بارت 1 🌸
#قريني_سلب_مني_حريتي
حبيت اكتب هذي القصه هوايه قصص حقيقيه هوايه انعرضت علي لكن انتقيت هذي القصه كون هوايه ميعرفون اكو تصرفات الها اضرار ومؤذيه الهم يارب تستفادون منها بس اصحاب القلوب الضعيفه ياريت ميقرون القصه 🧟♂️
بطلة القصه
ايمان نتعرف على ايمان
هلاو اني ايمان عمري 18سنه مااحب ابد الدراسه حاولت ماما وياي هوايه مفاد هل الشي ابد احب البس واكشخ مااحب كثير الاختلاط بالناس انعزاليه عائلتي 6 3 بنات و3ولد
حالتنه الماديه مو كلش زينه يعني مشين روحنه بابا متوفي وامي واخواني هم الي قايمين بالواجب خواتي 2متزوجات واني ثالثتهم
موصفاتي طولي وسط عيوني زرق وشعري خمري الشقار الغامق وبيضه الى درجه كانت شراييني تبين
بعد مابطلت ظلوهوايه يتقدمولي
بس ماما تطلع حجج ماتقبل
وكانت تكلي دائمآ انتِ تستاهلين الاحسن حتى خواتي ظلو يغارون مني
واني الصراحه افرح من ماما ترفض مااحب ارتبط
علي وحسين ومحمد اخواني
دائمآ بشغل ميكعدون بالبيت ابد
وامي لو واجبات لو بالسوك لو تشتغل
ماما امونه كافي تباعين لروحج يوم والله حلوه وكلها تتمناج
ادري يوم بس اني احس المرايه صديقتي
ميخالف ماما كومي التهي سوي شي
اووووو ماما شتحجي
خلي اسبح واطلع
دخلت اسبح واغني
وحمامي صار 3ساعات بدون مااحس بروحي بين صافنه وبين اغني
طلعت
ها شبيج امونه
شبيه ماما
ولج نسيتج صار شكد من دخلتي
يمكن ساعه عادي
لج ياساعه شوفي هياتها الدنيا مغرب
😳محسيت والله
شوفي ايدج شلون ناكعه ومتجعده
ماما مايصير هجي لازم تطلعين ترحين لخواتج شوفي ناس
مااريد ماما خواتي يغارون مني ادري بنفسي حلوه لهذا يضوجون مني
ولج احجي عدل ذول خواتج ميصير تحجين عنهم كذا
عفت ماما ودخلت امشط
خلي اشغل اغنية مساري
يااااااي شكد احبه هل المطرب
خليت الموسيقى مشتعله واني امشط وداباوع لنفسي وابتسم كأنما اعشق نفسي يوم بعد يوم اكثر اشاهد جمالي يفوق خواتي واهلي اي اني مميزه
لج ماما طفيه وكت اذان
صار كلشي ولاالاذان صح مملتزمه لكن اخاف الله
ماما طلعت اختي عدها ولاده
اني كيفت خليت السماعات واركص
حسيت نفسي تعبت جبت عصير
وشغلت التلفون
ايماااااان ايمااااااان
بلي يوم رجعتي
كومت للمطبخ ماكو استغربت
فريت الغرف ماكو
ماانكر شوي خفت لان صوت ماما واضح وامي ماكو
اووووو من الهدوء ظل يتصورلي
رحت لاغرفتي
وكفت للمرايا اووو شفتي متشققه
خلي اطلع الروش طلعت لونين اجربهم جربت الاول معجبني رجعت للثاني ماكو 😳
شبيه اني اليوم اظاهر لان وحدي
خليت السماعات وظليت ادندن ويه الاغاني
مااشوف الا امي على راسي
😳شبيج يوم خرعتيني
طبعآ اخرعج كافي اغاني وتلفون فلشنه الباب وانتِ ماتدرين بالدنيا اخوج طفر وفتح الباب
شوي دخل اخوي حسين
غلط علي اشكال والوان
واني منصيه راسي وميته قهر
ولج ملينه منج بس تلفون شعندج بيه الا ازوجج واطيح حظج مو حسبالج حلوه راح اتظلين اميره
حسين ماتمالكت اعصابي جريت التلفون وضربته بالحايط واتكسر الى قطع
ليش هجي سويت
علمود مره ثانيه يصير عندج شوي حس مسؤوليه مليت من صفناتج
ايمان متت قهر فلش جهازي لو قاتلني احسن بهواي 😭😭😭😭😭😭😭😭😭😭😭😭😭😭😭😭😭
رحت للفراش ورفضت احجي ويه احد
ظليت على هل الوضع يومين ومااكل بس المي
حسيت نفسي انتهيت
خلي ادخل للحمام احسن
دخلت كالعاده ظليت صافنه ساعه وكمت اتباوع لنفسي بالمرايه الي كبال الحنفيه
اني حلوه وماراح اظل عدهم لازم اتزوج بس اريد انتقم منهم
كان بداخلي نار محد يفهمها
واني دااتباوع واشوف عيوني صارو سود وجحضو 😳
يمه 🤭شنو هذا لفيت نفسي بسرعه وطلعت واني ارجف مااعرف شسوي مااحجي ويه اهلي مااعرف ظل شعري مبلل ولفيت نفسي بطانيات واني ارجف
يمه امونه اسم الله عليج شبيج
لك علي الحك اختك حرارتها عاليه
😢😢😢😢😢
شبيج ايمان حبيتي زعلانه على التلفون اني اجيبه الج
