آنيا 24 عام طويلة ورقيقة شعري كحل طويل سمرة عينيا سود (زين عربي)تربيت عند جدي و جدة في الريف والديا متوفيين بابا مات في اكسيدون ماما ماتت بعد ما ولدتني (هكا حكاولي جدودي)صراحة كنت محبوبة من الجيران ومن سكان الحي بصح سوفريت كنت انا القايمة بالدار بيسك جدة معاقة حركيا اما جدي كبير كان غير باه يلحق مصروف الدار بدات حكايتي كي كان عمري 17 كنت من القراية لدار مكانش عندي صحابات بيسك جدي منعني من المخالطة سكان الحي كانوا واقفين معانا خاصة بعد متوفات جدتي بصح كل هذا ممنعنيش ومأثرش في قرايتي باه نولي طبيبة وبالفعل جبت الباك و فرحت جدي وشرالي لهدية النجاح بورتابل وقالي رايحا تقراي الجامعة فالمدينة فرحت بزاف بصح مقبلتش علجال جدي شكون يقوم بيه ويغسلو ويطيبلو.....بصح قالي روحي الجيران راهم واقفين معاي قنعني خاصة بعد انسيستاو عليا الجيران باه نروح نكمل قرايتي روحت سجلت وكانت اول مرة في حياتي نروح للمدينة كنت غير مشوكيا فالبنيان والسيارات والتطور لي لحقولو الناس و ملكوه و انا اخر شيئ نعرفو بورتابل قرلو خخخخ كنت معنديش حتى باه نشري لبسة جديدة.
جازو ايام ودعت جدي و الجيران ووصيتهم عليه ورحت نقرا بطبيعة الحال حجزت شومبرا وحدي اول يوم ليا كان صعيب بزاف مكنتش متأقلمة مع الجو والحياة فالمدينة مكنتش نعرف حد. لبست اجمل لبسة عندي ولي كانت روبة سامبل نتاع الدار وصباطة شوية مقطعة وربطت شعري بفولار وخرجت اتجول فالجامعة كل الناس مشوكية فيا حتى انا توسوست من روحي كانت الانظار كلها عليا .خديت نفس وطلعت للشومبرة ديراكت حشمت من الحالة لي راني فيها.
غدا من داك نظت روطار خرجت بنفس اللبسة بعدما توعدت نفسي اني نثيق بيها ومنهتم لحتى واحد خرجت جاريا مهبطة راسي ورحت للكور دخلت حبسني البروف عند الباب
البروف:ايه يا لالة وين بيها ديجا بديتي بالروطار
انا:اسمحلي .ودخلت حتى نسمع اصوات تضحك عليا وتقول شوفي حالتها هذي سير كانت ترعى البقر.
كنت حابة نوظ نقلبها بصح كالميت روحي حكمت بلاصتي . خلصت الحصة .جيت خارجة صونا بورتابلي رفدت نشوف لقيتو جدي .ويبداو يضحكو :وتانيك عندها بورتابل قرلو
حشمت من الحالة لي راني فيها حتى نسمع صوت طفلة تقول:اي خلااااص سكتونا اصلا وشبيها ربي عطاها الزين ولاطاي
خرجت جارية حتى نحس بيد جبدتني ندور نلقاها الطفلة نفسها لي ديفوندات عليا
انا:😳
هي: معليش نحكي معاك
وفهاذي اللحظة صونا تيليفون قلتلها سمحيلي مبعد نحكيو قالتلي اوك 😊
جبت روحي على الناس وريبونديت على جدي لي كان يعيط
انا:الو وي جدو
جدي:بنتي مانيش باغي نفسدلك قرايتك ارواحي بلخف متطوليش
انا:جدي علاه غير الخير واش صرا الو...الو...الو
اف كوبا عاودت عيطت والو مرفدش🤤
تما حكمتني خلعة رفدت صاكي نشوف واش بقالي من المصروف نضرب منلقا والو
بفففف دوكا واش ندير معنديش mm pas دراهم transport كيفاه نروح اففف
خممت خممت قررت نروح عند ديك الطفلة اللي حكيت معاها من قبيل .ترددت نطلب منها بيسك في حياتي ماطلبت و لا دليت روحي بصح كان هذا القرار الوحيد حتى خاتم ولا سنسلة ما عندي باه نبيعها.
