بعد مرور ايام كانت علاقة ملاك او عمر متوترة او نفس الشي بالنسبة لأحمد او ليان
حيث صارو الاثنين اعصاب او ما يتحملون كلام او يدورون حجج لحتى يتعاركون وي البنات
ملاك:ليان اني كلش خايفة عمر معرف شبي صاير يعارك ذبان وجهة او ميتحاجة يعني تصدكين بس لان تاخرت بالأكل تعارك اوياي او يكلي مهملة او انو اني ما مهتمة بي
ليان :اني هم مثلج احمد هواي متغير خلال هذي الايام حتى صفناتة كثرانة او دائما شارد او ميتحاجة
ملاك:اخاف عدهم مشاكل بالشركة لان الاثنين متغيرين
ليان :اني هم عبالي هيج بس سئلت او طلع ماكو اي اشكال بالشغل حتى بالعكس شركتهم ناجحة
ملاك :لعد شنو السبب الي يخليهم هيج يصرفون
ليان :مدري والله اني هم محتارة بس اكيد حيجي الوقت الي نعرف شنو يصير
ملاك:كلامج صح صدك المدير طلبنا حتى نروح نشوفة لان بعد العملية الي سويناهة طلب انو نجي
ليان :لعد خلينة نروح
ملاك :اوك يلة
دك دك دك
المدير :تفضل ادخل
ملاك او ليان :السلام عليكم استاذ كالو طلبتنا
المدير :يي طلبتكم حتى نحجي سوة بموضوع مهم
ملاك :تفضل استاذ نسمعك
المدير :اجت طلب وفد ال فرنسا او رادو اطباء اكفاء فختاربتكم انتو الاثنين او اجيت ابلغكم حتى اذا مترحون ادز غيركم بس اتمنى تقبلون و السفرة يوم الاحد بعد 5 ايام او مدته شهرين او اذا قررتو تبقون هناك فهذا شي يخصكم
ليان :استاذ مثل ما تعرف احنة مزوجات او لازم نطي خبر لزواجنة او نشوف اذا يقبلون او لا
المدير :اخذو راحتكم السفرة باقي عليه 5 ايام فقررو منا اليومين ونطوني خبر
ملاك او ليان :اوك استاذ احنة نستأذن عدنة مراجعين
المدير :اخذو راحتكم
في نفس الوقت عند احمد او عمر
عمر بسرة :منو هذا الي يدزلي هيج حجي عن ملاك هي ما ممكن تخوني او تفكر بشخص ثاني
دك دك
عمر :تفضل
امين :استاذ اجاك هذا الضرف
بنفس الوقت اجة ضرف ثاني ال أحمد
عمر بعصبية :الو ملاك انت وين
ملاك :اني بالمستشفى عندي مراجعين بعدين اتصل بيك
عمر :عوفي الزفت او راح اجي بعد عشر دقائق تكونين طالعتلي او سدة
ملاك بسرهة هذا شبي ليش هيج عصبي او قفل التلفون بوجهي حتى ما ودعني يلة شعلي هسة من يجي افتهم منة
ونفس ردة الفعل كانت عند احمد من اتصل بليان
كانت ملاك برة لمن طلعت ليان
ملاك :هااا ليان شو طالعة برة
ليان :انتضر احمد يجي ياخذني مدري شبي
ملاك :او اني هم انتضر عمر بعدين سمعو صوت سيارة التفتو لكو عمر اجة
صعدت ملاك وي عمر او كان طول الطريق هادئ او ما يحجي بس كان واضحة علي العصبية
قررت ملاك تكسر هذا الصمت
ملاك:عمر صاير شي ليش هيج عصبي او ضايج صاير اوياك شي
عمر :من نوصل للبيت تعرفين ليش
ملاك :اوك وسكتت ما نطقت لما وصلو البيت
نزل عمر او جر ملاك من ايدهة قوي
ملاك :اي ايدي شبيك عمر عوف ايدي وجعتني بس هو كان مستمر بجرهة او دخلو غرفتهم او بعدهة ضربه كف على وجهة او طبع اصابع على خدهة او صرخ بيه
عمر :وج هاي جزاتي لان لفيتج يا خاينة انتي وحدة حقيرة تصرفين مثل الملاك ونتي شيطان
ملاك :انت اشتحجي او اني مستحيل اخونك لان مو من اخلاقي
عمر :ضربه كف ثاني وتجرئين تكولين ما خنتك لعد هذول شنو او شمر عليه الضرف فتختة لكت صور اله وي دكتور ايمن لمن كانو يحجون او يضحكون او صورة كان ماسك ايدهة او صور هواي اكثرهم مو حقيقين غير تسجيل صوتي كان متلاعب بي حيث غير الكلمات بس بصوته
