الكهرباء قطعت وانا كرهتي الضلام😭😭💔،،،والواطهه اصلا كانت مغررب،،بلعت ريقي ودخلتاا،،،قولته لنفسي اناديهوو ولالا،،واصلتا مشي،،واظن في ترابيز ولا شنو ماعارفه قدامي،،طقشتهم ووقعتاا بفوق ليهم🐸💔😭😭،،،ورجلي اضربت،،،بقيت العن في الترابيز،،،قومتااا تاني وعصرتا على رجلي،،،في زي مدرج ولا حاجهه هو اصلا في بدايهه الصالون وانا قايلاهو لجوه،،طلعتا فيهو وبقيت انادي،،يا عمر،،يااعمر😭😂😭😂😭،،،عمر قال ايوه منو البنادي،،قولته ليهو انا ايناس،،،انت بوين،،،تعال انا بخاف من الضلام😭😭😭💔قال لي ثواني،،في عطل في الكهرباء،،رضوان مشى يشوف الحاصل شنو،،خليك مكانك،،،قولته ليهو انا خايفه ياخ،،،قال لي خايفه? ياخ انتي تخوفي بلد😂😂😂💔،،،خليك مكانك واسكتي،،اصلا الصالون دا فيهو ضب،،قولته ليهو ضب😨😭😭💔انت جادي،،تعال ياخ،،الضب ح ياكلني،،،واي لا💔😭💔💔وهو الحيوان شغال يضحك😂😂😂💔،،،بعد شويهه الكهرباء جات،،،تخيلوا انا لقيت روحي طالعه في السرير وماسكهه يد السرير وشغاله الضب ح ياكلني🐸💔،،،،عمر لما شافني قال لي ماكنتا قايلك طالعه في السرير،،ويضحككك،،،،جاا نزلني لانو كنتا برجف من فوق لتحت،، قال لي ماف اي ضب،،،بس قولته اشوفك زي باقي البنات بتخافي ولالا😂😂😂💔قولته ليهو قصدك شنو يعني،،شايفني ولد قدامك😒قال لي ياخ لا العفوو😂😂بس مااتوقعتك تخافي بالشكل دا،،،قولته ليهو المهم،،،قال لي احكي لي💙لما قال كده واي من الصوت والحنك والحبكهه واللهجهه والصيغهه وااااي😭❤️❤️❤️❤️،،سرحتاا في عيونو مساافهه،،شايفاهو بحرك في خشمو بس انا مامركزه💙،،،،بعد شويه بقى يهزني من اكتافي،،،قولته ليهو في شنوو،،،قال لي بتكلم معاك انا،،قولته ليك المطره جات،،،قولته ليهو المطره جات😍😍 اتفكيت منو وطلعتا الحوش،،،وبقيت واقفه في نص الحوش وراافعه يديني في السماء وادعي❤️❤️🐸😂😂جاا لقاني واقفهه،،جراني بالغصب،،ودخلني الصالون،،،قال لي انتي مجنونه ح تمرضي،،بتدعي تقولي في شنوو،،،قولته ليهو اا بقول يارب القى شغل،،ايوه شغل😌💔😁،،،قال لي في نص المطره كده لكن😂😂😂قولته ليهو اي لازم،،،المهم،،هاك دا خاتمك،،لقيتو مشربك في عبايتي،،،قال لي اصلا الخاتم دا اكبر مني،،طبيعي بقع،،شكلي كده ح اجدعوا في الدولاب،،،بدون اشعر قولته ليهو ممكن اخلي معاي،،،قال لي بإستغراب ليه يعني،،،قولته ليهو اا ساي بس من غير سبب،،،قال لي طيب حلال عليك❤️قولتته ليهو شكرا😁،،،لما شاف اسناني،،قال لي على فكره انتي احلى بدون تقويم❤️،،،اتبهدلتا وبقيت ابلع ريقي،،وعرقي ملا جبهتي،،وحسيت جلحاتي اتوسعت🐸💔وقلبي بتنفض،،،قولته ليهو احلف،،،بقى يضحكك😂😂😂💔اي عارفه نفسي متخلفه،،بس الولد لخبط كياني يا اخوانا😂😂😂💔✋،،،،بعد شويهه علا جات وقالت لي اطلعي ارح امك واقفه