كيما كان الحال روحت عند ديك الطفلة .وكانت قاعدة مع طفل (منكذبش عليكم بصح بقلاوة)و طفلة
انا:سمحيلي سحقيتك في حاجة تقدري تجي معاي دقيقة
هي:اوك معليه
وتنطق ديك الطفلة لي قاعدة معاها:هههههه راهي راحا تسقسيك كيفاه تحلب البقر متشقيش روحك "امال"
امال:علاه تهدري هكا حرام عليك تضحكي عليها ربي يهديك
صاحبتها:هههه خطيك من هذي الطفلة راهي طامعة فيك
تماك نفذ الصبر نتاعي نفد و قولتلها:انا الغالطة لي جيت نقصد امال
امال:خلاص هدي روحك يا...؟
انا: آنيا
امال:اسم شباب.معليه ارواحي معاي نحكيو
ديك المسمومة صاحبتها:لالا قعدو هنا وحكيو ياك والو مايخفا بيني وبينك يا امال
انا:خلاص مكلاه.ديجا راني طولت
امال:بصح ماقلتيلي والو
صحبتها:مزالك تحكي مع وحدة كيما هذي معفونة تقول خارجة من الزبالة..
مجات تكمل الهدرةحتى ناض داك البقلاوة:حنان خلاص حترمي حدودك اصلا الطفلة معندها مادارتلك علاه تظلمي فيها هكدا
حنان:اوه انيس من وقتاه تبدلت ووليت تديفندي على الطلابات هههه ولا شراتك ديجا
تما نظت وعطيتها بكف
بقاو مشوكيين .خليتهم ورحت و دموعي على خدي
رحت ونخمم من وين نجيب الدراهم.حتى نسمع واحد يعيطلي آنيا آنيا .دورت لقيت داك البقلاوة عطيتو بظهري وكملت مشيتي حتا زاد عيط اصبري دقيقة برك نهدر معاك .وانا والو كشغل راه يهدر مع حيط .حتى جا وشدني
انيس:متلوميش حنان عقليتها هكذا لي تلقاها زينة عليها تضارب معاها
انا:......
انيس:حقا قوليلي واش كنتي محتاجة من قبيل
انا:......
انيس:اييو راني معاك
وفهذي اللحظة صونا تيليفوني
انا:سمحلي دقيقة
وبعدت شوية عليه
جدي:وينك بنتي راكي فالبيس؟
انا:...
جدي:ارواحي ازربي
انا:جدي بصح بصح
جدي:وشنو
انا:خلاص والو راني جاية
كوبيت وقولت بفففف و دوكا كيفاه نروح معنديش mm pas دراهم البيس ياربي واش ندير
ندور نلقا monsieur يسمع فيا
انا:خير واش راك دير هنا راك تجسس
أنيس:لالا متفهمينيش بالغالط.بصح معليش نسقيك
انا:😑
أنيس:وين تسكني
انا:علاه تدوح 😡
أنيس:متزعفيش حبيت نعاونك برك
انا:علاه انا شكيتلك باه تعاوني اصلا صحيت منحتاجش كبيرة وقادرة على روحي
أنيس:سمحيلي مقصدتش نزعفك
انا:ايه خلاص ديجا راني روطار
حكمت الروبا وجريت هههههه لي يشوفني يقول مهبولة المهم الناس مشوكيا😂
لحقت ل arrêt de bus سنيت استنيت والو
حكمت le territoire وريحت حتى نلقا طوموبيل الله الله حبست قدامي هبط منها اسي خونا ايه هو
انيس:واش ماجاش le bus
انا:واش جابك لهنا
انيس:كنت علابالي متلقايش علابيها جيت نوصلك
انا:نن منحتجش
انيس:بركاي ماتيبسي راصك هيا اركبي
مكان عندي حتى خيار وحد آخر من غير نركب معاه
جبدت الموس لي كنت مخبيتو فالساك خخخخخ وركبت من اللور
أنيس:خخخخخخخ
انا:وشبيك تضحك
أنيس:خخخخ ال خخخخ مو خخخخخ س
انا:وشبيه
انيس:راكي رايحة تقتليني بيه خخخ
انا:ايه بلاك الدنيا غضارة
كملنا طريقنا وانا كل الدقيقة دور منا زيد منا هههه
كي قربنا من الدار قلتلو:خلاص سحيت حبسلي هنا
انيس:راكي منيتك مكان حتى دار هنا
انا:نكمل وحدي
