#الشيخ_والعنودية
البارت الثاني
نور..اي يابه انت كلبك طيب وانت ربيتنه ع الطيبه والكلوب الصافيه
عمر..من جنه صغار احنه ممتشاوفين اني وولد عمي وكبرنه واتربينه واحد بعيد عن الثاني وهاي دنيا يابه كلشي يصير بيهه واني ماعندي غير الله وانت وولد عمي
ابونور..😕الله كريم يصير خير انشالله
اتعشينه وسهرة حلوة وبعدين وقتت جهازي ع الساعه ب6 حتى ما اتاخر ع الدوام مثل اليوم وشفت رساله من رقم غريب
مرحبا نور اني مهند اترجاج انطيني فرصه حرام عليج هيج شالعه كلبي شتطلبين اني حاضر صدكيني احبج وماعندي نيه سوء وياج فدوة اروحلج اريد منج بس كلمة اي موافقه ماريد اكثر
طبعا اعرفكم بمهند هذا وياي نفس الكليه بس قسم ثاني ومخبلني واني ماطيقه لان ابو بنات ومسوي روحه قافل عليه ع اساس من شافني تاب وترك كلشي وحبني واني ممصدكه بي لان ابو طبع ميبدل طبعه حذفت الرساله وحضرته ونمت
كعدت الصبح غسلت بدلت واكلت شويه ويه امي وطلعت
فهد..كعدت واني نفسيتي مرتاحه وببالي اروح للكليه مالتهه واستفسر عنهه عسى وعلى تصير من نصيبي وافرح الوالده بزواجي جهزت نفسي وطلعت
ام فهد.. ها يمه شو متريكت
فهد..مستعجل يمه
وصلت الكليه وضليت منتضرهه بباب الكليه ولكفتني هدى واكف واجتي عليه هيج تباوعلي😈 اني مكدرت اضم عليهه اكثر وقررت اخليهه تساعدني واتفقت وياها بخلال الدوام هي هم تراقبهه الي وتتقرب منهه اجتي هي شفتهه مشيتهه وملامحهه مو غريبه عليه حسيت نفسي اعرفهه من زمان بس اتجاهلت احساسي اجيت داتقرب منهه واتصل عليه ابويه
ابو فهد..ها يابه انت وين
فهد..هلا يابه بالطريق جاي عليك
ابو فهد..لا لتجي اريدك تروح ع رافد ابن عمك محتاج واحد ويا يكمل ترتيبات العرس خطيه
فهد..صار يابه هسه اروحلهم.سديته ورحت للسيارة وطلعت ع بيت عمي واتصلت ب رافد
رافد..هلا ابن عمي شلونك
فهد..هلا بالغالي شنو تتزوج ومتخابرني اجيك هاي وحده وياك متريدني اوكفلك بيوم عرسك حتى ما ازعجك بعرسي واتعبك مو
رافد.. هههه لا والله بس اعرفك عندك دوام وملتهي ومحبيت احرجك وياي
فهد..لا شلون ابن عمي كولشي لخاطرك يتأجل غير عريس وحقك تدلل علينه
رافد..فدوة لكلبك متقصر يوم انشالله نفرح بيك
فهد..تسلم حبيبي يله وصلتكم راح اسده مع السلامه
رافد ..هلا بيك اوك
فهد..وصلت وسلمت على بيت عمي وشافتني طيبة بنت عمي وكالعاده تلمحلي وتضيفني وتتشيك كبالي هي صح حلوة بس اني احسهه خبيثه مارتاحلهه ابد رغم امهه وابوهه خوش ناس طيبين بس هي غثيثه ولا تعجبني رغم تحبني وتتمنه اصير الهه طلعنه اني ورافد ورحنه نشتري القاط ونحجز لوازم العرس بيت عمي حديقتهم جبيرة واحنه ذبتنه ذبت عشاير نحب نسوي اعراسنه ببيوتنه ونذبح ذبايح وعشه وجوبي عادات وتقاليد العراقيين
نور..كاعده بالمكتبة احل كم سؤال عندي واجه مهند عليه
مهند..اعرفكم بنفسي زميل نور بالكليه طولي 170 واسمر وعيوني زيتوني شعري اسود وجسمي حلو ماكو بنيه ترفضني بس نور شلعت كلبي واني اموت ع هيج مواصفات عنيده وراس يابس واذا حصلتهه معناها ربحان
نور..خير مهند شتريد
مهند..البارحه دزيتلج رساله ليش حضرتيني ليش مجاوبتي
نور..موجديد عليك جوابي الف مرة كتلك لتعب روحك ومراح اوافق لا هسه ولا بعدين
مهند..ليش شنو العايزني حالتي الماديه زينه وخلقتي متتعيب ع شنو رافضتني
نور..كلمن وتفكيرة اني ماحب ارتبط هسه عندي طموح
مهند..واني ما اغصبج ع شي خليهه بس خطوبه وابقي براحتج وكت ما تقررين نتزوج
نور..اسفه ماريد وعن اذنك هسه عندي محاضرة .كمت طلعت من المكتبه داروح للمحاضرة واجتي عليه بنيه بيضه حلوة
هدى..وصاني فهد اتقرب منهه لذلك رحت ع شعبتهه ملكيتهه سألت كالوا احتمال بالمكتبه رحت عليهه لكيتهه كالعاده هيج مسويه😠وتمشي اني ابتسمت الهه وسلمت عليهه مرحبا
نور..مراحب😕
هدى.. بلا زحمه عندي كم سؤال بهاي الماده مدالكه حل الهن وانتي متفوقه بيهه ممكن تساعديني
نور..اهاا ااي ادللي ماشي بس هسه عندي محاضرة راح تبدي اتفضلي هاي الملزمه مالتي تلكين الحلول بيهه ادرسيهه واني انشالله يوم الاحد افهمج عليهن بس اتمنى تحافضين عليهه ومتنسيهه بالبيت الاحد تجيبيهه الي
هدى..اووك كلبي اشكرج واكيد انشالله يوم الاحد اجيبهه الج ادللي واسفه نسيت اعرفج بنفسي اني هدى غالب علي بشعبه الف
نور..اسمج هدى غالب علي😯
هدى..اي ليش😕
نور..لا هيج ولا شي اتأخرت اني اتفضلي الملزمه مع السلامه ماوصيج بعد عليهه😊
هدى..يسلمو لا لتوصين حريص .اخذت الملزمه منهه وخليتهه ويه الملازم ورحت للشعبه مالتي وكملنه محاضرات ورجعت للبيت اتغدينه ومتحمسه اكمل غده حتى اسولف ل فهد عليهه
ابوفهد..رعد يابه انت وحسام اريدكم تغسلولي السيارة وتفولوهه بانزين باجر العرس مال ابن عمكم
رعد وحسام..صار يابه
فهد..لو تشوفون رافد شلون متحمس ومرتبك وميعرف شنو يشتري وشنو يحجز وشنو يحضر نقذته من رحت ويا ...يتبع
