Chapter 1
MAAGA ako sa mall dahil makikipag agawan na naman ako sa limited edition na miniature ni Nami ng one piece. Kasi naman, makukumpleto ko na sila at si Nami nalang ang kulang. Bakit kasi palaging sold out sa otaku store na meron dito sa mall malapit sa bahay.
Gusto kong pumunta sa ibang mall kahit sa ibang lugar pa pero pakiramdam ko ay magsasayang lang ako ng oras dahil palagi ring sold out sa ibang stores sa mga malls.
Binalak ko siyang bilhin online pero napakahigpit nila! Ayaw nilang tumanggap ng orders online. Kailangan mo talagang mag-effort na pumunta sa stores nila. Wala silang pinipili, kahit na doble o triple ang binayad mo, wala silang paki. Pero maigi na din iyon para fair sa lahat.
Pinag ipunan ko pa naman iyomg miniature ni Nami.
Nakaupo ako dito sa may sahig ng mall, sa harap ng otaku store habang inaantay na mag-open siya. Ilang minuto nalang at reresbak na ako sa pakikipag unahan.
Tumunog ang cellphone ko. Lagot na, nanay ko 'to!
"Kiana, nasaan ka na naman bang babae ka?!"
Si Mama, akala mo palagi, bata pa ako na kailangan niyang hanapin oras oras. My gosh, nasa tamang edad na ako at may trabaho na ako. Pero dahil only child ako, bine-baby tuloy ako ng nanay ko.
"Ma, kailangan ko lang bumili ng sketchpad. Naubusan ako e. Alam mo na, kailangan sa work iyon for practice and all." Sabi ko.
Isa akong illustrator sa isang sikat na publishing company. Animes ang madalas kong i-drawing.
"Tambak ang sketchpad mo dito, tapos bibili ka na naman? Alam mo, 'nak, kung pasikreto kang nakikipagtagpo aa boyfriend mo, itigil mo na 'yan. Alam mong mas gusto kong magpakilala ka na ng boyfriend sa bahay. Tumatanda ka na."
"Yun nga, 'Ma, matanda na ako at hindi niyo na ako kailangang hanapin oras oras na parang isang highschool student."
"Nag-aalala lang ako! Ikaw talaga, anak. Umuwi ka na at siguraduhin mong kasama mo ang boyfriend mo."
"Pero 'Ma! Wala akong boyfriend! Masyado kang advance mag-isip!"
"E sino iyong nasa poster sa kwarto mo, aber?!"
Natawa ako. Jusko si Mama. Cosplayer ni Rukawa ang nasa poster na nakadikit sa kwarto ko.
"Opo, Ma! Boyfriend ko 'yun. Sige ipapakilala ko mamaya pag-uwi ko. Bye!"
Binaba ko na ang tawag dahil alam kong magkakahaba pa kami ni Mama. Sakto namang bumukas na ang pinto ng store. Nakipagsiksikan ako at nakipag-unahan sa loob. Si Mama naman kasi! Naunahan tuloy ako sa pila papasok e.
Nang makapasok ako ay sa display ng one piece miniature agad ako dumiretso saka nangislap ang mga mata ko nang matanaw ko ang kaisa isang miniature ni Nami.
Malapit na.
Mapapasa akin na siya!
Makukumpleto ko na sila!
"Ohh!"
Sa hindi inaasahang pagkakataon ay nadapa ako dahil pinatid ako ng isang lalaking matangkad na ngayo'y nakatalikod sa akin.
At... at hawak niya ang miniature ni Nami! Nag-iisa nalang 'yon!
"Hoy, ako ang nauna diyan!" Sigaw ko sa lalaki.
Hindi maaari! Akin iyon!
Humarap siya sa akin saka itinuro ang sarili niya. "Ako ba ang kausap mo?"
"Sa tingin mo, sino pa ba?" Wala akong paki kung gwapo ang lalaking 'to. Wala ng mas mahalaga pa kundi ang miniature na iyon! Buti sana kung bumibili ako ng mga fake at iyong mga nabibili lang sa divisoria but no way! Lahat ng collections ko ay original at talagang pinag ipunan ko!