انيس:هبلتي خلي نوصلك
انا:ههه ولاد الحومة يفهمو بالنقص اصلا مموالفينش بهاد الطوموبيلات هنا
انيس:اوك بصح اعطيني نيميروك
انا:نن
انيس:ولا نبقى نتبع فيك
انا:بففف هاك سجل
عطيتولو وهو تانيك عطالي نتاعو معلاباليش علاه كنت فرحانة.كملت طريقي كي وصلت دخلت جارية عند جدي.نلقاه في فراشه وجه صفر مايضويش
انا:جدي وش كاين
جدي:بنتي سامحيني انا و جداتك حبيناك ربينا عليك الكبدة والفناك سمحيلنا
انا:جدي راك مسامح بصح واش راك تقول مفهمت والو
جدي:هاكي من هنا تفهمي
عطاني photo شفتها لقيت مرا وراجل مكانوش باينين مليح كانو مقطعين ريسانهم فالورقة وطفلة يكون عمرها عام تشبهلي بزاف.دورت الورقة نلقا مكتوب فيها AMS مفهمتش دورت لجدي نسقسيه لقيتو مغاشي خلاص فارق الحياة
انا: نعيط ونبكي جدي جدي نوض نوض عندي غير نتا فهاذ الدنيا
فات شهر على الموت نتاع جدي حسيت الدنيا ظلامت عليا. وكان انيس كل يوم يعيط ويبعت les messages وانا لا حياة لمن تنادي
نظت ندير لميناج بيسك كانت الدار موسخة و مغبرة
حتى زدت شفت ديك la photo رفدتها وانا مافهما والو بديت نخمم.زعما هاذو والديا بصح impossible بيسك بابا مات قبل مانخلق وماما توفات مي ولدتني زعما يكونو جدي وجدة بصح ميشبهوش وزيد جدة ملي تزوجت وهي معاقة وهنا فلافوطو مصورة واقفة؟ 100 سؤال في راسي وانا تايهة يصوني tlfn انيس يعيط ياربي واش يحتاج (بصح فرحت كي عيط😁)
انا:الو وي
انيس:وينك وشبيك ماكيش تجي للكور
انا:الظروف مخلاونيش
انيس:وجدي روحك اني جاي ليك
انا:هبلت ولا...
اففف كوبا.كنت حابة نروح نقرا بيسك هذاك الحل الوحيد
وجدت حوايجي رفدت الدراهم لي خلاهملي جدي لبست وبقيت نستنا حتى نسمع طوموبيل حبست هبطت جارية غلقت الباب ركبت معاه هبطت راسي ووليت نعيط ازرب روح ديماري ازرب هههههه وهو يشوف ومشوكي.كي بعدنا من المشتى
انا:افف قريب ماشافوني الجيران
انيس:ههههه خلاص سمحيلي
المهم الطريق كامل و هو يسقسي وانا والو وصلنا للفاك قلتلو صحيت وهبطت جارية بلا ماندور
____________
عند انيس
شهر كومبلي وانا نعيطلها والو تقلقت عليها معلاباليش والفتها ههههه علابالي رايحين تتشوكاو فيوم واحد عرفتها ووالفتها حسيت فيها حاجة تجبدني ليها المهم رحت جيبتها وكانت باينة عليها طفلة عادية بسيطة بصح كي نشوف زينها ننسى اسمي هههه الطريق كامل وانا نسقسي فيها والو كي وصلنا هبطت جارية هههههه مرنكة هذي الطفلة بقيت عاس عليها حتى راحت
_______
عند آنيا
رقدت والليل كامل وانا نخمم فيه.نظت الصباح واول حاجة درتها هي حطيت ديك لافوطو فالساك المهم رحت نقرا تلاقيت امال تعرفنا على بعض ولينا صحابات اما حنان فملقيتهاش سقسيت امال عليها قالتلي ولات متجيش كملنا الكور رحنا لrestau ديموندينا بيتزا وjus وقاعدين نحكيو
امال:اايه انا حكيتلك كلش عليا بالتدقيق دوكا دالتك
انا:أ. أ.تربيت مع جدودي فالريف هذا ماكان
امال:؟؟
انا:متستغربيش انا حياتي هكذا
امال:🤔😮اوكي
كلينا كملنا قالتلي انا نروح عندي شغالات مع لافامي ادا سحقيتي حاجة عيطيلي.
