جانت امنه تحتاج شويه مشاعر تبينه كدام احمد 😣 بعلاقتهم بعد مساعدهه بتخطي علاقه حب فاشله.. جان يعرف بماضي امنه لكن هو اختارهه شريكه لحياته وامنه ع گلبه
منكول امنه متحبه هو الصديق قبل ميكون الحبيب والخطيب بس كلبه بعده يعاني من الم الخيانه وعدم الثقه.. لهذا الحب والعاطفه محتفضه بيه بكلبه اتجاه احمد
واحمد جان محتاج شويه مشاعر.. حته يكمل وياها الطريق
هذا يوم عرسهم وماكو اي ملامح حب من امنه اتجاه احمد
خلصو كل متعلقات العرس بس جان يوصله لبيتهم بعد يوم شاق كله تحضيرات ومواعيد
وصله احمد لباب بيتهم
ولزم ايدهه
امنه// عيب شنو هاي
احمد // غير انتي بلليل راح اصيرين زوجتي اصلا انتي زوجتي يعني بس ع الزفه والعرس
امنه// احمر وجه من الخجل
جان احمد ينتضر كلام حلو ملاطفه خفيفه من امنه تجاريه بكلامه وياها
لهذا قرر يفتح وياها موضوع انطوهه من زمان
احمد// بعدج تحبيه لذاك الي ميسمه
تفاجئت باحمد وهو يجيب سيره قررو يسدوهه سوه ومضه عليه كومه وكت
اندارت عليه بكل جسمهه وكلتله // شمعنه هذا اليوم تسالني ليس اجيب سيرته اصلاً
احمد// وشبيج توترتي وعله صوتج جنه بعدهه ماثر بيج وعليج لهذا متكدرين تكملين حياتج من دونه ليش لعد جاي تجاريني وتردين عرس وتكملين بتحضيراته
قاطعته امنه //شي اكيد احضر بعرسي واكمله راح يجن صديقاتي ومعازيم كومه تريدهه ناقص مثلا
احمد// مو جنج جاي تغيرين الموضوع موضوعي ليش تردين تكملين وياي وانتي محابتني اصلا وبالج وعقلج ويا ذاك
امنه// ياذاك احمد اني احبك الك شنو جاييك اليوم ع سيرته محد بهذا الوكت يكون مجبور
احمد// اي وخصوصا انتي
امنه// شنو قصدك
احمد// اي لان انتي متعودهه تختارين الشريك دائما
جان متوتر وعصبي جان الحديث عقيم بي كومه مشاعر متخربطه ولاول مره احمد يشك بامنه او يعيرهه ب الماضي المضى والي ماله رجعه 😬
جان كلب امنه يدك كلام احمد سكته ماكدرت ترجع عليه الكلام او حته ادافع عن نفسه..
نزلت من السياره بعصبيه وكلتله // اذا اشوفني هيج وهذا رايك بيه من زمان وضامه بكلبك واليوم طلعته لتجي للعرس وانهي من يمك.. مدام هيج تعيرني ب الماضي.. وتعرف كلش زين شنو بكلبي اتجاهك
احمد// اي بس اريد شويه مشاعر امنه امنه جان يصيح عليه
واخر حجايه جانت منه اني كلي مشاعر اتجاهك بس انته متعرف خليك ب الشكليات
جان يصيح عليه وهيه متجاوبه وطبت للبيت تبجي
متعرف شنو اسوي يمكن ينهي الزواج
ويمكن لا هيه ما متاكدهه منه يريده بكد ما متاكده انو هيه تريده وتحتاجه اكثر من اي وكت فات..
مرات الانسان يحب حب اخرس ميحب الثرثره بكلام الحب والمشاعر.. ويعبر عن الي بداخله يمكن افعاله تبين او مواقف تفضحه
شخصيته عكس شخصيته هو يحب يعبر عن مشاعره ويعتبر هذا الشي اساسي بعلاقته ويا امنه
...... 🌿🌿🌿🌿🌿🌿🌿
اجه وكت العرس👰👰👰👰
تجهزت امنه بكل قلق جانت كامره العرس ترافقه بكل خطوه
والكامره تبين قلقه الواضح ع شكلهه
شكله مال عروس خايفه طمنوهه الاهل المقربين
( يجي يجي) لتخافين.. اكيد همه مجانو يعرفون الخلاف ال صار بيناتهم
بس تقريبا هيه اكثر كلمه تنكال للعروس وهيه متوتره وخصوصا بهيج اوقات 💣
وهناك
واجه العريس ☺👨
ارتبكت امنه وبدت تسال البنات مكياجي زين عفيه عدلو بدلتي حبابين
جانت فرحانه والسعاده مسيطره ع شعورهه
سعاده امبينه ع وجهه وابتسامته العريضه الي استقبلت بيه احمد
انطاه شعور كلش حلو
وعيونه تكله تعال نبدي من جديد وننسه الخلاف
بدايه بيه شويه مشاعر مثل ما طلب
واكثر همين
بدايه مابيه بس الفرح والحب والامل والعاطفه
النهايه
أنت تقرأ
المشاعر 👎❤
Chick-Litمجموعه قصص كل بارت بي قصه جديده ومختلفه ومنفصله تماماً عن الثاني تحجي عن علاقات الحب والعاطفه 😜 اتمنه يعجبكم