او نفس الشي بالنسة ال ليان كانت صور وي مازن من لزمه او تسجيل صوتي بصوته بس تم التلاعب بالكلام الحقيقي مع صور ثانية فوتو شوب
ملاك :هذا ما صار هذول مو حقيقين الصور
عمر :و التسجيل مو حقيقي هم انت رحتي اعترفتي بحبج لدكتور ايمن وتكولين مو حقيقي
كان يضحك بشكل هستيري او بلش يضربه بس مكدر يكمل ضربه لان ما يتحمل يشوف وجعه
عمر :هسة لمي اهدومج وطلعي من بيتي ما اريد اشوفج بعد او رقة طلاقج حتوصلج باجر تركه او طلع
ملاك بصراخ :عمر ارجع والله ماخنتك هذا كلة كذب او تلفيق
كان عمر يسمع كلامه بس من يذكر الصور او التسجيل يعصب او يكرهة او ما يصدك بيه
في مكان اخر
احمد :بعد ما ضرب ليان كف واحد لان ماكان كادر يسويله شي بسبب حبة اله على عكس عمر الي ضرب ملاك اكثر من مرة
احمد :لمي ملابسج او طلعي برة بيتي لان ما يشرفني وحدة مثلج تكون مرتي
ليان بدموع :احمد والله ماخنتك ولا فكرت بيوم اسويه اشلون تتوقع اخونك او وي منو مازن الي تعرفني اشكد اكرهة
احمد :ما اريد اسمع منج شي وحدة حقيرة او كذابة لا او ممثلة المفروض ينطوج جائزة اوسكار بالتمثيل او تركه وطلع
ليان او هي تلم ملابس من الارض او تبجي بصوت عالي احمد كان واكف ورة الباب و دموعة تنزل لان فكرهة خانتة
بعد يومين كانت ليان او ملاك كاعدات بالغرفة سوة لان قررو انو يسافرن رغم علي رفض سفرهة او كان ضايج من ملاك لان هو فكر بالبداية بسبب الصور انو هي صح خانتة بس لمن قسمتلة انو هي مغلطت ولا خانتة او لان يعرف اختة مستحيل تسوي هيج شي
اما نور فكانت عند اخوهة تواسي او تحاول تفهمة انو هذا مو صحيح او ملاك مخانتة بس هو رفض يسمع منه او ترك البيت او سكن عند احمد
ملاك :ليان منو الي يريد يخرب بينة ليش سوة هيج
ليان :ما اعرف بس يارب تنكشف الحقيقة بسرعة
ملاك :اميين بس اني متوقعت عمر ما راح يصدكني ويشك انو ممكن اخونة كانو ما يعرف اشكد احبة ليش سوة هيج
بهذي الاثناء اندك باب البيت او طلعت ملاك او ليان
ملاك :تفضل رايد شي
الشخص :هذا امر من المحكة وصل الى ست ملاك
ملاك :اخذت الورقة او كانت ورقة طلاقه من عمر
بنفس الوقت اجة اتصال ال ليان
ليان :الو ماما
شنو امر من المحكمة اوك ماما باي
باعت ليان على ملاك الي كانت مصدومة
فمست الورقة او شافت ورقة الطلاق مال ملاك ونصدمت مثله
دخلو البنات جو او كامو يبجون لان انتهت قصت حبهم بفراق ماكانو متوقعين انو سعادتم ما ادوم اكثر من شهرين
بعد ايام بعد ماكنو البنات بحالة من الاكتئاب قررو يسافرون لفرنسا مع الوفد بس ماراح يرجعون مرة ثانية لان قصتهم انتهت بالفراق او مارادو شي يذكرهم بالي صار
علي :ملاك اني ما امنعج اسافرين حتى تغيرين جو بس ياريت ترجعين او ماتضلين مصرة انو تبقين هناك لان ماكدر اتحمل فراقج
ملاك :علي رجاءا خليني على راحتي او متى ما قررت ارجع فاكيد ارجع
اجة تلفون ال ملاك او ليان :الو ****
بعد ماكملو الاتصال اخذو غراضهم او سافرو
ملاك و صديقة عمرهة ليان للمجهول
____________________
ياترة شنو الي حيصير او شنو كان الاتصال الي اجة للبنات او هل راح يرجعون مرة ثانية او تنكشف الحقيقة او لا نعرف هذا بالبارت الجاي
