ابتسم وخرج وهو يتقدم ل رفيف
ناصر بابتسامه تجاهل محمد:جاء لها بنت.
محمد ناظر فيه وتنهد
رفيف:عمرييي يزينها روان كيفها
ناصر:تمام الحمدالله
رفيف:الحمدالله
ناصر:هي والبنت تمام اللهم لك الحمد
محمد لما سمع ابتسم ومشئ وهو يتوجه ل باب الخروج خرج وهو كان يبي ناصر يوقفه ويعطيه بنته بس ماوقفه ناصر ولا رفيف زفر بضيق وحرك ل بيت اهله عشان يقول ل امه وابوه
وصل البيت ونزل ودخل وضم امه وابوه وام رفيف وصار يقول لهم
امه:اللهم لك الحمد الا شفيك ماجلست عندهم.
محمد زفر بضيق:مايبوني
امه:الله يعين
محمد:يلا انا بروح
امه:المفروض انت اول واحد تشيل بنتك!
محمد:شسوي يمه! ماقدرت المسها ولا اشوفها حتئ!
امه:بروح لهاا تعال ودني
محمد؛اء
امه:لا تقول لا امش
محمد:طيب
امه لبست عبايتها وشيلتها:يلا
بعد دقايق
دخلو المستشفئ وام محمد تمشي ورا محمد
محمد وقف عند الاستقبال:روان نايف ال** وين غرفتها؟
الاستقبال:غرفه****
محمد؛شكرا
الاستقبال:العفو
طلعو فوق وتوجهو ل غرفه روان محمد وقف عند الغرفه:يمه ادخلي
امه:ادخل معي
محمد:لا ادخلي انتي
ام محمد:محمد
محمد:يمه تكفين ادخلي
امه تنهدت ودقت الباب ودخلت
روان عدلت جلستها وابتسمت
ام محمد:مبروك
روان ابتسمت:الله يبارك فيك
ام محمد:وينها الحلوه
روان ابتسمت:هذي هيء
ام محمد:بسم الله عليها مشاءالله مشاءالله الله يخليها لكم يارب
روان:امين
ام محمد ناظرت ف ناصر:ابوها شالها؟
ناصر عض شفته:لا
ام محمد:حرمتو اب من بنته؟
روان ناظرت فيها:لو هو يبي كان جاء وشالها محد رح يمنعه.
ام محمد:هو كان موجود وكان متحمس يشوفها بس اخوك ماعطاه مجال.
رفيف ناظرت ف ناصر ومسكت يده وهي تشد عليها
روان:وينه اذا يبيها يجي يشوفها
ام محمد ابتسمت:محمد ادخل
محمد سمعها وعض شفته
ام محمد بهمس:روان قولي له يدخل
روان تنحنحت:محمد ادخل
محمد ابتسم ودخل وهو يشوف بنته بحضن روان حس قلبه بيطلع من مكانه:مبروك
روان:الله يبارك فيك
محمد ناظر ف بنته وابتسم:يحلوها تشبهلك.
روان مدتها له:شيلها
محمد ناظر فيها
روان هزت راسها:شيلها
محمد ناظر ف رفيف
رفيف هزت راسها وهي مبتسمه
محمد مد يده وشالها شدها له وهو يبوس خدها:اخخ يقلبي انتي يروح ابوك ماصدقت انك تجين ع الحياه.
