عاشقة الليث

part 9

#عاشقة_الليث
البارت ..... 9
لؤي:تدري ليث مااكدر اكلها احبج اخاف لاتفشلني واني بكبري تفشلني جاهلة جوز تطلع اصغر مني ب20سنه
ليث:دنجب قشمر عمرها هسه 20 وتكول عليها جاهله هسه توديك وتجيبك للشط عطشان ...صفن ليث واتذكر ملامح وعيون ريناد الطفولية الي يتمنى تبقى مقابيله...
لؤي:ها ها وين صفنت... بات مان ..يالله انزل هسه تستلمك امي وتشبعك رزايل ...ههههه
ليث:اوو والله نسيتها ..
----------------------------------------------------
ريماس:بديت اداوم وريناد بحجابها وجمالها اقتنعت البس حجاب بس مو هسه على السنة الجاية ان شاء الله ...كلش تعبت من الدوام بس اليوم صار شئ من صدك خربط عليه التعب وخلاني بغير عالم ....
ريناد:استمر الدوام عادي واني اشتريت شالات موديل تركي واني عيوني خضر وبيضة  من صدك طلعت تركية ....اليوم كلش تعبانة رجعت للبيت ريماس صارلها 6ايام مو على بعضها كله بالغرفة ومتطلع ولازمه المبايل اني كلش ضجت حتى قرايتها عايفتها ...شلونج ماما  وين ريماس
نرمين:والله ماادري اشو اول مااجت حتى غده ماتغدت كبل راحت للغرفة
ريناد:هاي شلون بيها ...دخلت للغرفة ريماس طفت تلفونها وضمته
ريماس:هلو رينو شلونج
ريناد:خزرتها شبيج مو على بعضج شبيج معاجبتني هالفترة
ريماس:اوو شبيج واكفتلي على كلشي عوفيني
ريناد:ها اني واكفتلج ريماس هو هذا ترباتي الج ..عليت صوتي عليها
ريماس :بعلو صوتي ... عوفيني خانكتني وانت حضرتج لل5لو لل4يالله ترجعين اشو محد كال على عينج حاجب
ريناد :ولج انت تشكين بيه ريماس
نرمين:خير اسم الله بناتي شبيكم ريماس:كليلها واكفتلي على كلشي واني مااحجي وياها كافي كافي
ريناد:وج شلون هيج تحجين ويايه نرمين:عوفي البنيه كافي ريناد كافي بدلي وتعاي تغدي
ريناد:لا هاي انتوا اثنينكم عليه اكيد اكو شئ هاهيه بعد ماعليه بيكم شتسون سوو عساكم احتركتوا اطلعوا بره اطلعوا ......طلعن كمت انزع بالشال تاليتي اني اطلع مو زينه تاليتي اني كمت ابجي لان كل الي دااقدمه لريماس وتاليها اطلع خانكتها ...كمت مااحجي وياها كم مرة تجي تريد تبوسني مااحجي وياها اطب للغرفة من يردن ينامن اني اطلع للصالة انام ثلاثة ايام واني مااحجي وياهن .....
--------------------------------------------
لمياء:اني اخت ليث عرفتوني بالحلقات الاولى عيوني عسلية كلش حلوه اني ومحجبه ورشيقة ونازكة ...ههه بالغت مو اوك اني طالبة صيدلة مرحلة رابعة اهلي دخلوني على حسابهم ...اليوم اريد اروح للكلية بس.... لؤي شبيك دكوم وديني للكليه وارجع نام والله مضل وقت
ليث:شبيج ليلو تصيحين
لمياء:شوفه صار ساعة اكعد بي ميكعد
ليث:لؤي كوم وديها شبيك لان سبت وماعندك دوام تتمنن عليها باجر اشتريلها سيارة وسايق وياها
لؤي:ولك والله مابيها بانزين بعدين شعدها مداومه ماعدها بس محاضرة اليوم وساعة ب10
لمياء:ليث عليك الله راح تشتريلي سيارة
ليث:اي لعد قابل تضلين بمنية الاثول جنه تنبل مال نوم ولا عبالك استاذ جامعي همداك
لؤي:عوفوني خل انام ...
ليث:امشي ليلو اني اوصلج
لمياء:مو سيارتك عطلانه
ليث:هسه يجيني سؤدد
لمياء:خوش لعد ابدل واجيك
ليث:يالله مو تتأخرين لان هو على جيه
لمياء:لا لا...
