تزوجتها طفلةة 💗🐼
البارت 33
مهند : امي نبي نقلك حاجه 😅" وحك راسه "
سالمه فهمت طول : قول
مهند : نبيك تخطبيلي اخت مالك رحيل لصغيرة
سالمه : بنخطبلك نهاد بنت خالتك سعيده
مهند : تي وربي ماني واخد غير رحيل
محمود "خوه" : امي ماتتضلميشي زي مضلمتي بنتك 💔 هوينا مطلقة ف جرايرك
سالمة : اني قلت خلاص
مهند : سامحيني فيها يمه لكن اعلى مافي خيلك اركبيه وخدي مفاتيحه وتيلفونه وطلع
محمود : هه متفكريش اديرلي زيه وركب داره
" أساور اخته عمرها 26 كان تبي واكد لكن امهاا خلتها تاخد ولد خالتها سكرت سنه واطلقت وعندها ولد اسمه مراد "
وعنده اخته اسمها يقين عمرها 23 مخطوبة
ومحمود عمرا 28 توأم مهند 😃
وخوه الكبير سالم متزوج عنرا 32 عنده زوز ولاد وبنت
-------------------
مايا : حبيبي
اني : عيونه
مايا : نبي نبي 😅
اني : شن تبي 😒
مايا : اففف يا ربي اعطيني فلوس نشري بروحي
اني فمهتها : تي تتحشمي مني لينا 6 سنين مع بعض وقعده زي ماانتي تشري بروحك
مايا غضت عيونها : مالك خلاص
اني حضنتها : ههههه خلاص 💗
-------------------
معتز : حبيبي بتجي مايا وصغارها
ارين : اهلا وسهلا بيها 💙
معتز قعمز جنبها وخذي عبادي " عبد المهيمن ولده عمرا سنه " : ياروح بوك انت وبعد يلعب فيه
ارين : شن تبي الغدي
معتز : ديري خفيف
ارين ناضت : انشاء الله خليه بحداك بكري لقيته ف الحمام
معتز ضحك : هنههه وليدي مرة تانيه للكوجينه
ارين : بارد هههههه 😂 ومشت اطيب ف الغذي
------------------
عبدو : شيمو هيا تعالي تغدي
شيماء : هي جايه نجيب المشروب
عبدو : هي
شيماء جت وقعمزو ع الطاولة يتغدو
شيماء : اختي سارة حامل 💔
عبدو : مبروك عليها
شيماء تلعب بالكشيك ومتاكلش
عبدو : حبي علاش متاكليش
شيماء : يانبضي ناكل 👦
عبدو شد ايديها : حبيبي عارفك مضايقة من موضوع الصغار مهما كان هادي الحاجه بإرادت ربي شوفتي اني عيانت وانتي عيانتي ومافينا شيء تو ربي يرزقنا
شيماء : انشاء الله بس رفعت الصدقة اليوم
عبدو : اكيد
شيماء : حبيبي خاطري نمشي للعمره
عبدو : حاضر بس الشهر هدا شغل وبأذن الله نمشو
شيماء : نحبببك 😻😻
عبدو : احمم كولي خير
شيماء : هههه وهو ناكل
----------------------
الياس : تي نبي نشوفك
يمامه : غر اغبى
الياس : نجيك للتانوية باه
يمامه : ريح روحك عندي ابراج مراقبة 🌚💔
الياس : اززح تعالي لرحيل وباتي غيري جوك
يمامه : فكره صح ح نقول لبابا
الياس : ومنها نشوفك
يمامه : يابارد زلبحتني
الياس : ههههه صقع عليك
يمامه : حبيبي 🙈
الياس : عيون حبيبك 💚
يمامه : نحبك اوعدني متسيبنيش نموت من غيرك اني
الياس : في حد يقدر يعيش من غير ميه يانبضي
يمامه : لا
الياس : خلاص هدا حالي من غيرك 💔
يمامه : حبيبي انت هي باي نمشي نكلم بابا
الياس : سلام وسكرو
-------------------
رحيل كانت تتصل بمهند وميردش عليها بعتلله رسالة وانشغلت عليه قعدت تبكي ومسكره ع روحها الدار
______________
اني ك : تي هيا بنمشو لحوشنا
مايا : اصبر نلبس وشاحي
اني : ساريي
مايا : تي بالشوية ودني
اني : تيتعالا
