المشاعر 👎❤

الآم المشاعر

جان الكل يحكم ع علاقه ريام وحيدر  ب الفشل الاهل و
الاصدقاء المقربين لحد ما اجه الوكت الي جانو متوقعين بي  هذا الشي
ريام وحيدر التقو بكليه الحقوق وجانو زملاء حبو بعض وتكمل هذا الحب ب الزواج بعد حب دام ٥سنوات

للاسف مراح اقصلكم قصه الحب الكامله واحداثه
بقدر ما راح اقصلكم مابعد نهايه  هذا الحب نهايه هاي_#العلاقه
وشنو تشيل من كميه مشاعر مو هيه نفسه المشاعر ابدايه الحب او ابدايه العلاقه
٨اشهر من الزواج
بده التوتر يزيد
جان حيدر يختار السكوت
وجانت ريام تختار الكلام
بكل علاقه لازم احد الطرفين هو المتكلم والثاني متلقي 👎👎
وهذا عدم الحوار الي ابيناتهم وصلهم للنهايه الي جانت ريام تخاف منه
وتتحاشاها بس لازم واحد يختار
💫💫💫💫💫💫💫💫💫
ريام // كاعده بصف حيدر ع طرف الجربايه تسال حيدر لمته هذا البرود والسكوت
حيدر شنو نهايه زواجنه انته ليش مجاوبني جاوبني ع الاقل
....
جان حيدر يشرب الجكاره وبصدره الف سالفه وسالفه ومانعه السكوت من الكلام
خلص جكارته وطفاها وهو كايم جاوبه // ريام بكيفج الي يريحج سويه
دائما هذا جواب حيدر ع اساله ريام : مادري_ الي يريحج _ براحتج. بكيفج
لهذا قررت ريام تلم نفسه وتروح لاهلهه
وبعد اسبوع كامل تفاجئت حيدر يتصل وطلب منه يطلعون سوهه حته يصفون ع رآي يكملون لو ينفصلون
طلعو سوهه بس ابد محجه
اول مشافو بعض جانت نظراتهم كله حب واشتياق وبعدين صار برود وعمت الكآبه عليهم وزادت نظرات عيونهم تشتت صارت الكعده لا تطاق وحيدر مانطق اي حرف طلبت ريام ترجع للبيت(بدايه النهايه)
رجعت منهاره من كبت الالم الي يعصر كلبه.. الدموع اله حركه ع خده وكلبه من ذاك اليوم مريض ومكسور والسبب علاقه فاشله..
خابرهه حيدر وبكل برود
الو: احنه لازم ننفصل وشدد ع كلمه لاااازم
جانت تبجي منكسره  واخيرا هذا السكوت انكسر اخيرا حط حد لهذا الطريق المسدود واختار الانفصال

جانت تبجي لمشاعر كلبه مو ع حيدر ع هاي السنين الي كضوهه سوه.. للاسف ريام طاوعه كلبه باختيار هاي الحياه الي تدفع ثمنه دموع وشرخ جبير ب الگلب
.. بعد ماسلم العقل زمام الامور لهاي المشاعر 'المشاعر الغلابه الي تاخذ كلشي بسرعه بسرعه وميضل بعدين بس الندم..
حيدر عاف طرف العلاقه صارت النهايه 'النهايه الي يكرهه الكل 'والي احبه اني
النهايه الي تنولد منه بدايه.. بدايه لحياه جديده
بدايه لصفحه منكول بيضه خاليه  من كلشي ع الاقل هيه صفحه جديده
ما مرينه بيهه ابد..
بعد هذا الفشل.. فشل علاقه الحب وعلاقه الزواج
نكدر نكول ريام بدت تشتغل بمجاله تخصصه المحاماه.. تخلصت بسرعه بسرعه من مشاعر الندم حته بده النسيان ياكل جزء جبير من حياته السابقه ويا حيدر
( الي يوكع اول يتعافه اول ) ويصير اقوه..
لحد ما اجه هذا اليوم الي التقت بي بحيدر ب المحكمه
(( النهايات والبدايات تتصادم )) دائماً

(بس ماكدر اكللكم هاي بدايه لعلاقه منتهيه)

(ولا اكدر اكللكم انو همه من اشاوفو واحد حضن الثاني )

(ولا اكدر اكللكم بده بيناتهم عتاب طويل عتاب مثل عتاب الاحبه )

همه اغراب '' ماتجمع بينهم علاقه..
مرور ثنينهم واحد كبال الثاني واحد يتجاهل الثاني..
متناسين مشاعر وعشره عمرهه  (  ٥سنوات و٨اشهر واسبوع )

🌹🌹بعد الحب والعشره نلتقي مثل الاغراب 🌹🌹

يتحتم عليهم يكونون اغراب ومحد يعرف الثاني
المشاعر الي اتزعزعت بيناتهم مستحيل ترجع مثل قبل
المشاعر عمرهه مجانت لعبه ونزوه
النهايه✔😭