عشك بله حدود

بارات 15

قصي ما قبل نروح وحدنه ونجي وحدنه كام هوه ياخذنه وهوه يودينه واذا ما صار عده مجال ياسر يودينه اثنينهم التفقو على هل اساس لىًن جانو يخافون علينه حيل ومره جنه كاعدين اني وياراه بل ستراحه وجنه دا انسولف
ونشوف قصي وياسر ثنينهم فايتين علينه وكل واحد بيده ورده حمره قصي قدمهه الي وياسر قدمهه الياراه ثنيناتنه كمنه نفس الكومه ونفس الوكفه وحده كامت تابوع الثانيه وكمنه نضحك اني رحت بتجاهه قصي وياراه بتجاهه ياسر
تقربت من قصي وقصي لزم ايدي ماعرف ليش حسيته اول مره لازم ايدي فتخرت بي وبنفس الوقت ما ضلت خوفه بقلبي حسيت بل امان القوي من قصي جان يمي تمنيت اضل ويا طول العمر الطلاب كلهه كامت تباوع علينه وتبوع الياراه وياسر وكلهه تعجبت قصي كلي دقيقه واجيج راح حط اغنيه اسمحيلي بل رقصه الوله رقصنه والناس كلهه ركصت جان احله يوم بحياتي من فتت الكليه اليوم
اني وياراه وقصي وياسر طلعنه من الكليه رحنه تغدينه واتونسنه ورجعنه البيت اني وياراه وحده تكول الثانيه نيالي على خطيبي صدك نيالنه
بس ما نعرف الوقت شنو ضاملنه
مرات اليام واني رحت المرحله الثانيه وياراه الثالثه جنت هواي ارسم دزاينات واحضر ملف كامل حتى اول ما اخلاص الكليه رىًستن ابلش شغل جان هل شي اعشقه حيل
جنت كل يوم ارسم قصي من يضحك من يضوج من يعصب بكل حالاته رسمته
وبيوم جنت بل جامعه
قصي: كعدت من الصبح ردت الماس يمي اتصلت عليه ما جاوبت عرفت هيه بل جامعه كلت خليهه على راحتهه وره شوي خابرني ابوي كلي اليوم اني اريد اكون بل محل لا تجي كتله اوكي بدلات ملابس لابست بنطرون كتان نيلي ولبست قميص ابيض اني جتافي عريضه ولناس من تشوفني عبالهم العب رياضه بس اني ماعدي وقت حتى امشي
رحت الجامعه ادور على الماس ما جانت موجوده كعدت بل كافتيره كلت اكيد تكمل محاضره وتجيني واني كاعد اجت وحده من وره ضهري وحطت ايدهه على عيوني كتله الماس
اسراه : لا مو الماس اني اسراه بس حجتهه بغضب
قصي: اسراه شجابج هنا
اسراه : اني دا اكمل ددراسه هنا قصي
قصي: اوكي اترخص دا انتضر خطيبتي
اسراه: ليش قصي انت خاطب
قصي: ماعرف ليش حيل تنرفزت منهه اي خاطب عدج عتراض اني كايلج اني خاطب البنيه من جان عمري 17 افتهمي الخاطر ربج اسراه لزمت ايدي وحطتهه على قلبهه
اسراه : وهذا شنو اكله اكله حبيبك خطب انسه لو شنو اكله بس كلي احجي
قصي : اسراه لا تجبريني اسوي شي ما يعجبج كتلج اني خاطب واموت على خطيبتي حبج جان من طرف واحد والف مره كتلج ما احبج ولا افكر بيج
الماس : فتت على الكافتيريه وشفت بنيه لازم ايد قصي تخبلت اجيت وكفت يمهم
الماس: قصي شكو
قصي: شفت الماس بسرعه هديت ايد اسراه وكتلهه اسراه دا تشوفين هاي البنيه هاي الماس هاي خطيبتي هاي الماسه قلبي اطلعي من حياتي ولا تحلين بعد كتلج حبج من طرف واحد واني ما احب ولا راح احب غير الماس حجيت هيج كدام الماس حتى لا اضل تشك بيه لىًن اني صح ماعدي شي وياهه
اسراه : اني اسفه قصي اعرف حبي الىًك من طرف واحد بس اعذريني ما انع قلبي
الماس: ضليت صافنيه اخر شي كلت القصي من رخصتكم عدي محاضره ومشيت
قصي: الماس انتضري حبيبتي صدكي مو مثل ما دا تفكرين انتضري ياروحي
الماس: شمدريك دا افكر بشي هسه اني مدا افكر بشي قصي من رختصك المحاضره كلش مهمه عفته ورحت المحاضره الثانيه بس الي دا افكر بي مني هاي وشتريد الف فكره اجت بالي
اسراه : رحت كلت القصي اني اسفه اذا صار شي بينك وبين خطيبتك بس اذا بيوم من اليام تريدني راح اكون الك وراح انتضرك
قصي : روحي اسراه ماريد ابتلي بيج روحي احسلج
قصي : راحت اسراه وضليت انتضر الماس نتضرتهه كومه وهيه ماكو اتصلت على ياسر
قصي: الوو ياسر وين انت
ياسر : الوو قصي شكو اني بل شغل بس خمس دقايق واخلاص
قصي : تعالي الجامعه بسرعه
ياسر : اوكي شوي واكون يمك
قصي : نسيت اكلكم اني وياسر صرنه كلش اصدقاء صرنه روح بروح كلشي احجيله وكلشي يحجيلي
اجه ياسر الكافتيريه وسولفتله كل الي صار
ياسر : قصي رحت شفتهه وين دورتهه
قصي: لا مارحت ويا مدا نحجي وفاتت ياراه
ياواه : هلو شباب شنو وين الماس دا ادورهه ماكو
قصي : احنه هم دا اندور عليهه ماكو
ياراه : شنو صار شكو تعرفون الماس اذا اضوج تحب تكعد وحده بس وينهه يالله
قصي: اي صح اعرف وين تكعد اني رايح اشوفهه
ياسر: لحضه جاين وياك
رحنه سوه المنتزه الي نكعد بيه اني والماس دىًمن اعرفهه تكعد هنا دىًمن يم الشجره على فكره كتبنه اني والماس اسامينه على الشجره وهيه كل ما اضوج تجي تكعد يمهه
وصلنه ولكيناهه كاعده ومدنكه تلعب بل ورد المزروع وكفت قبالهه كتلهه الماس رفعت راسهه وكالتلي
الماس : ماريد اشوف احد بس اريد ياراه
ياسر : زين ما يصير خطيب ياراه هم
الماس: لا اريد بس ياراه يمي
قصي: وكفت اباوع الماس واندعي يارب لا تخسرني ياهه ما اتحمل من دونهه ولا اريد اجرحهه بعدهي صغيره
قصي : ياراه ياسر روحو اتمشو اني باقي يمهه
الماس: حجيت بهدوه وجانت اباوع الكاع اني كلت اريد بس ياراه ماريد احد يضيل يمي غير ياراه
قصي: اشرت الياراه وياسر يرحون واني كعدت بصفهه . الماس لا تحكمين علي قبل لا تسمعين مني اسمعي واذا اكو شي يضوجج بحجي ازعلي
الماس: اني ما زعلانه اني ضايجه
قصي : ممكن اسولفلج وانتي احكمي
الماس : اوكي