الفصليه رجل

Part1

(بيت ابو محمد)
(هدى)ابني كوم عاد صالي ساعه اكعد بيك راح تتاخر
(كرار) يمه عوفيني شويه حبابه والله تعبان
(هدى) ولك ابني اليوم مو راح توصلك بضاعه جديده
( كرار) خرب يومج مريم بت الطلي
(هدى) ولك كوم اكعد لابنعال عليمن طلي
(كرار) ها يمه لا هيج بس بتج الحلوه الجميله الي بيه كل الانوثه والطافه( قصدك كل الرجوله والتوحش +الصوت العالي مننسا😂اسفه مريومتي زودته شويه) كتله كعديني ومكعدتني
(هدى) لك هاي كاعد تضحك ع بنتي لك كوم ساعه سبعه
(كرار ) كولي والله يمه خرب هسه ذكرتي تكعديني
(هدى) ابني صالي ساعه اكعد بيك يا هسه
(كرار) خرب راح اتاخر يمه سويلي الريوك لمن اسبح فدوه العينج
(هدى ) مو تدلل شعدي غيركم انتو😘
طب كرار سبح وطلع لَبْس ملابسه الي هيه

نزل ليتريك لك الريوك جاهز
(كرار) شكرا يمه بس وين الجماعه
(هدى) يمه الجماعه نايمين وابوك طلع للشركه
(كرار) ليش شنو مريم ما عده مدرسه
(هدى) يمه عده بس بعد وكت
(كرار)يمه شنو بعد وكت شنو السالفه ساعه٧ ودكليلي بعد وكت
(هدى) حبيبي الساعه بال ٦ 😅 اني كعدتك من وكت علمود متخصر البضاعه مثل قبل سنتين
(كرار) يمه انتي شدتحجين هذا الشي قبل سنتين مو هسه
(هدى) ابني هوه شأخرك بوكت غير انو انته كعدت ب٧ وسبحت ونزلت وجنت داسويلك ريوك ونته فززتني وطكيت البيضه براسك وكعت وكع فوكاك الطحين مال الكيكه بس بين انته الي صرت كيكه بوكته 😂ولمن طبيت سبحت من الزفر صارت ساع ٨ ونص واخابرك....
قاطعت امي وكتله
(كرار) يمه والله حافض القصه عن غيب هلكد ما تعيديه يله يمه اريد اتريك دا اتطلع
(هدى) ي ابني هاك اكل عوافي حبيبي
(كرار) شكرا يمه
وبعد ما خلصت ريوك طلعت
(كرار ) يمه اني رايح
(هدى) الله وياك ابني
طلعت ورحت للمحل ومثل كل يوم بس اليوم اجتني بضاعه زينه كله شركه ابل🍎 تلفونات وشغلات
(بيت ابو مرتضى)
(سلوى) زينب حسين يله كعدو اليوم اكو مفاجئه
( حسين) نزلت داشوف شكو ها يمه شبيج الصيحين من الصبح جنج دجاج كاتله رجله 😂
( سلوى) لك احترم المهم اليوم راح يجي مرتضى
(حسين) والله يمه كولي والله كولي والله صدك راح يجي
(سلوى) شبيك ممصدك عبالك حبيبتك جايه من السفر
( حسين) يمه شبيج تخربين الفرح جنج ارمله
(سلوى) لك صمله لتحجي هيج وانته شبيك من الصبح جنك عجوز متقاعده
( حسين) يمه اني اروح اسبح وبدل احسن من العركه وياك يا حلو
(سلوى) روح يا قشطة
هاي دائما اني وامي هيج نبديه عركات 😂ونسده بحب واحله شي نسولف مثل الاصققاء
( سلوى) الهايشه مالتنه مكعدت
( حسين) لا يمه شايفتلج هايشه تكعد من الصبح
( سلوى) هم صدك (بصياح من جوه الدرج) لج بت النعاله اكعدي حاسبه نفسج بشهر العسل نجيبلج الاكل للغرفه بعد بيتي اخاف مابيج حيل تنزلين
(زينب بصياح) ي يمه علاواه
(سلوى) لج بت 🐵 انزلي بسرعه لا بالصونده
(حسين) دا اتريك وامي بس صيح سمعنه صوت الجرس مال الباب كمزت فتحته وطلع .....

اتمنه عجبتكم الروايه ؟
ونشالله عجبتكم الام العراقيه 😂