أردت الانتقام ولكن ..🔞(البارت_الثامن)
مر يومين ؏قرار المحكمه
لمحكمه واتقرر العقد مال الزواج باجر.. لميت غراضي وكل شي يخصني .. ما اخفي عندي خوف من المستقبل وشلون راح اكدر انفذ انتقامي منهم 2
بقيت الليل كله افكر لحد مانمت اجه ابو انس وواحد من عمامه وشيخ وياهم بابا صار وكيلي عقد العقد واني بغرفتي دمعتي كوه كاتمتها
بس نار كلبي تسعر بدي انزل اقتلهم كلهم لحته ارتاح ..شوي واجت ماما حضنتني وبقت تبجي واجت اختي ايلاف هم شبكتني وتبجي
بقت ماما توصي بيه ديربالج عله روحج احذري منهم صيري خوش ابنيه حاولي تجارين الامور ومن هلحجي.. كملت اجه بابا بوسني براسي وكال تعالي
نزلت وياه باركلي ابوه واني بدي اتفل بنص وجها عله الغضب اللي بداخلي اخذو جنطتي وصعدت وياه وتوجهنا البيته هم بالمنصور بيتا يبعد عن بيتنا تقريبا ربع ساعه
وكفت السياره واجو الحرس يتراكضون فتحولي السياره ونزلت كال ابوه تفضلي بنتي منا دخلت بيت شكد ما اوصفه جبيييييييييير تكول فعلا قصر
انـّ'ℳέ'ـّيٌ بنت خير وعادي عيني مليانه بس اندهشت بجمال بيتهم والحرس مالين البيت دخلت الصاله الاثاث مال ملوك.. كبر تارسين بيتهم من خيرنا 😪 9
اجت امه كالته ها جبتها سلمت عليها رافعه خشمها ما اهتميتلها وفوكاها هيه ام الراهي تولي ..هوه كالها تعالي احجي وياج اخذها عله صفحه
سويت نفسي مدنكه مو يمه واسمعه يهمسلها داريها وديري بالج تره بزله وحده وياها نروح بيها مثل ما فهمتج البارحه ركبتي اطيرها
خليني ساكت ومتحمل عمايل ابنج ما بيه حيل فضايح بعد تعبت.. كالتله اوووي اتجازه انته وياها شعليه بيكم.. عافته وراحت ..وهوه اجه يمه واحد من الخدم كاله سيدي يردوك ضروري وهم راح
بقيت كاعده بالصاله وحدي من كد ما حلوه بقيت بس اباوع بٲثاثها والتماثيل الفخمه ..اجو الخدم اخذو الجنط مالتي وصعدوهن
بقيت اتمشه بالبيت جبير واباوع بيه اجت خدامه كالت ماما انته يحب يتفزل من هنا 1
كتلها شنو😯 كالت ماما انا سلينا خادمه فلبينيه يشتغل هنا ماما عزراء كالت روح اخذ بنيه وديها ذا روم 2
رهف.. هنيالي اي والله بقت بس الفلبينيه اطكطك براسي ..كتلها ديله عيني وديني الروم مالتي خل ارتاح 12
صعدت درج جبير وهيه عود ادليني.. الدرج متفرع بيه درج واحد يمنه والثاني يسره والثالث ياخذك كبل اشرت للجناح اللي كبل وكالت
من هنا الجناح مال بابا اكرم وماما عذراء انته ما يصير ايروح هناك ابدا كتلها خب دطيري ..