(امال طفلة لباس بيها تلبس. تماكيي.تحوس.تاكل)
قررت نروح نحوس على خدمة نعاون بيها روحي حطيت اعلان نحوس فيها على خدمة.ومبعدها رحت شريت شوية حوايج بالدراهم ليخلاهملي جدي الله يرحمه.شريت بزاف حوايج و ديسيديت اني نبدا حيات جديدة نتحلب ههههههه😂
رجعت للاقامة حكمت فراشي رقدت
__________
عند انيس
اليوم مارحتش للافاك كان عندي شغالات. المهم نسيت معرفتكمش بروحي خخخخ انا انيس 21 بقلاوة هعه حوحو يشكر روحو🤗😂طويل اسمر عينيا خضورا وعندي اللحية احم احم عندي كور مخدوم.عايش مع عمي ومرتو المهم حكايتي حكاية .عندي hôtel عيطولي قالولي بلي وحد الخدامة رايحة تبطل.عيطت لصاحبي وسيم عشرة 10 سنين
وسيم:خلاص انيس متقلقش روحك راني لقيت اعلان نتاع وحد الطفلة تحوس على خدمة
انا:خلاص غدوة عطيلها العنوان هكذا نتلاقاها ونفهمها
وسيم:مايكون غير خاطرك
__________
عند آنيا
نظت على صوت البورطابل
انا:الو وي شكون معاي
وسيم:نتي لي راكي تحوسي على خدمة
انا:وي😄
وسيم:ماركي العنوان عندك ********** على 13 ارواحي تلقاي المدير هو يهدر معاك
انا:اوكي ميرسي
نظت نقفز فرحانة لبست سروال جينز تيشرت بيض مكتوب فيه بالكحل و بابي noir.طلقت شعري الطويل حطيت شوية غوج ههههههه التحلاب رفدت صاكي لي محطوط فيه كلش هههه نخاف يدخلو للاشومبر ويسرقو خخخ
رحت للبلاصة لي قالهالي لقيت hôtel الله الله دخلت بقيت نستنا كيما قالولي
______________
عند انيس
نظت الصباح على صوت مرت عمي
سمية:نوض راك روطار على قرايتك
انا:خليني نزيد شوية
سمية:راهي 13
نظت جاري نسيت الرونديvو لبست كوستيم زعما باه نبان كلاس صاحب الشركة ههههه
روحت ديراكت
_____________
عند آنيا
كنت قاعدة نستنا حتا نلقا انيس داخل فالاول ماشفنيش حتى انا عيطتلو
انا:أنيس واقيلة معقلتنيش
أنيس:ياه بدلتي لستيل علابالك زيدتي زيانتي
انا:ميرسي
انيس:واش راكي تديري هنا
انا:نتا لي واش جابك هنا
انيس:هههههه هدا hôtel نتاعي
انا:😮😮
ويجي وحد آخر بقلاوة يشبه لأنيس برك عينيه نواغ
وسيم:هاذي هي لي جات تحوس على خدمة
بفففف تمنيت ان اكون ترابا في تلك اللحظة ههههههه
أنيس:ايه خلاص انا ندبر راصي
وسيم:ايه زلة كيما هذي متخدمش
أنيس:😡وسيم مانيش حاب نصبح عليك تقدر تروح
وسيم:خلاص خلاص نقسر برك هههه
انا:.....
