#الشيخ_فهد_والعنوديه__
قصه كااامله وجريئه🔞🔞
بقلمي الكاتبة_أم وسام
البارت الاول
السلام عليكم اعرفكم بنفسي اني الشيخ فهد مواليدي 87 طولي 180 ابيض عيوني رصاصي لحيتي خفيفه وجسمي معضل لان واهسي باللياقه البدنيه والدي شيخ واني مثل شخصيه ابويه طبعا والدي يشتغل بشركه مال نفط واني هم اتخرجت واشتغل ويا عندي اخوان اثنين اصغر مني رعد مواليد89 وحسام مواليد90 واخت وحدة اسمهه هدى مواليد 94 بزر الكعده مال البيت وتدلل علينه طالبه كليه قصتي تبدي منا ......
فهد..صباح الخير يمه وبستهه من راسهه
ام فهد.. صباح الخيرات حبيبي يله تعال اتريك وياي
فهد.. شو كاعده وحدج اليوم ع الريوك
ابو فهد.. لا هياتني اجيتكم راح اتريك وياكم
فهد.. هلا شيخ صباح الخير
ابو فهد.. صباح الخيرات ابني .اريدك اليوم تشد حيلك عدنه شغل هواي
فهد..اي شيخ تدلل
هدى..فهد فدوة اروحلك اتاخرت ع الدوام وصلني عليك الله
فهد..خلي رعد يوصلج اني اريد اروح للشركه عدنه شغل هواي
ابو فهد..لا يابه كوم اتوكل وصلهه واني راح اسبقك للدوام بس لتتأخر
فهد.. امري لله هاهيه صار امشي ست هدى اتفضلي
هدى..☺☺
فهد..وصلت هدى للكليه وشفت مجموعه شباب محبيت اختي تدخل وحدهه نزلت وياها حتى ادخلهه وبالصدفه شفت بنيه سبحان الخالق الوجه مدور والعيون لونهن اصفر حنطاويه والطول الحلو والشفه عاليه ولابسه فستان طويل وتمشي سريع مستعجله وعثرت بالمشي وانضربت بشاب واعتذرت منه ومشت
اعرفكم بنفسي اني نور مواليد 94 حنطاويه وطولي 160 وزني 60 يعني شويه مربربه ههههه حلووة وشعري طويل لونه خشبي يعني ممزوج بين البني والاشقر بس محجبه الي يميزني هي شخصيتي ثكيله وماحب اختلط بشباب لان طموحي هو اكون شخصيه مهمه بالمجتمع مو مجرد بنيه عاديه سهله المنال عند اي شاب ينعجب بيهه
طبعا يوميه اني اكعد من وكت بس اليوم متأخرة بسبب المواد العندي هواي وسهرت اقراهن وصلت للدوام متاخرة وانضربت بشاب كولش فشلت اول مرة تصير وياي هيج سالفه طبعا نسيت احجيلكم عن عائلتي عندي خوات اثنين نرجس ونادين نرجس اكبر مني ومتزوجه وعدهه جهال اثنين ونادين اصغر مني مرحله سادس اعدادي ووالدي موظف بدائرة حكوميه ووالدتي خريجه بس ممتعينه حبت تهتم بينه وتكرس وقتهه النه واخويه عمر مهندس مواليد 87 نريد نخطبله ونفرح بي بس هو منتضر يلكه البنيه التعجبه
نرجع نكمل....
فهد ..من شفتهه صح عجبني جمالهه بس اني بيه طبع شخصية البنيه تجذبني اكثر من ملامحهه يعني لان شخصيتي قويه احب زوجتي تكون مثل شخصيتي وتكون الهه هيبه بين النسوان ماحب الفقيرة الفطيرة وصلت هدى ورحت للشركه التهينه ويه المهندسين والانتاج وانتهة الشغل ورجعنه للبيت اتغدينه كولنه سوة
ابو فهد..ام فهد اريدج تحضرين نفسج اخويه ابو رافد راح يزوج ابنه وعزمنه اني ووياج والولد وهدى
ام فهد.. ااي بالخير عليهم والتمام وانشالله يوم ل فهد وافرح بي
فهد..بس الكه البنيه التعجبني وبيج خير وادللي 😊
هدى.. والله يمكن لكاها يا يمه😉
فهد..😕 شنو ست هدى منو هاي الكيتهه ومادري
ام فهد..يا يوم المنى صدك اشوفه عريس
هدى..اليوم توصيلتي بيهه صالح وكعت عينه ع بنيه من القسم مالتنه بس ولا احبهه ولا تنجرع شايفه روحهه عبالك بس هي مخلوقه من تمشي هيج😠 الحواجب ولا ينفتحن
فهد..وانتي شعرفج اني عجبتني شنو ضحكتلهه ضحكتلي😒
هدى.. حبيبي صفنتك عليهه كولش كافي اني دخلت وانت اصلا ممنتبه عليه من وصلت للقسم مالتي رحت بعالم ثاني😂😂
ابو فهد..😏 ها بويه هاي عود انت الثكيل
فهد..يابه قاطعه حسام
حسام.. الف مبروك اخويه مقدما 😂😂
ام فهد..كافي خجلتوا الرجال عوفوا معليك بيهم يمه اني راح ادعيلك تصير من نصيبك
فهد..كلشي قسمه ونصيب الله كريم
رعد..احم احم واني محد يدعيلي بالزواج شنو تريديني اعنس
العائله..ههههههههههههه
فهد.. صعدت لغرفتي واني افكر بكلام هدى من كالت متنجرع وعاكده حواجبهه تقريبا جذبني كلامهه لان اني احب هيج طبع وانوب حلوة يعني كامل مواصفات البنيه البالي بس منو يكول كلبهه خالي معقوله محد من ولد عمهه رايدهه معقوله كرابتهه يعوفوهه تطلع لغريب يله فهد شبيك لتفكر هواي انت مو من طبعك تهيم بسرعه الكاتبه ربك يصير قررت استفسر عنهه اكثر نمت الضهريه
نور.. رجعت للبيت اتغدينه وكالعاده صعدت لغرفتي انام شويه الضهريه حتى اكعد العصريه ادرس نمت وكعدت درست واكلت عصريه ويه امي وخواتي وحضرنه العشه واجه ابويه وصبينه دنتعشه
ابو نور..ابو حسين اخويه اليوم اتصل بيه وكال ابو رافد راح يزوج ابنه ويريد يعزمك حتى يصير صلح بيناتكم يكول كافي الزعل صارله سنين ومتسوة واتراضوا ومن يتصل بيك لترده خايب
ام نور..اي ابو نور صدك متسوة زعل كافي الصار انسوا بعد وانتوا اخوان واتصالحوا والفلوس راحت واجتي بيدك والله نعم علينه واتوضفت ورزقنه عوضك بس اخوانك اذا راحوا متكدر ترجعهم بعد..
..يتبع
التكمله تنزل بالتعليقات
بعد تفاعلكم
