ضحكاآأيهةة خواطري ✍👀

.......ضحكآايهة_ الدعوه ......

بجد الـأمر بقي سئ للغاية •اللّـہ̣̥  آلَمُستَعَان !!
أنا معلقتش أبداً علي الكورة ولـا علي الأخ اللي اتشهر اكتر من الشيوخ ولـا علي أي شئ متعلق بالـأمر لأنه كله علي بعضه لا يعنيني …
بس لأنه فعلا الامر لا يزداد الا سوءاً فوجب إني أتبرأ إلي الله عز وجل من كل اللي بيحصل دا …
لما أخوات صدقاً أحسبهم علي خير يعلقوا علي الماتش ومتابعته رغم أنه أساسا لا يستقيم لفتاة أن تري لعب الرجال اللي 90% منهم لا يستر عورته بالكامل ولـا أن تطلق بصرها فيهم ( #صلـاح مش من المحارم بالمناسبة ☺)
لحد ما فيه بنوتة ربنا يهدينا واياها نزلت صورته وجزء كبير من عورته متكشف بشكل شنيع فعلا وكاتبه تعليق والله مخزي بجد
-بس صلـاح عرف ناس كتير عن الاسلام والخلق و …
=حضرتك صلاح مشهور اكتر من الشيخ خالد الراشد اللي دخل علي يده الاف في الاسلام ومرمي في السجن بقاله 13 سنة مشوفتش حد بيذكره امامي اصلا 👎
دا غير الاخوة المسيحين اللي داخلين يستظرفوا انهم هيصلوا معانا عشان ربنا يكرمنا !!
دا خلل عقيدة وفقه بیّن لا تُقبل صلـاة كافر
=كافر !!!!
-والله حضرتك مش انا اللي مكفراه "لَّقَدْ كَفَرَ الَّذِينَ قَالُوا إِنَّ اللَّهَ ثَالِثُ ثَلَاثَةٍ ۘ "
=ماشي بس دول بيهزروا !
-"وَلَئِن سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ ۚ قُلْ أَبِاللَّهِ وَآيَاتِهِ وَرَسُولِهِ كُنتُمْ تَسْتَهْزِئُونَ "

الموضوع بجد زاد أوفر أنا مش ضد حب الأخ دا كل واحد حر أنا ضد اللي نجم عن حب الشعب دا له ببلـاهه وبصورة فعلا لا تليق !!
لـا يجوز تعظيم غير الله أيان كان هو مين ؟؟
=بس احنا مش بنعظم محمد صلاح
-طيب !
حضرتك فيه شيخ عمل ابتهال للأخ دا … فاهمه يعني اي ابتهال ؟!

بجد فوقوا دفع الضرر مقدم علي جلب المنفعه …
وأخيرا إني أتبرأ إلي الله عز وجل من الكورة ومن لاعبيها ومن متابعيها حد الجنون ومن تعظيم الأخ دا ومن كل معصية نجمت عنه وعن حبه والله المستعان !!
ألهو نفسكوا بحاجه تنفع فضلـاً انتوا يعني مش مفتقدين المرح واللهو ولـازمين المساجد آناء اليل  وأطراف النهار - الا من رحم الله - عشان تبقي الكورة منفذ 😋
وإقرأوا الكلـام دا كويس ☟

سنة 2005.. ظابط مرور في كمين وقف عماد متعب الساعة 3 الفجر وطلب منه الرُخص.. متعب رفض يديله الرخصة وقاله انت متعرفش انا مين؟ ونزل من العربية هو واللي معاه ضربوا الظابط واللي كانوا في الكمين.. وبعدها اتحوّل للنيابة وكان محبوس على ذمة القضية..

لما خرج بكفالة رجع التمرين .. مانويل جوزيه طرده من التمرين.. مِتعب راح لمانويل جوزيه يعتذر.. جوزيه قاله " أنت مفكّر نفسك مين؟ اوعي تكون فاكر انك نجم أو بطل قومي.. أنت مجرد لاعب كورة.. أنت زيك زي المُهرج في السرك.. كل الجماهير دي بتيجي تتفرج عليك عشان يتسلّوا ويقضوا وقت لطيف.. الظابط اللي انت ضربته ده أهم مني ومنك.. انت هتلعب الماتش الجاي 90 دقيقة كاملة عشان تسمع الجماهير وهما بيشتموك طول الماتش "

عارف المفاجأة ايه ؟ محدش شتم عماد متعب.. لأن جوزيه كان غلطان.. جوزيه كان فاكر نفسه في أوروبا..

النهاردة شوفت فيديو لشيخ أزهري عامل ابتهال لمحمد صلاح.. ايوة زي ما قريتها كده ابتهال لمحمد صلاح مش للنبي ﷺ.. والمفروض انه بيقوله فيما معناه ان سحرك يا محمد صلاح اذهل العُرب والعجمِ.. وانا بسمع الابتهال ده حسيت للحظة ان الابتهال ده ممكن يتقال في مسجد قبل أذان الفجر ولا حاجة.. وغالباً الناس هتفرح ومش بعيد يحفظوا الابتهال ويرددوه..

المجتمع والدولة عامل زي الأم الغبية اللي بتحب عيّل من عيالها أكتر من الباقيين.. وبتميّزه في كل حاجة وبتدلعه وتخاف على زعله.. رغم أن في عيالها الباقيين العاجز والمريض والمظلوم والمحبوس واللي مستني الفرصة واللي بيسعى ويجتهد وبيتمنالها الرضا ترضى ومع ذلك رمياه وشايلة العيّل المتدلع.. ولادها الباقيين بيموتوا من الجوع.. منهم اللي بيموت فداها كل يوم.. ومنهم اللي ضيّع عمره وصحته عشانها ومنهم اللي بيعمل المستحيل بس عشان تاخده في حضنها ولو لمرة واحدة تحسسه أنها أمه فعلا وأنه مش بن حرام.. بس مفيش فايدة.. خلاص هيا مخلّفتش غير محمد صلاح وبتتبرّى من باقي عيالها..

فوقوا يا ناس.. كاس العالم اللي هتموتوا عليه هيبدأ من هنا.. البنزين والكهربا والغاز هيزيدوا من هنا.. الأسعار هتغلى.. صوت الغلابة هيعلى بس مش هيعلى على صوت تشجيعكم لصلاح.. محدش هيحس بالمصيبة اللي احنا فيها غير لما تخلص كل المسكنات والمهدئات وتكتشفوا اد ايه كنتم ساذجين وانتو بايعين دنيتكم وحالكم ومالكم عشان خاطر لعبة وعشان خاطر لاعب..

صلاح بعد كاس العالم هيرجع لفرقته في انجلترا وأندية أوروبا تتخانق عليه.. وانتو هترجعوا لحياتكم اللي مفيهاش غير اتبرعوا يا مصريين وادفعوا يا مصريين واستحملوا يا مصريين..

#ضحكآاايه ةة _ الدعوه
رأيكم✍
🖒🖓