اليتيمه

البارت 4

#اليتيمه

الكاتبه دلال

ابو حسن دكيت الباب

ام عماد منووو

ابو حسن اني امين فتحي الباب

ام عماد الحكلنه ياخويه واكعين بمصيبه

ابو حسن هذا كله من دلالكم الزايد

زمان تعال خويه تعال

ابو حسن خابرت وشفت شنو مطلبهم

زمان اي يردون مشيه وفصل لو مره لو دم

ابو حسن هذا الخايف منه خلي يكتلو وينعلون والديه

ام عماد لا خويه على بختك اوليدي هذا

ابو حسن اي وليدج كل يوم موكعنه بمصيبه

زمان هسه كلي شنسوي

ابو حسن والله مادري خلي يكتلوني خلي ارتاح من هلمشاكل الماتخلص

ام عماد مو عندك هاي البنيه تماره خلي ننطيه فصليه الهم

حسن عمه شتحجين هاي يتيمه بعدهي اصغيره

ابو حسن اي والله انطي يتيمه فصليه علمود استاذ عماد ياخذ راحته بالمشاكل اكو من يدفع الثمن بداله

مازن اتخاف على غريبه ومتخاف على ولدي

ابو حسن ولدك مو اودم كل يوم عركه كل يوم ضاربيلهم واحد هسه لااطورو صارو يقتلون

مازن لاسويهم كلش موزينين ترا الكل معرض للمشاكل وهم شباب طايشن يعقلون

(عماد ابن مازن عمره 26سنه يشتغل بدرجات يبيع ويشتري بيهن طبيعته مشكلجي الى ابعد الحدود يتعارك وي الرايح وي الراد _ احسان همينه ابن مازن عمره 21يشتغل بمحل ملابس حاير بالبنات والشرب وبكل عركه من عركات عماد يحظر ويضارب بدون مايعرف الحق ويا لوعليه )

حسن هم وينهم هسه عماد واحسان حتى ماشفناهم ولافتهمنه منهم القضيه

ام عماد هسه اصيحلهم

ابوحسن يعني بالبيت ويسمعون صوتي ومايجون يسلمون حتى الاصول ميعرفوها ويكلي طايشين

ام عماد لا خيي والله متندمين وكاعدين بغرفتهم سادين الباب عليهم من البارحه حابسين نفسهم هسه رح اصيحلهم

ابو حسن يمعوووده لاستريلهم اتعلميني بعماد واحسان

ام عماد والله موتوني هلولد عبالك صغار مايستحون من عمهم رحت لدرج رفعت راسي واصيحلهم هم غرفهم فوك عماااااد احساااان عمااااد احسااان وينكم شو تعالو نزلوو