فى احد القرى البسيطة من قرى مصر
وفى بيت بسيط دافئ يملؤه الحب
عائلة بسيطة مكونة من الام سماح و الاب سعيد و ابنهما (كريم) و اميرتهم المدللة (كريمة)
لم تشغلهم يوما مشقات الحياة لم يأبه اياً منهم يوما الى المستوى الاجتماعى او الى مال و جاه
تبدأ الاحداث فى هذا البيت و يوم مشؤوم يتبعه الكثير
_____________________
تتحدث الأم و يبدو على ملامحها السعادة المفرطة
سماح: بجد ي ابو كريم هنطلع اسكندرية السنة دى
سعيد : اهدى بس يا سماح خليها مفاجئة للعيال
و هكلم كمان اختك سحر و جوزها و عيالها و نقابلهم هناك
تبدلت ملامح سماح و اضطربت
سماح: وايه لازمته بقا يا سعيد
سعيد : سماح مش هتقاطعيها طول العمر دى اختك من لحمك و دمك
سماح : اه اختى ال اتبرت منى و استعرت منك و قالت ان مستوانا ميسمحش نبقا اخوات
سعيد : واهى رجعت ف كلامها و عايزة ترجع المياه لمجاريها
سماح : لا مجارى ولا صرف صحى مش عايزة اشوفها يا سعيد
سعيد : خلاص خلاص مش هنشوفها مش هكلمها اصلا يستى
سماح : ايوة كدة ناس متجيش غير ب العين الحمرا
سعيد : سماااح
سماح : سعيييد
و أخذ الاثنان يواصلان الضحك حتى اتى الطفلان (التوأمان بعمر العاشرة)
و أخبرهما والدهما بالاستعداد للخروج
و خرجت الاسرة سعيدة ضاحكة و انكلقو بسيارتهم البسيطة فى طريقهم الى الهلاك
..........................................
سماح: سعيد براحة بالله عليك حاسب العربية النقل دى سعييييييد
خبط سعيد ف النقل ال كان ماشي عكس الاتجاه و طارت عربية سعيد ف الهوا و وقعت ميت حتة ف الارض و فجأة الاخبار بتصور و الاسعاف وصلت
و خدت العيلة كلها ع المستشفى
______________________
سحر : يلااااااهواااااى اختى يانا ياما
سالم (جوزها) : ايه ي سحر فى ايه
عمر(ابنها ١٥ سنة) : خير يا ماما فى ايه
سحر : الحقنى يا سالم العربية اتقلبت ب سماح و سعيد والعيال ع الصحراوى و كلهم ف المستشفى
سالم : لا حول و لا قوة الا بالله قل لن يصيبنا الا ما كتب الله لنا
قومى طيب اهدى وتعالى نروح نشوفهم
سحر : حاضر * واخذت تبكى بكاء مرير*
_____________________
دخلو المستشفى
وسحر دخلت بسرعة ع الاستقبال
سحر: لو سمحتى معلش الاسرة ال لسة جاية ال اتقلبت ع الصحراوى فين
الموظفة : ف الانعاش ف الدور الرابع يا فندم
سحر : انعاش يلاهوى يلاهوى هما كويسين
الموظفة : معرفش والله يفندم تقدرى تطلعى و تسألى
طلعت سحر بسرعة ووراها سالم و عمر
اللى مش عارف هى ليه مامته بتعمل كدة و هى قبل كدة اتبرت من اختها بس ماشي مع امه
وصلو الدور الرابع و سحر منهارة
وخرج الدكتور من الانعاش و سالم جرى عليه
سالم : طمنى يا دكتور العيلة ال هما ٤ افراد هما ال جوة صح
الدكتور : تقربلهم ايه
سالم : انا زوج اخت المدام ال جوة
الدكتور : شد حيلك بصراحة الطفلين قدرنا ننقذهم على اخر لحظة و هما دلوقتى ف العناية المركزة
انما الاب و الام نزفو كتير و مقدرناش نلحقهم
البقية ف حياتكم
سحر مستحملتش الصدمة و اغم عليها ونقلوها على اوضة بسرعة وادوها مهدئ و علقولها محلول
و سالم قعد يقرأ قرآن و عمر مهموش اى حاجةو نام
......................................
عدا يوم و اتنين و عشرة ولسة الاطفال مفاقوش
سحر : سالم شوف بالله عليك الدكتور لو ينفع يسافرو برة او فى اى مستشفى احسن ننقلهم فيها
سالم:سالته والله و قالى هما ف غيبوبة يعنى اى مستشفى مش هتفرق
سحر : اه ي حبايبى ااه
الدكتور خرج فجأة : الطفلين فاقو و هننقلهم اوضة عادية
سالم: الحمدلله
بعد ما نقلو الطفلين ف اوضة عادية دخلت سحر و سالم و عمر الاوضة
كريم: احنا فين و انتو مين
سحر : حمدالله على سلامتك يا حبيب خالتك انتو ف المستطشفى
كريمة : خالتك انتى خالتو سحر
سحر : اه يا حبيبتى انا حمدالله على سلامتك
كريمة : الله يسلمك
كريم : اومال بابا و ماما فين
سالم : بابا و ماما جالهم شغل ضرورى و اضطرو يسافرو
كريمة : و سابونا هنا ف المستشفى
سحر: هما قالو يروحو يجييولكو هدية بقا
كريم : مش عارف ليه مش مصدقكو و ليه مش فاكر اى حاجة
سالم : انتو كنتو بتلعبو و اتخبطو طامد ف تلاقى بس الخبطة اثرت عليكو
عمر : ممكن نروح بقا انا زهقت من جو المستشفى دة
سالم : عمر احترم نفسك
عمر : م انا قاعد ساكت بقالى ساعة اهو خلصونا بقا انا زهقت
سحر : عمر انزل السواق تحت خليه يروحك انا مش همشى من هنا منغير ولاد اختى
عمر : يكون احسن
ونزل
سحر : معلش يا ولاد هو بس اتعصب شوية انما هو طيب والله
كريم : لا عادى يا خالتو بس احنا هنخرج من هنا امتا حاسس ان جسمى وجعنى من القعدة
سحر : حالا يا حبييب خالتك كل اللى انت عايزه حالا
كريمة : ربنا يخليكى لينا يا خالتو
سحر : و يخليكو ليا يا ولاد
..........................................
مضا سالم على استمارة الخروج و نزلو و ركبو عربية سالم و وصلوا الڤيلا
كريم : الله يا خالتو احنا هنقعد هنا
سحر : اه يا حبيب خالتك عجبتكو
كريمة : حلوة اوى
دخلو الڤيلا و ندهت سحر على الخدم اللى فى الڤيلا و نبهت عليهم ان اى حد يسال على سعيد و سماح يقولو انهم مسافرين ومحدش يجيب سيرة قدام الولاد عن وفاتهم
سحر: استنى يا دادة
منيرة: نعم يا هانم
سحر : خدى كريمة هتقعد فى الاوضة الاولى اللى جنب السلم و كريم فى الاوضة اللى جنب اوضة عمر
منيرة : من عينى حاضر
سحر : تسلميلى يا منيرة ، يلا يا ولاد اطلعو مع دادة منيرة هتشوفو الاوض بتاعتكو
كريم : حاضر يا خالتو
وطلع الولاد و نام الكل من التعب
و مستنيهم بكرة حاجاات كتييير
__________
رأيكو ف اول بارت
تفتكرو كريم و كريمة هيتأقلموا مع الوضع الجديد
و شخصية عمر هتبقا عاملة ازاااى
ڤوت كتير بقا