روان نزلت دمعتها وهي تتذكر هذاك اليوم عضت شفتها وبنفسها:لازم انسئ الي صار وارجع له لان عندنا بنت ومارح اضيعها بيني وبينه واحنا اصلا ماتطلقنا
محمد باس خد بنته بعمق وضمها وهو يشدها له
البنت ابتسمت
محمد بعدها وناظر فيها بصدمه:ابتسمت
روان بحماس:اشوف
محمد نزلها لمستواها
روان:يعمريي ابتسمت ل ابوها
محمد ابتسم روان مسكت يده:اجلس
محمد انصدم وجلس جنبها وهو يحط البنت بحضنهم ويلعبونها
ام محمد ابتسمت:ناصر
ناصر تنحنح:هلا
ام محمد:عادي ترجعني البيت
ناصر فهم:طيب يلا يرفيف اكيد نواف مزعج امي
رفيف ابتسمت:يلا باي
روان ناظرت فيها:باي بوسي لي نواف
رفيف باست خد روان بعدين خد بنت روان:اوك يقلبي
روان ابتسمت
خرجو كلهم معدا محمد وروان وبنتهم صارو يلعبونها وتبتسم.
محمد باس خدها:اوفف عندها غمازات
روان ضحكت:طالعه ع ابوها الحلوه
محمد ابتسم وباس خد روان:الله لا يحرمني منكم.
روان ابتسمت:ولا منك
محمد:شفيها ماتصحئ بس تضحك وهي مقفله عيونها ابي اشوف عيونها
روان:حتئ انا ماشفتها
محمد:تتغلئ علينا ي حلوه ترا احنا امك وابوك يلا افتحي عيونك.
البنت تضايقت وبكت
محمد:يوهه قلنا افتحي عيونك ماضربناك
روان ضحكت وهي تسكت البنت
بعد دقايق البنت سكتت وفتحت عيونها وروان ومحمد كانو يسولفون ومو منتبهين.
البنت تلعب بيدينها:اغغغغ
روان ناظرت فيها:يييييعممممرييي شوف عيوننننها
محمد ناظر فيها:اوففف طالعه ع امها نفس عيون امها حتئ بلون العدسه
روان ضحكت:انت الغمازات وانا العيون
محمد:ابتسامتها؟
روان:تشبه ابتسامه نواف صح؟
محمد:اي والله
روان:عمري والله
محمد:شوفي فمها
روان ضحكت:نفس فمك
محمد:وخشمها؟
روان:نفس خشمك
محمد:وحواجبها نفس حواجبك وشعرها نفس لون شعرك وكثيف نفسك
روان ابتسمت:وانت من تحت تشبهك
محمد:وانتي من فوق
روان ضحكت:عمممريي انا عاجبتني غمازاتها
محمد ضحك:ناكلها؟
روان ضحكت:لا توها صغيره
محمد ابتسم:اي ماودك ترجعين البيت
روان ضحكت وبمزح:لا
محمد:افااا بنتي مارح تعيش الا ببيتي
روان:محمد انا نفاس لازم اروح ل اهلي ولما اخلص النفاس بجي البيت
محمد:تمام
روان:وش نسميها حلوتنا؟
محمد:كنت بقول رزان بس كنسل ماعاجبني
روان ضحكت:مو حلو
محمد:اي فكري بغيره
روان:انت اختار حرف وانا اختار اسم شرايك؟
محمد:اتفقنا
روان:يلا عطني حرف؟
محمد:جيم مافي احد بحرف الجيم
روان:امم جيهان؟
محمد:حلو جيهان محمد ال*** شرايك
روان:فخممم فديتها
محمد ابتسم:عاد دامه اختيارك اكيد فخم
روان ابتسمت:عمري والله
محمد ابتسم:قدامي نوتيلا شسوي فيه؟
روان ضحكت:ناكله!
محمد ضحك:ودي اكلها صراحه
روان ابتسمت وشالت جيهان النايمه وبنوم:يلا نخليها تنام وننام احنا
محمد:عطيني اياها بحطها ب السرير
روان مدتها له
محمد شالها وهو يسمي عليها حطها ب سريرها وباس خدها ورجع وهو يناظر ف روان الي تتثاوب:بتنامين اروح؟
روان مسكت يده:تعال نام معي
محمد ابتسم وهو يمشي ويجلس ع السرير وينسدح وهو يضمها وهي ضامته نامو وهم ضامين بعض.