انيس:راكي مقبولة من اليوم تبداي بصح عندي شرط
انا:وش هو
انيس:انا لي نجيبك ونديك
انا:واقيلا قطعو les bus
انيس:ايه كيما قلتلك
انا:نن غير هذي نن
انيس:بفففف ياربي شحال راسك يابس
انا:😐
انيس:ارواحي معاي نعيدلك خدمتك
روحنا .عادلي خدمتي وقالي من اليوم والو ماراح يخصك ادا احتجتي حاجة قوليلي
جازو ايام وانا من اللفاك للخدمة كنت ديما نتلاقا أنيس و وسيم تبدلت حياتي بدلت البورطابل هههه كريت دار. و كون منشوفش أنيس يفسدلي النهار هذا الاحساس معرفتوش هههههه حتى امال سافرت للخارج و كملت قرايتها تماك كنا صباح وعشية نحكيو
وحد النهار كنت مريضة مارحت نقرى مارحت نخدم كنت قاعدة فالدار حتى نسمع تطبطيب
انا:انيس واش جابك لهنا
انيس:تقلقت عليك بورطابلك مغلوق وزيد ماجيتيش
انا:ايه شوية مريضة
انيس:هيا نديك لطبيب
انا:نن راني مليحة
انيس: ودوكا نبقا واقف عند الباب
انا: آ سمحلي . تفضل
______________
عند انيس
رحت لعند آنيا لقيتها مريضة دخلت للدار كانت متحوفة ونظيفة حبيت نشوف لبيوت استغليت الفرصة بعد مادخلت لل wc رحت لشمبرتها نشم ريحتها ههه واقيل طيحت على راسي وانا نشوف فليفوطو نتاعها حتى نشوف منال
انا:واش جاب منال و والديها لهنا واش دخل آنيا فالوسط زعما تقربلهم .سمعتها خارجت من الطواليت رحت جاري للصالون .المهم شريتلها الدواء تهليت فيها ورحت وانا في الطريق بديت نخمم علاه آنيا عايشة وحداها وينهم والديها وواش جاب ديك لافوطو لعندها
_____________
عند آنيا
نظت الصباح لقيت روحي خير من البارح رحت نقرا خلصنا رحت للخدمة وانا تماك يدخل انيس حكمني وخرجني
انا:وين راك دايني
انيس:عندي هدرة معاك
ركبني فالطوموبيل داني ل un restaurant شباب بزاف قعدنا وتماك صارحني بحبو ليا .لالا راني نحلم هههه.قالي حاب نكون معاك انا فرحت و وافقت بصح قلتلو عندي شرط
انيس:وش هو
انا:ماتصرف عليا مانصرف عليك
هو:اوك مايكون غير خاطرك
عدينا ديك الليلة top
عداو ايام وحنا مع بعض حتى وين وحد النهار خرجنا رحنا على شط البحر و كانت اول مرة في حياتي نروح ليه رحت نجري ونصوطي وانيس يضحك ههههه قعدنا
انيس:ايه علبالك هاذي شحال وحنا مع بعض بصح منعرفو والو على بعضانا هههه
انا:ايه هه ابدا نتا الاول
انيس:انا الوحيد عند والديا . بابا وعمي كانو عندهم شركات و des hôtels بزاف بصح كانو يسالو دراهم كبار لوحد لامافيا . هادوك لامافيا هددو بابا وعمي انو يقتل اعز واحد عندهم لوكان ميرجعولهمش الدراهم في اقرب وقت بصح عمي و بابا قاللهم اصبرو علينا 3 سنين نوجدو الدراهم.بابا خاف عليا يزيدو يقتلوني وبعتني عند خالي لي في فرانسا وكان عمري 5 سنين.اما عمي فبعت بنتو لي كان عمرها 3 سنين لوحد العايلة فالريف.تربيت مع خالي وكي رجعوني لدزاير كان عمري 8 سنين وفوقتها بابا وعمي رجعو الدراهم للامافيا بعد ماقتلو ماما اما عمي أمين و مرتو سمية راحو باه يجيبو بنتهم منال بصح قالولهم ديك لافامي بلي منال ماتت. ومن بعدها عمي ومرتو رباوني وكبروني وعاملوني كي شغل ولدهم اما بابا كتبلي هاد l hôtel بإسمي وراح لفرنسا يكمل حياتو
_____________
عند أنيس
آنيا كانت اول حب في حياتي وبعد ماحكيتلها حياتي ندور نلقاها تبكي مسحتلها دموعها و حضنتها
