روآيـــة #مــاذنـبي_آنــا (روايات ليبية )

البارت التاني عشر ❤️

روآية
#مــاذنبي_أنــا
#الــبارت_الــتاني_عــشر

________________
طلعت رونق وياسمين
وصلت للحوش
خشت تسمع في زغاريت
والاغاني معبيه المگان
وقفت تشوف للحوش وادقق في ابسط التفاصيل
يااربي هذا عرسي؟
شن درت في روحي أنا!
معقوله عرسي؟
انا وافقت وتوا عرسي
بعد يوم ح نكون في حوش راجل!
لالا مش رآجل هو ح يگون رآجلي ؟
وح نولي مرته
گيف درت في روحي هگي أنا
علاش وافقت بس
قطع تفگيرها صوت سعاد
سعاد>>وين گنتي
رونق>>أأ ،،رقدت في حوش ياسمين
سعاد>>باه هي خشي ساوي روحگم بش بتحني
رونق>>تمام خشت غرفتهاا
.
.
.
.
.
.
.
لبست البودري وطلعت
الكل إلتموا يسلموا عليهاا
تشوف لناس والزحمه وتبتسم تحاول تخفي الحزن من عيونها 💔
قربت من ندى وياسمين ونهى والبنات قعمزت معاهم

الگل كانوا يغنوا وفرحانين
وهي تساير بـ إبتسامه مزيفه
رقصت وغنت وغيرت جوهاا

.
.
.
#ليلا
تمت السهريه
وروحوا الناس
كانوا البنات في الجنان ايضموا
ندى>>ايييي امته عرسي بس
نهى>>ههههه تبي تتزوجي
ندى>>ياااريت
ياسمين>>عبدو حبيبي يتصل نكلمه ونجيكن يابنات
نهى>>دارت زي حتى راجلي
ياسمين>>هههه لا قااعد خاتشيبي

ندى>>دوووم عليگ خااتشيبگ ياحنه
نهى>>ههههه وانا عنديش ختيب
ندى>>في سوداني ت نجيبهولك مشي وضعك بيه
نهى>>ضربتها بغيض>>كلبه
ندى>>هههههه
نهى>>ضمي ضمي خير ماتطلع خالتي سعاد وتلزنا

.
.
.
.
-عند رونق:-

خشت غرفتها وهي تفگر
غدوه الفاتحه!
يعني بنولي مرته
زعما نقدر نتحمل
زعما نقدر نكمل حياتي بلا وسام!
گيف ح تكون حياتي مع شخص مش راغباته وماعنديش رغبه عنديش معاه
انهت تفگيرها بـ دعاء
.[.. اللهم إني لا أسآلگ رد القضاء ولگن أسآلگ اللطف بي..]..
.
.
.
خشت دوشت وطلعت من الدوش
سمعت صوت تلفونهاا
شافت المتصل
أنــس 💔
ردت بلا نفس
ألو
انس>>اهلين
رونق>>بيگ
انس>>كيف حالگ
رونق>>بخير وانت
انس>>بخير
رونق>>شن الدوشه اللي جنبگ
انس~>مداير فرقه للاولاد وسهرانين
رونق>>اها باه
انس>>مزال ساعات وتولي مرتي
رونق>>حست بضيق قررت تسكر قبل لا تبكي>>نستاذنگ أنا عندي البنات بايتين خليتهم بروحهم
انس>>تمام نحبك يامرتي
سكرت وهي تتنهد وتدعي لربي يصبرها
.
.
.
تعرفوا شن معنى گلمة نـصيب!
إنگ تحب شخص وتوفيله
وتتحمل گل شيء ع خاطره
تسلمه قلبگ!
تعطيه ثقة!
ترسم أحلامگ معاه
ترسم حياتگ وهو فيهاا
تتمنى لو ماتتفارقوا لحظه
تدعي لربي يحفظه ليگ
تتأمل إن هو مستقبلگ وحاضرگ وماضيگ
وگل دنيتك
بس فجاءة!
يفرقگم النصيب
يجبرگ النصيب ع غيره
من صدمتگ ماتستوعب شن صار وشن اللي بيصير
ترضى بـ گل شي وتدعي لربي يصبرگ
_____
نزلوا دموعهاا وهي تفگر
ع نصيبهاا وگيف ح يگون مصيرهاا
وقفت صلت وهي تدعي
لربي يصبرها ويگون معاها