حلمي في الريف( مكتمله)

2

يوسف شتسوين هنا

قمر. يمهه كلبي اكو واحد هيج يحجي عاد تحمم حتى ما اخترع

يوسف هو انتي مدري وين طاكتلج صفنه بالثلاجه
وثانيا شعندج كاعده هيج وكت

قمر. اوكف دقيقه بس خل اتنفس بقيت اتنفس
كعدت جوعاانه واصلا اني متعوده اكعد هيج وكت

يوسف هاااا ديالله همزين كعدتي

قمر هااا

يوسف . شبيج لايروح بالج بعيد قصدي على الريوك ذني ميس وليلى
تنابل مال النوم مايكعدن. يالله حبابه سويلي ريوك على ما ابدل

قمر. اي اني هم. جوعانه. زين شسوب
يوسف روحي كملي صفنتج بالثلاجه على ما تصفين على شي وسوي بس بسرعه.

قمر. اي رحت سويت ريوك وخليته على الميز صارت بالسته ونص
سمعت صوته

يوسف ها. خلص

قمر درت وجهي اجت عيني بعينه
اااا. اي اي هذا ارتبكت لان شكله جان غير.بالبدله مال ضباط
واحد ثاني

يوسف هاا. راح تكملين صفنتج بوجهي

قمر. اااا تريد چاي

يوسف اي صبيلي بكوب

قمر اي
صبيتله جاي ورحت انطيه مديت ايدي جان يتصفح بالمبايل
قمر الجاي

يوسف. هاا اي خله مبايله على الميز
وبدون قصد وهو ياخذ الجاي تلامست اصابعنه اني هنا اجيت اوكع الكوب

همزين لزمه باخر لحضه واني بسرعه درت وجهي بحجة اصب الي جاي

صبيت جاي وكعدت بالكرسي صار يفصل بيني وبينه كرسي
اني تعمدت مااكعد بالكرسي اليمه
اريد ابيع ثكل 😎

قمر. احمم. ممكن سؤال

يوسف. تفضلي

قمر تكدر تكلي شنو الخلاف البين ابوي واهله

يوسف. ليش محد كلج

قمر امداني هسه انا هم معتبريني عايشه وياهم اصلا ماجنت ادري عندي عمام

يوسف ضحكيتيني وراح احجيلج القصه

قمر اي حباب

يوسف شوفي قبل جانت امج عايشه وي اهلي يعني بما انو بت عمهم
فجان جدي وابوهه لامج بنفس البيت لان هم الاخوان الكبار
المهم جانت امج بذاك الوكت حلوه والعين عليهه
وهي حانت تحب ابوج وابوج يريد يتزوجهه. فاول ماكال الجدي على سالفة الزواج جدي فرح بس من سمع عمي حبيب انو ابوج يحب امج هنا جانت المشكله لان عمي حبيب هم جان يحب امج

قمر. كح كح كح ( هههه اعتبروهه غصه بالجاي )

قمر اوكف خلي اخلص من الصدمه يالله تكمل
بقيت دقايق يالله تقبلت هاي الصدمه

اي كمل

يوسف من سمع بيهه راح تنخطب كلب الجو
وبيوم عمي حبيب داخل على امج ورايد يعتدي عليه بس
ابوج تلاحكله باخر لحضه
ومن يومهه الاخوان مايتحاجون وبعد شهر تزوج ابوج بامج
وبعدين جابوج من جابوج عمي حبيب هم راد يعتدي على امج وهدده بيج
بس ابوج وصل وتلاحك باخر ثانيه بوكته جان عمرج سنه
وابوج اخذكم وطلع بعد ماشفناكم من يومهه واهلي يدورون عليكم

قمر وانته جنت موجود بوقت هذا الحجي

يوسف من جابوج جنت بالرابع
وجنت دوم اشيلج وانتي صغيره

قمر هههه والله ماتذكر

يوسف انتي صدك ثوله غير جان عمرج سنه وين تتذكرين

قمر. انته شعجب مامتزوج

يوسف بعدني مالاكي بنت الحلال

قمر ههههه عود صير بكد جدي يالله تزوج

يوسف دكومي مال واحد يحجي وياج

قمر ههههههه والله تضحك

ميس. ولكمممم

يوسف وغمه حتى غمه. هاي صباح الخير كم مره كايلج لا تسوين هيج اله تنبصطين

ميس اوي اكلتني بكشوري
تره لزمتكم بالجرم المشهود. شنو تسوون وحدكم

يوسف وانتي شكووو

قمر ميس تره ماكو شي كعدت جوعانه وبالصدفه كعد يوسف وبقينه نسولف

يوسف ميس مو من عوايدج تكعدين من وكت

ميس على مود شفتهه ماكوو عبالي نست روحهه وضلت تمشي وهيه نايمه

قمر هههه. ولج والله عليج سوالف

ميس باعي بعد شويه حضري روحج نروح اني وياج يم النهر

قمر جذاااابه

ميس والله شبيج هو هذا يمنه مو بعيد

يوسف ترحن شويه وتجن مو تبطن وتنزلن روسجن من تمشن والالكاهه نازعه العبايه ماتشوف اله الراشدي يكسر سنونه فهمتن

ميس وقمر بخوف. فهمنه فهمنه

يوسف يالله اني طالع

ميس وقمر الله وياك.

قمر اكلج ميس هذا اخوج والله حقنه

يوسف . لجج منو الحقنه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