#حب_لايعرف_المستحيل

البارت الثاني

مساء الخير 😍

فتحت المسج واتفاجأت صراحة من شفتها دازتلي مدري ليش هيج عاجبني احرك دمها
كاتبا (شكد انت بلا شخصية حتى مسحت التعليق الا تعرف نفسك على غلط )وخربطت حجي هوايا بحيث استفزتني
كتلها مالومج الوم اهلج الي سلموا النت بيد هيج زعاطيط
وظلت تغلط واني اردلها بكلمة وحدة أو ادزلها👍 بحيث صدك حركت دمها 😂
سديت الفون ونزلت اتريك ويا اهلي
ومدري ليش بقيت أفكر بيها أريد كلمات هيج تستفزها اكثر واكثر
بعدين حسيت عل نفسي خااب دطير هاي اني شجاي اخربط من ايمتى احط عقلي ويا زعاطيط😡
كمت بدلت ملابسي حتى اروح للدوام اي نسيت اكللكم اني طالب مرحلة ثالثة كلية صيدلة اني الوحيد الشهادتي عالية من بين اهلي احب الدراسة هوايا
فبدلت وكملت وتوجهت الدوامي وبدا ملل المحاضرات بحيث صفنه تجر صفنه إلا شوي دنام
وأخيرا وبعد عناء خلص الدوام وصار لازم نرجع
رجعت وماصدكت بوجهي عل حمام من الحر الاكلتا برا طلعت حطيت راسي ونمت ماكعدت لي المغرب
.
.
.
سارة
من شفت منشور هاذا الغبي دمي كام يفور صدك ضوجني شنو هالعقلية لايمتى يضلون هيج فرزلتا رزاله تبرد الكلب😋
بس الغبي بقى يحرك بدمي وكملها ومسح التعليق انوب اني جنيت كمت احوص آخر شي كل اطب الصفحتا ببداية ترددت خفت يحسبني ازحفلا
بعدين كلت انكعا برزاله وسويلا بلوك
دزيت الرساله ودسويلا بلوك بعدين كلت مع نفسي خلي انتظر اشوف شنو يرد واحظرا😀
انتظرت وانتظرت بعدين شفت مارد عفت الفون ونزلت اتريك حتى اروح للدوام وبعدها عندي دروس خصوصي لأن اني صف سادس واهلي يريدوني اطلع مجموعة طبية😧
اني مااريد خااب قابل كل السلاله طب حتى ماحلو 😥
كملت ريوك وصعدت ابدل حتى بابا يوصلني فتحت الجهاز لكيتا كن رد وأيضا رد استفزازي رديت علي وتركت الجهاز ونزلت رحت للدوام بس رحت واني منرفزة
بحيث تشرح المدرسة واني اصفن أريد ألكى كلمات اخلي يحترك من يقراهاا
الي يشوفني ولاكأني طالبة سادس😅 صدك سختة اني بس عندي ذكاء بحيث مادرس زين وأخذ درجات أعلى من صديقاتي
عاد الأم والأب أطباء وعليكم الحساب😬
كمل الدوام ورجعت وكان عندي بل4 العصر محاضرة رياضيات
فرجعت بدلت واكلت وارتاحيت وكمت أقره اشويا بعدين اتذكرت هاذا الغبي😑
جبت الفون وفتحتا لكيتا ماداز شي مثل ماتركتا
احترت ادزلا ما ادزلا  ادزلا ما ادزلا آخر شي ماكدرت ودزيتلا ها شو ساكت اكيد ماعندك رد عل كلامي 😏
شو بعد شويا دزلي  خااب دولي وانتي شكو كلساع دازه مسج شدعوه هيج ساحله نفسج 😏
اني هنا ردت الأرض تنشك وتبلعني شكد مااحرجني الغثيث مارديت علي وسويتلا بلوك