ساري جي : ها
اني : قول نعم ياحمار
ساري : نعم يحمار
اني ومايا نطربقو ضحك
اني : اطلع قدامي يافرخ 😂😂😂😂
وطلعنا ركبنا السيارة ومشينا لحوشنا لقينا اياس مقعمز ع فونه ف الصالة وامي تتفرج وبوي يقرا ف القرآن
اني&ومايا : السلام عليكم
كلهم : وعليكم السلام
بوي سكر المصحف : نورتو
اني&مايا :بنورك
ساري مشي يجري ل الياس : ويسوو حبيي 😻
اني : تحشم
ساري : هيا نطلعو نمشو لقهوه الحاج فتحي
اني : من تعرفها
ساري : ماه ويسو يرفعني ليها
مايا : بضيعه الفرح ياويسو 😂
الياس : هههههه خبرتي 😂💔 هيا نمشو
مايا : رد بالك منه
الياس : متوصيش وطلعو
امي : ميكبرش الفرخ اهوا
اني : خليه ، وين رحيل
امي : ف دارها من الصبح
اني : ااه اهو طالع للولاد شويه
كلهم : ف امان الله
اني طلعت
قعمزت مايا بحدا امي وبوي وقعدو يهدرز لن جت شيماء وامامه
سلمو وقعمزو وبوي طلع للمربوعه
امي : شن ياشيماء مش ناوية تحملي بنزوجه وليدي
شيماء : هادي حاجه بيد الله ياعمتي 💔
امامه : ياعمتي الزوز مفيهم شيء مسألة وقت بس
امي : نبي نشوف ولاد عبدو اني
شيماء ساكته كلمه لا
مايا : حرام عليك يعمتي
امي : ضمي فمك انتي ولدي قريب يهبل ف جرتك
مايا سكتت مبتش ترد عليها
امي : نوضي انتي التانيه ديريلي فنجان قهوه
امامه : اني
امي : لا الحيط يلب وراك
امامه ناضت دارت قهوه ورمتها قدامها وركبت لشقتها وشيماء حتى هيا ومايا خدت نور وماري وخشت للجناح
_____________________
الياس ف القهوه
جهاد " صاحبه راس " : منهوا هدا
الياس : هدا ساري ولد مالك
ساري : نبي ربيوش ياويسو
الياس : ازفت مش خديت توا
ساري : نبي واحد تاني
الياس : هاك فلوس وبرا خود فوتني
ساري : شكرا يابليد 🐊جهاد يضحك : هكي نبيك ياساري 😂😂😂
ساري : متوصيش 😂
الياس : لسانه ملوي ع رقبته
ساري مشي بياخدتاااابع👇👇
ساري مشي بياخد بريوش وقف ع الكاصه وعله رجليه طبهاً كان طويل شوية
ساري : عمي نبي ربيوش
الولد ويلي معاه : شنوو 😂😂
ساري : علاش تضحكو
الولد 1 : شن هدا ربيوش
ساري : ياغبي تعرفش الربيوش
الولد 2 : قول بريوش نعطيهولك بالبلاش
ساري : هيا اعطيني جعان
الولد 1 : اسمه بريوش
ساري : يابني ادم اعطيني واحد
الولد 1 : هههههه تي راك اضحك ياولد
ساري : باه وكان
الولد 2 : الجبهه راحت فين 😂😂😂
جي الياس : يافرخ خيرك عطلت
ساري :اه ما يبوش يعطوني ربيوش
الولد 1 : ههههه خوك
الياس : ولد خوي
ساري : نبي ربيوش
الياس : قول نبي بريوش ياحمار
ساري شبح للولد 1 : نبي بريوش يحمار
ويطربقو الولاد الزوز والياس ضحك : ههههههههههه
الولد 1 : لما تاخده ببلاش وبالنوتيلا
ساري : باه هيا جعان
الولد قعد يعبيله فيه ومدهوله
ساري : باه اللي مديته قريب قتلنب الشر
الولد : يعطيك الهني 😂😂
الياس : قدامي يابلي
ساري : اسكت انت
الولد : ربي يحفظه
الياس : ويحفظك
والياس مشي كلم صاحبه وطلعو
___________
عند رحيل اتصلت بمهند رد عليها
رحيل : ياماني وينك هكي ساعه نتصل بيك متردش
مهند ...... : يارحيل ........
رحيل :....... لا .........
يتبع.......
رايكم فيها❤
