رواية عيون تحمل الغرق ل (ريم الحجر )

الجزء الثامن

(( الجزء السابع عشر ))

من الصباح الباكر قامت هيفاء وهي متصالحه مع نفسها نوعا ما ,,, وشافت انها لازم تقوم بواجبها تجاه عايلتها باللي تشوف انه في مقدرتها ,,, 
اما فهد فأمره محسوم ,, راح تعامله بنفس طريقته ,, هذا اللي عندها حاليا ,, 
قامت وشافت نفسها في المرايه وما حبته ابد مع انه ما فيه الا العافيه بس قررت شي ,,لبست تنوره بلون الكاكي وبلوزه افتح بدرجه ,,, 
وماحطت مكياج ابدا ,, رفعت شعرها بس ,, وخذت عبايتها ونزلت تحت بعد ما قالت لخديجه انها تقول لجدتها انها بتطلع عندها شغل وما راح تتأخر ,,, 
كلمت لمياء وسألتها اذا تقدر تروح معها ,,,لمياء اللي ما قدرت تقوم من سريرها ,, طلبت منها انها تأجل الطلعه للعصر بس هيفاء قالت لها بفكر كملي نومك يالدبه ,,, 
نزلت هيفاء وخذت مع شغاله وطلعت للسوق ,,, دورت مفرش فخم لعمتها وحصلت شي يعجبها جدا وخذته بدون تدد ,,,طلعت لمحل العطور وخذت لها هي وريما ولمياء كم عطر ,,, تحب انها تشتري لهم اذا طلعت لو شي رمزي بس تذكرهم بشي ,,, 
بعدين كلمت الكوافيره وقالت لها انها بالطريق ,,, 
دخلت المشغل وهي شوي متفائله انها راح تغير في شكلها شوي ,,, 
ما حبت تقص شعرها بس حاولت المزينه انها تدرج لها خفيف وتتركه لطوله لنص الظهر وبسبب كثافته عطاها التدريج شكل جناااان ,,, 
قصت الغره اكثر مدرجه بس بشكل روووعه ,,, سوت لها كم شغلة عناية عندهم وحست انها فريش تمام ,,, 
طلعت من الكوافير على القصر ,,وهي في الطريق ,, طرى عليها تروح المكتبة من زماااان عنها ,,, 
غيرت طريقها وقالت للسواق يتوجه للمكتبة المفضلة لها ,,, 
ولما دخلت شافت الأشياء المفضلة لها وقعدت تدور بينها ما تحس انه ملائم لها ,,, 
شافت ضالتها في كذا كتاب وعجبها كتاب جديد عن ادارة الأعمال مترجم للغة العربيه وحاصل على اكثر الكتب مبيعا ,,, فخذته لفهد ,,, 
ترددت اول الأمر بس تالي قررت تعطيه اياه ,,, 
اول ما رجعت للقصر خذت الشغاله الأغراض لغرفتها وهي طلعت لجدتها اللي قاعده تشوف التلفزيون ,,, 
ام طلال : حيا الله غزالتنا وين رحتي ,, 
هيفاء : ابد حبيت استغل الوقت فطلعت للسوق اخذ بعض المشتريات ,,, لا يكون تأخرت عليك 
ام طلال : ابد سلامتك ماعلي خلاف ,, وش رايك عندي لك اقتراح,, 
هيفاء : انتي تأمرين وش عندك :: 
ام طلال : تكلمين امك لطيفه تجي عندنا وتطلع معنا المزرعه ,,, هناك مابه غثاء ولا زحمة عالم وبيزين لها الجوو ,,ودي توسع صدرها عندنا ونتونس بها ,, 
هيفاء : الله فكررره يمه خلاص بدق عليها بس انتي متى تبين تروحين ,, 
ام طلال : اللي يريحكم اذا بتروح معنا ,, خلاص من تجي نروح على طول ,,, 
هيفاء : خلاص بدق عليها وبشوف ... طلعت هيفاء من عند امها لغرفتها تبي تريح وتصلي وتكلم امها ,,, 
اول ما دخلت الغرفة حست ان فيه حد دخلها عقبها ,, بس ما لفت انتباهها شي اول ما وقفت عند التسريحه ,, شافت ظرف ,, 
تفاجأت منه بس توكلت على الله وفتحته ,,, 
حصلت بطاقة بنك وجواز سفر ومبلغ مسحوب مو بسيط ,, ومعاها ورقه :: 
(( هاذي بطاقتك حقت البنك ورقمها ****وجواز سفر ومبلغ للاستعمال الشخصي ,, واسف على التأخير ,,, 
تذكرت ان فهد اول ما وصلوا بلغهم انه يبي صور لها هي ولمياء عشان اوراق لهم بس نست الأمر تماما ,,, 
فتحت كيس الكتب ,,ومادرت وش تسوي بكتاب فهد هل تعطيه اياه ,, والا تحطه بمكان في غرفته وقعدت فتره تفكر وبعدين خذت لها قلم وفتحت اول صفحه ,,وكتبت 
فهد (( كتاب نال استحساني واحببت ان اهديك طبعة منه ,,))
هيفاء 
تاريخ 28,, 11, .....