انا:خلاص متبكيش دوكا دالتك حكيلي على روحك
آنيا:تربيت مع جدة اللي كانت معاقة وجدي كنا بسطاء عايشين فالريف بابا مات في اكسيدون وماما بعد ما ولدتني توفات منعرفهمش mm pas . تربيت مع ولاد حومتي نلعبو نضاربو كنا كي شغل عايلة وحدة وكي كبرت توفات جداتي وعتنيت بجدي و فديك الفترة لي كنت تعيطلي وماكنتش نريبوندي تماك جدي توفا قالي كلام مفهمتوش قالي::بنتي سامحيني انا و جداتك حبيناك ربينا عليك الكبدة والفناك . مافهمت والو وش قال.خلالي فوطو خلات عقلي يتساءل es que والديا مزالهم حيين
انا:وريلي الفوطو
جبدتهالي من الصاك. اي هاذي لافوطو نفسها لي شفتها فدارها بصح هذي شيفها من قبل وين وين؟؟(كنت نهدر في قلبي)
آنيا:وشبيك؟
انا:والو خلاص متفقديش الامل بلاك مزالهم حيين. سقسي عليهم وشوف
آنيا: نشاء الله.هيا نروحو
وصلتها ورحت لدار
بقينا نحكيو فالتيليفون
____________
عند آنيا
الصباح نظت تفاهمت مع انيس يوصلني للمشتى يعني وين كنت نسكن بلاك الجيران يعرفو اصلي و فصلي
وصلني وبقا هو يستنى فالطوموبيل
لقيت سفيان وليد حومتي سقسيتو قالي نقدر نعاونك
سفيان:كي توفى جدك سمعت ماما تحكي مع الجيران وتقولهم انو هي ماهيش حفيدتهم
كي سمعت تشوكيت
انا: ايه زيد
سفيان:هذا برك واش سمعت
انا:تعيش عاوني زيد سقسي ماماك بالاك تعرف
سفيان:معليش لعشية نسقسيها ونقولك
رحت عند أنيس حكيتلو كلشي وصلني لدار وراح
_____________
عند أنيس
هبطت تسقسي الجيران طاحتلها ورقة فوق الكرسي كان مكتوب فيها AMS دورتها لقيت ديك الفوطو تماك تفكرت وين شفتها جات قالتلي واش قالها سفيان وصلتها وروحت لدار دخلت لقيت عمي أمين قاعد مع مرتو ويشربو فالقهوة سلمت عليهم واستغليت الفرصة دخلت لبيتهم حوست فالقجورة لقيت ورقة مكتوب فيها Amine Manel Soumia AMS
خرجت جاري للشومبرا نتاعي ونقولك نشاء الله برك تكون لي راني نخمم فيها😁
_______________
عند آنيا
دخلت رتحت شوية عيطلي سفيان
انا:الو وي كاش جديد
سفيان:هاذي هدرة مش نتاع تيليفون
انا:اوكي غدوة نتلاقاو في لبلاصة*****،
سفيان:اوك
كوبيت وانا غير نخمم يادرا ادا راح يعطيني معلومة تقدر تعاوني ولا راح يقولي وينهم زعما جدودي لي مارانيش حفيدتهم لقاوني مرمية برا ولا تبناوني.رقدت وانا غير نخمم
صباح نظت خبرت انيس وصلني لذيك لبلاصة لي تفاهمنا عليها وبقيت نستنى
_____________
أنيس يحكي
صباح مقدرتش نروح نقرا بقيت نخمم نقولها علابالي وينهم والديك ولا نزيد نصبر حتى صوناتلي آنيا
آنيا:راني حكيت مع سفيان ليوم رايحين نتلاقاو
انا:خلي انا نجي نديك
كملنا نحكيو عادي . رحت وصلتها هبطت معاها حتى جاء سفيان
انا:هاوليك راهو جا
آنيا:ربي يخرجها على خير
انا:متخفيش مادامني معاك الريح مايقيسكش😗
سفيان:معرفتش موين نبدالك
آنيا:علاه وش كاين سفيان احكي ربي يعيشك احكي
سفيان:والديك مزالهم حيين و آنيا مش اسمك الحقيقي
_____________
عند آنيا
بعد مقالي بلي مزالهم حيين طرطقت بالبكاء حكمت لاvاست نتاع سفيان نعيط ونقول وينهم قولي وينهم تماك حضني أنيس حسيت بالحنان . بديت نبكي نبكي .سفيان راح وانيس ركبني فالطوموبيل وداني لشط البحر قعدنا لعبنا ضحكنا تمهببلنا نحالي القنطة ورجعني لدار
