီ ....
ဘာပဲဖြစ်ဖြစ်ပေါ့လေ Peter Panဆိုတဲ့ နင်ရှိနေရွေ့ နင့်ပုံပြင်တွေရှိနေသရွေ့ ငါက နင့်ကိုတဖတ်သတ်ချစ်နေရတဲ့ ရယ်စရာနတ်သမီးသေးသေးကလေးအနေနဲ့ ရှိနေဦးမှာပါ ပီတာ
အရင်ကရော အခုရော နောင်ရော နင်နဲ့ဒီထက်ပိုပြီး နီးမလာနိုင်တော့မဲ့ သူတယောက်ပေါ့ ပီတာ..
#Jasmine Tea
2.4.18
