Nagsimula ang lahat sa isang anghel ng langit na itinakwil ng Diyos, dahil sa sinuway niya ang ipinagbabawal na pag-ibig sa pagitan ng langit at lupa. Ang pangalan ng anghel na ito ay si Gerald, siya ang pinuno ng mga anghel sa kalangitan na umibig sa isang mortal na si Merlyn. Ang kanilang pagmamahalan ay nagbunga ng isang supling na pinangalanan nilang Jake, isang kalahating tao at kalahating anghel. Binasbasan ni Gerald ang kanyang anak
Gerald: Ang aking Lakas, ang aking katatagan, at ang aking talino ay mapapasaiyo.
Makalipas ang ilang araw, bumaba ang Diyos mula sa kalangitan at sinabi sa mag-asawa,
Diyos: Ang inyong anak ay magkakaroon ng busilak na puso at pagmamahal sa kanyang kapwa, ngunit magaganap ang isang propisiya at sya ay mamamatay sa kamay ng isang babaeng kanyang iibigin. Labis ang pangangamba ni Gerald sa sinabi ng Diyos at ang propisiya na magaganap sa kanyang anak.
Sinasabi sa propisiya na ang batang isisilang na may dugong kalahating anghel at kalahating tao, ang tatapos sa kampon ni Aros ang anghel ng kadiliman. Nang malaman ni Aros na isinilang na ang bata, agad siyang nagtungo sa bahay ng mag-asawa kasama ang kanyang mga hukbo. Madilim ang kalangitan na tila nababalot ng mga maiitim na ulap at sinabayan pa ng malakas na ulan. Alam ni Gerald na darating si Aros kasama ang kanyang hukbo, kaya humingi sya ng tulong sa kanyang mga kaibigang anghel upang protektahan ang kanyang mag-ina. Iniwan ni Gerald ang kanyang mag-ina at ibinilin sa kanyang asawa na pangalagaang mabuti si Jake, sinalubong ng mga anghel ang mga hukbo ni Aros at sila ay nakipaglaban sa mga ito, natira sina Gerald at Aros na naglalaban hanggang kamatayan. Namatay ang magiting na mandirigmang anghel na si Gerald, habang ang kanyang asawa ay tumatakbo palayo mula sa mga anghel ng kadiliman.
Nakatakas si Merlyn at ang kanyang anak mula sa kapahamakan. Matapos iyon, nagsimula ang mag-ina ng panibagong buhay at inalagaan ang batang magliligtas sa sangkatauhan laban sa kasamaan.
YOU ARE READING
Angel Heart - The Forbidden Love
RomanceIto ay tungkol sa isang half-human at half-angel na may angking kapangyarihan upang sugpuin ang kasamaan na dulot ni Aros ang anghel ng kadiliman. Makikita din natin ang kwento ng kanyang pag-ibig sa isang babaeng kukumpleto sa kanyang buhay.