ليث:وره ربع ساعة اجه سؤدد...ها ابو السوس انتظر هسه تجي اختي انوصلها للكلية مالتها اليوم لؤي معرس عليها
سؤدد:ياربي صبرني فوك انت انوب اختك
ليث:غصبا عليك حقير خل تصلح سيارتي وشوف شسوي بيك
سؤدد:يالله وينها صار ساعة من جيت
ليث:دنجب خطيه بنيه انتظرها
سؤدد:امري لله صرت البودكار مال ليث وعائلته
ليث:دنجب غصبا على راسك ...ها اجت
سؤدد:باوعت شنو هالبنيه لبسها كلش حلو ونازكه شنو هالجمال معقوله هاي اخت ليث بنفسي احجي ركبت للسيارة مشينا واني اسمعها ...ليث من نوع السبورتي وعادي احجي وي اخته ...هاي شنو انتن البنات هيج تتعطلن يالله تطلعن
لمياء:خزرته وكلت بكلبي شبي هذا
ليث:لك سخيف دير بالك تجاوز على اختي
سؤدد:يابه شكلنا ...يالله كلي منا الطريق
ليث:اي اي لوف على هاي الاستدارة ...اي اي ...وصلنا يمك ...يالله ليلو انزلي وديري بالج من تطلعين اتصلي عل اخوج القشمر خل يجيج مو تطلعين وحدج فهمتي
لمياء:اي ماشي
سؤدد:ضليت صاف عليها وهي تهز راسها...شكد حلوه ومطيعة واو ...نزلت ومشينا للشركه
ليث:ريناد صارللها 3ايام مو على بعضها اريد اسألها بس اكول اني شعليه .... خاف تفشلني ولسانها مو الها ... دااشتغل اتصلت عليه لمياء...ها لمياء مااجاج الاثول ..هسه جايج اصبري ....بهل لحضة اجه سؤدد ..اي الله جابك امشي دااجيب لمياء من الكلية انطيني سيارتك
سؤدد:اكلك اكو اجتماع وي شركة ....لازم انت تكون موجود بعد ربع ساعة ماادري اني بي
ليث:خرب والله نسيته اي ملف بالمجر الثالث بي تقرير اقراه عود ..
سؤدد:لا دجيب اني اودي اختك وانت احظر الاجتماع ...خزني ليث ..شبيك والله مااسويلها شئ هاي اخت العزيز ...ديالا لك تشك بيه ..ضربته على جتفه
ليث:ديربالك عليها والله انتقم منك اذا صار بيها شئ
سؤدد:عمي على راسي احطها . ..رحت حركت سيارتي ولشارع فلسطين ..وكفت براس الكليه مالتهم هي ماكو ..خابرت ليث نطاني مكانها نزلت عليها جانت تحجي وي بنات اثنين ..سلمت
سؤدد:السلام عليكم ...يالله 
لمياء:كلش خجلني كالي ليث راح يجيج سؤدد بس ماتوقعته راح يوكف فوك راسي ..كمت واني مدنكه حتى سلام مارديتله ...ردت اركب ليوره بس هو اتكيت كلش فتحلي باب الصدر وركبت يمه بس ماادري احس الهواء كوه يفوت للرئة كلش مستحية منه اني ابد مااتكلم وي ولد ولاكاعده يم شاب اخاف منهم عيونهم زايغه ...
سؤدد:جانت طول الطريق ساكته وتفرك بأيديها ...عجبني اقطع الهدوء الي بيها ...اي شلونها الكليه حلوه مو
لمياء:جاوبته واني مدنكه راسي اي اكيد حلوه
سؤدد:تدرين ماادري انو ليث عنده اخت حلوه مثلج انت كلش نازكه بالنسبه لاخوانج الضخام
لمياء:كلش ضجت من كال هيج رفعت وجهي وخنزرت بوجهه
سؤدد:شبيج ليش هيج تخزرين
لمياء:ليش تحجي على اخواني
سؤدد:على كيفج يابه شحجينا تره مدحتج الج مو اخوانج الا النسوان كلجن متصدكن تلكن عركه شو دنزلي وصلنا لبيتكم
لمياء:نزلت واني كلش ضجت منه وسديت الباب بوجهه بقوة
سؤدد:اي يالله شبيها مثل اخوها خبله ...نزلت الجامه وصحت عليها تره الشكر لله ...هيولادارتلي بال اوو خل تطير شكو مهتم الها....
-----------------------------------------------
ريماس:اني غلطت وي ريناد كعدت لفينا كبه اني وماما ريناد تحبها سويت كيكه وحضرت الها سفرة اريد اراضيها بيها ...اجت ساعة ب4 اول مااجت حضنتها ضلت تقاوم وتزعل بس اني صالحتها
ريناد:احجيلي عن هذا الشاب
ريماس:باعي ريناد تذكرين الي كتلج عليه عينه زايغه للبنات
ريناد:هذا المحاضر
ريماس:اي
ريناد:ريمو اكيد يضحك عليج
ريماس:لا لا اصلا يكولي كل البنات ماهمتني بوجودج وهو اعترفلي وكالي احب
ريناد:بغضب وانت شكلتيله
ريماس:بعدني ممرجعتله الجواب والله ريناد من حجيتي عليه عفته اصلا رسايل جانت بسيطه بينا
ريناد :باعي ريماس انت تحبي
ريماس:اي احبه ريناد والله حبيته حسيته شخص مسؤول
ريناد:ريماس اسمعي اني وياج وماما بس هنا ريماس تأكدتي منه مانريد سمعه تجينا
ريماس:لا والله ريناد كتله اني مو من البنات الي تلعب عليهن
ريناد:هذا الحجي ميفيد ريماس خل يجي يخطبج مو يصادقج على انج حبيبه وماادري ايش
ريماس:ريناد شلون يخطبني وانت لساج
ريناد:عساني متت ريماس اهم شئ سعادتج ..اذا مرتاحتله خل يجي يخطبج ماشي واذا مااجه ممنوع تكلمي او حتى تسلمين عليه
ريماس:اي والله ان شاء الله بس لاتزعلين ....هذا كله الكلام وماما جانت نايمه لان خطيه تعبانه ثاني يوم ريناد كلتلها لماما ماما رفضت انه اني انخطب او اتزوج قبل ريناد بس ريناد كتلها اني مامفكرة بالزواج ولااريد اتزوج ....