ولك العوده
فرح
لجل العشق ف بختَك ميل ..تسكر تبكي زي العيل
لجل الصُبح ف عِينك لَيل ..تسكر تبكي زي العيل
لجل دماغك مش مظبوطة..ولجل مُغَفل ف الحدوتة
الاغنيه كانت شغاله اكنها راديو ف دماغي وانا ماسكه ف ايد چون وعماله ابصلو واضحك
چون"ده انتي ضيعتي 😂"
قعدت اضحك وهما شدوني عشان اقوم ارقص معاهم وعماله اغني مع الاغنيه
ورغم دا كُله برضك حاسس ..إن الحب الفرض السادس .. لأ والأدهى ف أصغر حادث ..تجري تروح سكران متنيل ..تُقعُد تبكي زي العيل
--
احلام
فتحت عيني لقيت نفسي نايمه علي الكنبه الي قدام البحر وجاكيت عزيز الي كان لابسو محطوط عليا وهو ساند علي الجيتار ونايم .. اتحركت لقيتو فاق وبص ناحيتي بسرعه وبعدين دعك ف عينو
"اسفه معرفش ازاي نمت"
عزيز ضحك"انا خلصت الاغنيه لقيتك نمتي"
ضحكتو كانت حلوه اوي بس ف ثانيه غير ملامحوو ف عدلت شعري وربعت رجلي وهو بص ع البحر.. ف بصيت انا كمان و سندت راسي علي ايدي
"نفسي كل يوم انام علي صوتك.. "
استوعبت انا قولت ايه لما لقيتو بصلي بصه غريبه
--
فريده
الفجر طلعت ناحيه البحر وبصيت للنجوم.. حستها واضحه اووي غير ف القاهره.. كنت حسه اني ممكن المسهاا ربعت ايدي وفضلت بصالها لحد ما حسيت بحد ورايا
سليم"كل مره بتيجي بلاقيكي ف نفس المكان!!"
ضحكت"مفيش زيو ف اي حته .. بص النجوم حلوه ازاي!!"
هز راسو وضحكلي وقعد علي صخره و شاورلي اقعد جمبو
سليم"بصي جبت ايه معايا"
طلع عود قديم كان بتاع عمو زمان تقريبا
"معرفش انك بتغني!!"
سليم ضحكلي"تسمعي؟"
هزيت راسي وهو بدا يعزف علي العود
سليم"..أصابك عشقٌ أم رُميت بأسهم ..فما هذه إلا سجيّة مغرم .. ألا فاسقني كاساتٍ وغنِّ لي ..بذكر سُلَيْمة والكمانِ ونغّمي ..أيا داعياً بذكر العامرية أنني
أغار عليها من فمِ المتكلِّم ..أغار عليها من ثيابها
إذا لبستها فوق جسم منعَّمِ ليل يا ليل ليل الليل يا ليل ❤"
كنت بسمعو وهو باصصلي وبيغني .. كنت عماله ادعك ف ايدي وبصه ف السماا وبعد ما خلص بصتلو وضحكت
"تصبح علي خير"
ضحكلي"وانتي من اهلو ❤"
--
لارا
كنا قاعدين ف كفيتريا الجامعه وهما بيتفقوا علي سفريه مش هتحصل اساسا.. كنت مسكه الموبايل لحد ما لقيت جمله غريبه اتقالت
دنيا" اصلا ي بنتي بيقولو عبدالرحمن بيحب نور وهتسافر معاه"
رفعت راسي وبصيت لروان وقمت وسبتهم لقتها جت ورايا
"انا كده ي روان.. كل حاجه ماشيه عكسي مفيش حاجه بحبها الا لما متبقاش بتاعتي!!! "
خدتني ف حضنها وقاعدنا علي سلم الجامعه
روان"وانا مش هسيبك تزعلي"
--
لين
"انتي حطه روچ ليه!! "
فتحت بوقي شويه و سبت الي ف ايدي وبصتلوا وضيقت عيني كده ف هو ضحك
باسم"اصل شكلك حلو يعني 🙄❤"
'"هسكت انا كده!! "
باسم"مش قصدي بس مش عايزك تهتمي بنفسك كده لما تيجي نازله الشارع"
"هنكش شعري وانزل حاضر.. في ايه ي باسم؟"
هز راسو علي اساس ان الكلام مش عاجبو ف قمت وقفت ولميت حاجتي
"انا رايحه الشغل اتاخرت اوي كده"
خرجت من الكافيه و ركبت العربيه و ولعت سجاره و سوقت علي الشغل.. مجنون ده كمان!!
---
بارت سخيف جدااا عرفه .. اسفه علي التاخير بس مفيش تفاعل ولا اي حاجه !!😂💔
رايكوا؟🤷