علي
شفت سوتلي بلوك كلت بعد احسن خلصت منها
ومر عل سالفه يومين ثلاثه بس ماراحت من بالي
حسيت لحيت عليها هوايا
كلت ويا نفسي خلي تولي هاي زعطوطه انا تالي وكتي  هيج ينحجي وياي درت راسي ونمت كعدت ثاني يوم جان يوم جمعه افيييش  ماكو دوام وتعب 😍 كمت غسلت ونزلت ويا الاهل اكلنا وكملنا وبعدين اتحضرت حتى اروح للجامع عل صلاة الجمعة اني وابوي واخواني
رحنا ورجعنا ودخلنا تغدينا وكلمن راح الغرفته عادة يكون يوم الجمعه بي نوع من الملل طلعت الجهاز وبقيت اكلب بي ماكو جديد بقيت اصفن شو اجت عل بالي هاي ألبومه كلت خل اتحارش بيها من الملل اونس نفس اشويا وهم انقهرت عليها
سويتلي صفحه باسم مزيف ودخلتلها خاص ودزيتلها رساله بقيت انتظر ماردت عود عساس هيا ثكيلة أم الراهي 😒
تركت الفون رجعت لزمتا كلت خل اكللها منو اني واشوف  شتسوي
وفعلا دزيتلها اني علي الي  امس حظرتي شو هاي شويا واجاني تم قبول طلب المراسلة
شكلها ماصدكت ختية😂 💔
.
.
.سارة
كاعده عدقره وطبعا بيد الكتاب وبيد الجهاز شو أجاني طلب مراسلة عادي دائما تجيني وماارد اعوفهم اجمعهم مدري ليش😅
بعدها من نفس الشخص اجتني رسالة فتحتها طلع هاذا الغثيث مسوي صفحه مو باسما
اني هنا طرت من الفرح مدري ليش يمكن حتى ابرد كلبي من مغثت ذيج المرة😡
المهم رديت عليه كتلا وانت شكو ساحل نفسك
علي: راح اتجاوزج بأخلاقي واعتبرج طفلة ومارد عليج
سارة:ولعد انت شنو حجيت ذيج المرة😒
علي: يابه حقج عليه ادري لحيت وياج بس انت استفزيتيني واني دخلت احجي وياج لان ادري غلطت
سارة:😕😕 اوك مادامك ندمان أفكر اسامحك..
علي:خررب لج انتي ماتنطين عين شنو أفكر شنو اسامحك
سارة: هي هي شكو تغلط الزم حدود
علي:سمعي ولج ماناقصني زعاطيط يلا ولي
سارة:انت الحاجيتني لو أني الحاجيتك😏
وثانيا اني مو زعطوطه احترم نفسك😡
علي : بالله صدك شو ليش احس كلامج مال زعاطيط
سارة: 😡😡😡 مارديت شي ضوجني الغثيث
علي : شفتها ماردت عرفت زيدت وياها كتلها يلا مالا داعي تبجين جبيرة انتي مو زعطوطه 😄
سارة : خااب دطير ابجي عل حجي واحد مثلك
علي : ليش شبينا نحنا عيني مانعجب😏
سارة : هه الله يعلم شون شكلك اكيد قزم اسود سمين احسك تشبه هاذا  البزرق ورق الكصيرون ولو خطية هاذا ينحب مو غثيث مثلك
علي: ديلا خفي علينا انجيلنا جولي عساس انتي الله يعلم شلون جهرة أم الكمل

وبقينا على هاذا الحال لأيام واسابيع ونحنا نحجي وكلامنا كلا مداهرات وشقى وضحك بحيث واحد اتعود عالثاني  حتى بالمحاضرات اطلع الموبايل بلا حس الدكتور واراسلها
وكلما افتح الفون ادور رساله منها
إلى أن.............
التكملة في البارت الثالث
انطوني رأيكم بالبارت
ونصائحكم
بقلم الكاتبة #Dr_noor_hasan

في أمان الله💖💖