أردت الانتقام ولكن ..🔞 (البارت_الاول)
مرحبا انـّ'ℳέ'ـّيٌ رهف عمري 22 سنه
طالبة كلية اداب..( انكلش ) مرحله ثالثه من سكنة منطقة المنصور.. راح تكولون فايخه 👀🙊 لا يعم منين ابويه موضف بسيط بدائره امنيه
بس احنه من زماااان من اب وجد هنا عايشين عائلتي متكونه من بابا وماما واني واختي الاصغر مني ايلاف صف رابع ابتدائي
ما عندي اخوان گوه صرنا احنا لماما وبابا بالعلاج وسنين يله صرت اني… وبعد سنوات طويله يله صارت اختي واهلي راضين بقسمة رب العالمين
وتوقفو عن الانجاب بعد.. فأني مدلله عند اهلي بأعتباري الكبيره طلباتي مستجابه على الحد المحدود ابويه فري ميحجي ابد
بس ماما تحاسب ..لتعلين صوتج.. هذا منو الخابرج.. وين رايحه.. وين جايه.. حمرتج مسحيها .. مكياج خففيه…ووو مصيبه شلعته لكلبي
تگول ديك الصباح مو ٲم يوميه الصبح تحاسبني هذا ضيق وهذا قصير ومكياجج طوخ وهذا خففيه لعبتها النفس من هل اسطوانه
اني مو محجبه بس رغم ذلك امي لازم ملابسنا تخليها محتشمه ..اتصوروا.. مخلتني احف وجهي ولا اخلي قطرة مكياج لحد مدخلت الجامعه وبالتواسيل😢😷
طبعا تخاف علينا واحنا اني واختي حلوات والناس تاخذلها صفنه بجمالنا طالعين على الديك ماما 😁
مواصفاتي بيضه لون عيوني ازرق غامق ووجهي دائري وملامح وجهي نازكه مو امدح نفسي لا بس هذا كلام الناس عليه وزني 54 وطولي 159
طنننننـ📱ـننننن (اتصال😁) باوعت شفته اتصال من صديقتي سهير
رهف.. الوو هلاؤؤ سهير
سهير.. لج هلا رهوف شلونج
رهف.. شلوني يعني ازرك احمر لوني مثل لونج لو ما قبل 3 ساعات جنا سوه بالكليه قابل ضربني شرجي وتغير لوني😕
سهير.. يومه يومه اكلتيني وشربتيني هاي كولها علمود شلونج من اهمداج🙌
رهف.. شوكراً هاي اخلاقج يا مضغوطه ياادبسز يا حقيرا اتجاوزج بسيارة زوجي الكمارو الي مااعرف شوكت احضه بجهرته وبجهرت سيارته 😑
سهير.. ههههه عابتلج هاي عود تتجاوزني .. يغبره منين تشوفين جهرته وانتي قافله ما تحجين ويا أي واحد من الوجه الحلوه اللي يوميه شامرين روحهم گدامج
رهف.. اووي شنو ذوله المزعطه الكيكيه😪 لج بابا اريد رجال حوك يكدر للساني كون بعيطه منه انلصم😐
سهير.. دضلي ضلي بهاي سوالفج.. اگوول ترى عبدالله دوخه الراسي يوميه يخابرني يدگلي اليتيمه علمود اتوسطله يمج بلكت تعبريه
رهف.. اعبره😒 اي مو مفتحتلي جسر الصرافيه واعبره لج بابا خيولي هذا لزكة جونسون عوووع مليت منه وين مااروح لاطشلي