نظت الصباح روحت نقرا
_____________
انيس يحكي
ترمات فحضني وكانت تبكي كي البيبي الصغير ديتها للبحر نسيتها فقلقتها ورجعتها لدارها.رجعت لدار لقيت الخدامات يعلقو فالبالونات والضواوي شاعلين دخلت وانا مافاهم والو لقيت عمي امين فالصالة قعدت معاه
انا:وشنو كاش ماراه صاري اليوم
امين:غدوة l anniversaire نتاع منال وعلابالك سمية كل عام تديرلها الله غالب مقدرتش تنساها
جات سمية ترمات في حضن عمي زادت جبدتني ليها حضنتني وبدات تبكي وتقول:نتوما برك اللي بقيتولي في حياتي نتوما برك
خليتها حتى راحت ترقد وحيطت لعمي
انا:لحقني للجاردا عندي هدرة معاك
هكذا شوية جاء لعندي
امين:غير الخير وش كاين
انا:عندي surprise ليكم بصح متقولش دوكا ل ماما سمية
امين:و واش هي
انا:منال مزالت حية
امين:وش وش راك تقول أنيس راك في عقلك
انا:غدوة نجيبها mm هي راهي تحوس عليكم
امين:صح وشراك تقول
انا:المهم غدوة وجد كلش
جاء سلم عليا عنقني وبقا يبكي
عدينا ديك الليلة نخططو لغدوا🙄
غدا من داك عيطت ل آنيا
انا:الو لعشية وجدي روحك نديك لحفلة
آنيا:واش راك تقول
انا:كيما قولتلك
_______________
فالجيهة لخرى آنيا
عيطلي بديت نوجد فروحي لبست روب غوج طويلة طلقت شعري وحطيت غوج خفيف جيت زلة هههههه وبقيت نستنا
_______________
أنيس:
وصلت عيطتلها هبطت وش نحكي و واش نخلي خخخ بقيت تايه فلاطاي نتاعها ف زينها ركبت بقيت نشوف فيها حتى فطنتني
آنيا:و وين رايحين
انا:خليها surprise
فالجيهة لخرى
سمية:وينو انيس مزال مجاش
امين:راهو جاي علاه
سمية:باه نروحو كيف كيف لقبر بنت عمو
صونات الباب ناض امين غمض لسمية عينيها وهي مافاهما والو وفنفس الوقت انيس غمض لآنيا عينيها
فتح أمين الباب مصدقش كيشاف بنتو كيفاه ولات عينيه تعمرو بالدموع فتحولهم عينيهم بقاو مشوكيين سمية و آنيا مافاهمين والو وسمية مغريباش عليها هذ الملامح
أنيس: ماما سمية هذي هي منال
ولات تبكي وتحضن فيها منال رجعت رجعت وزاد كمل عليهم امين ولايحضن فيهم و آنيا والو مافاهمة
أنيس:آنيا هذو والديك
آنيا:انيس مش وقت التمسخير
أنيس جبد الورقة لي داها من عند آنيا
آنيا:واش جاب لافوطو لهنا
أنيس قلب لافوطو منين مكتوبة AMS
سمية:تسما صح هذي منال و ولات تبكي وتحضن فيها وزاد جبد لافوطو الاصلية لي باينين وجوه امين وسمية فيها لي كانت مخبية في الالبوم . فما تأكدت آنيا بلي هي منال يعني بنتهم وشحال فرحت كي لقات والديها mm والديها فرحوا
ايجي نتا وفرقهم فذيك اللحظة خخخخخخ
أنيس فهمهم كلشي من ل A لل Z وزادو تعارفو وعرفت منال(المهم نوليو نقولولها منال خخخخ)بلي أنيس وليد عمها هههههه
أنيس طلب يد منال من والديها اللي كانو موافقين
تخطبتلو وكي قرب العرس رجع بابات أنيس لدزاير و امال تانيك رجعت للبلاد وكملت الفرحة فرحتين زوجو و زاد عندهم توأم أمير و أميرة.
منال:أميرة بركاي ماتلعبي فالطين.أمير ارواح نبدلك ليكوش
أنيس:خليهم يلعبو
منال:خلاص مالا انا نروح نخدم راني طولت بزاف على les malades نتاعي
أنيس:اسناي نجي نوصلك.
منال:ماما تهلاي في الدراري
سمية:تهناي راهم معاي
هذي حكاية منال وأنيس نشاء تكون عجبتكم 😉