لينا في الباب،،قولته ليها ارح،،قولته لعمر باي😍👋،،وهو شغال يبتسم قال لي مع السلامهه،،وانا لسه واقفه ومتنحه،،علا كرتني كر من الصالون😭💔😂😂🐸،،ونحنا طالعين،،مزن جات وجابت الشاي،،،حمرت ليها وعملتا ليها حركه التور الهايج🐸💔💪،،،،عاينت لي وواصلت مشي،،،طلعنا مشينا البيت،،،في باب الشارع زووبه واقفه🐸💔،،قالت لينا العايزه تخش بخبطه في الضهر اول،،،،علا قالت ليها بس،ياماما ايناس الساقتني😢قالت ليها جبرتك?😒علا قالت ليها لا،،،قالت ليها يلا خشي،طيب😒،،،علا خشت وامي خبطتا طاااخ،،بقت تصرخ وتقول والله اخلي ليك البيت دا واسافر لبابا😭😭😭💔قالت ليها كان السفر بالكلام ساافري كويس😒،،التفت علي وقالت لي يلا خشي،،عشان تاني ماتتأخري كده😒قولته ليها والله يازوبه ماممكن،،امبارح ضربتيني،،خلاص خليني اخش ساي،،كفايه ضرب،،ضهري انتهى💔😭،،،قالت لي خشي قولته ليك😠،،،دخلتاا وادتني ضرربهه حاره خلاص😭💔💔💔،،قولته ليها بكره راجلي يجي ويريحني منكم كلكم💔😭😭😭،،،قالت لي رجله بصااعوط😒قال راجل قال😏،،،،""معليش،على الفاظ الحجهه😭😂🐸💔✋""،،،،
مرت حكايهه اسبوع والجوو كان رهييب عدييل😌❤️❤️❤️❤️❤️،،امي قالت لي قومي امشي الدكان جيبي بن وتعالي،،،قولته لبها بس خالتو ندى مافي ح تشربيها براك? قالت لي لالا جاييني ضييف😍😍😍قولته ليها دا منو كمان،،قالت لي بعد تسوي الجبنهه ح تعرفي،،قولته ليها خيير،،،مشيت لبتاع الدكان شلتا البن وشلتا لي رصيد ولبان🐸💔،،،،،مشيت البيت عملتا الجبنهه بالكانون،،عاد انا ما مره😍🐸💔،،وعملتا معاها بخور،،وفنكووش،،وختيت بلح،،،امي قالت لي قومي استحمي وسرحي تفتك دي،،،قولته ليها غايتو ماعرفتا الضيف دا تبعك ولا تبعي،،قومتا استحميت وسرحتا حمامتيني😌❤️ماتركزوا🐸💔✋،،،وقعدتاا،،بعد شويهه الباب ضرب،،،جريت افتحو التقول وراا الباب دا عمر🙈❤️،،،فتحتوو وكان اشووف ليك الجلابيه زاتا والشنب والاسنان والنخره المابتغباني🐸😭😭😭😭💔💔،،،قولته ليهو انت،،قال لي بصوتو المامفهوم داك،،بت خالتي الميييفتريهه😁قولته ليهو مفتريه😒وليس مييفتريهه☺️،،امي قالت ليهو خش لجوه يا رفاعي،،،خليتو دخل ورفعتا يديني في السماء قولته ياربي ويا الهي،،ابعد هذا المخلوق عن دنيتي،،ولا اقول ليك يا الله،،اقتلو عديل بس وريحني😒💔استغفر الله😂😭💔،،،امي قالت لي بتبربري في شنو تعالي جيبي موويهه،،،مشيت المطبخ جبتا ليهو مويه وكبيت فيها حبه سكر،،ودووبتوو،،،وجبتها ليهو،،قولته ليهو اتفضل😁،،شرب البقهه الاولى،،التانيه ماقدر يبلعا😭😂😭😂😭،،قال لي المويه دي فيها سكر مش كدي،،قولته ليهو لالا ما كدي😒بس عشان انت بتاكل حلويات كتييره😁امي حمرت لي😒 وقالت لرفاعي جيب المويه دي اشوف فيها شنوو😊،،،اها انا اطير وين الليله😭😂😭😂😭
يتبع....
