عندما ترحل عني..
لا!
لا تطعني شموخ الوداع بتفاهة الإيضاح .
لا تشرحي لماذا كان علينا أن نفترق.
فأنا أدرك أنه ما كان ينبغي لنا أن نلتقي .
إذن ، كانت نزهتنا القصيرة بين النجوم زمردة سرقناها من خزائن الزمن الحديدية بدون حق.
وإذن ، كان جنوننا اللذيذ انفلاتا مؤقتا من سلاسل الحكمة والاتزان .
وإذن ، كان الانفجار المتدفق شعرا وعطرا وكروما وشلالات حرير نزوة عابرة عاد بعدها البركان الصامت القديم إلى وقاره الصامت القديم .
أريد أن أقول.
إن ما كان ، على قصره ، يظل دائماً جزأ من خارطة الزمن ، زمني و زمنك وزمن الأشياء التي أحببناها وأحبتنا.
الأشياء؟
صخور البحر ، القارب العتيق ، الغروب ،
الشجيرات وشريط الموسيقى الذي يجهش
"عندما ترحل عني".
تذكرين؟!
أما أنا فعندما أعود إلى الكثبان والوديان فسأحمل في صدري ربيعاً صغيراً متنقلاً تختزنه نظرة من نظراتك الكستنائية .
أما العطر .. أما العطر فقد التحم بخلايا الذاكرة واختفى بين الكريات البيضاء والحمراء.
لا تتكلمي!
اذهبي إلى الشاطئ واجلسي على الصخور وتأملي الغروب يلف الشجيرات والقارب العتيق ودعي شريط الموسيقى يحقق كل تنبؤاته الدامعة!
عندما ترحل عني..
المرحوم,, غازي القصيبي
شوق جلست جنب ابوها..وفخاطرها حالته ماهي بطبيعية وش فيه..عمره ماهزه شيء حتى يوم وصله خبر الجريمة اللي سووها شادي ماانهار بها الشكل ..
شوق بدموع : يووبه حلفتك باالله قولي شادي مات شادي صارله شيء ..
حلفتك بالله العظيم لاتخبي علي,,
ابوخالد : صلي على النبي يا ابوك وش ذا الكلام اللي تقولينه لا بسلامته لامات ولافيه الا العافية وابشرك انه بخير وسلاامة ..
شوق بفرحة: صدق يوبه وصلك عنه خبر وينه وش علووومه ؟؟تكفى طمني
ابوخالد : ايه هو بخير ولاعليه خلاف وعلومه تسرك وتسر خاطرك..
شوق : ويييينه؟؟
ابوخالد : في الكويت
شوق : الكويت ..من اللي علمك عنه من وصل لك الخبر ؟؟
أبوخالد يوقف يبي يطلع تمسكه هديل : ليش زعلان يا ابوخالد وصلك خبر سلامته وانه بخير وش اللي مزعلك ومكدر خاطرك دامه طيب وانشاء الله راجع..
ابوخالد يبوس راسها : وش الله مكلفني افرح بواحد وافقد اللي اغلى منه..لا يا ابوووك لاتعلقين امال برجوعه اخووك قتل ويتحمل فعل يدينه..
شوق : يووبه ليش متشااائم ؟؟ وش قصدك ال جالي مايبون الصلح ؟؟!
ابوخالد <<اعلمها ولا اسكت واخلي شادي يموت ..حسبي الله ونعم الوكيل حسبي الله ونعم الوكيل
شوق تمسك يده : يووبه حلفتك با الله العلي العظيم وجهتك بالله واسالك بعزة جلاله تقولي الصدق وش صار معك على موضوع شادي حلفتك بالله..
ابوخالد : باقولك كل شيء وانتي احكمي ,,
حكى ابوخالد كل اللي صار لشوق ..
شوق : الحمدلله رب العالمين يعني يبي الصلح ..
ابوخالد بحسرة : يبي الصلح بس بشروطه..
شوق : وش شروطه..دامه مايبي الدم فاكيد شرطه مقدوور عليه يوبه ..
ابوخالد : الا هذا الشرط يا ابوك ماينقدر عليه والله ماينقدر عليه
هديل بوجع : وشهو شرطه ؟؟ وش اللي شرطه عليك واوجعك بها الشكل؟؟
ابوخالد : أنتي
شوق باستغراب : أنا !!
ابوخالد بتاكيد\ايه ياشوق يبيك انتي ..
شوق بخاطرها وش يبي فيني ..موفاهمة يبي يتزوجني ولاوش سالفته ..وش بيستفيد من زواجه مني .
طيب واذا يبي يتزوجك يا الهبلاء لايكوون تبين ترفضين وتخلينه يقتل اخوك..
لا والله الا اتزوجه من غير كلام..
شوق : واذا كان يبيني يابوي ..ليش ماتزوجني اياه وتنهي المشكلة مدام هذا شرطه فمقدوور عليه ..
ابوخالد بحنية : لا ياابوك مايبي يتزوجك انتي فكرتي بنفس تفكيري..
شوق بحيرة : حيرتني يايوبه قلي وش يبي ..
ابوخالد : يبيك تصيرين خادمة عنده او مثل ماقال يبيك جارية وعبدة عنده,,
شوق شعوور لا يووصف وكانها ارتفعت لاعااااالي السماء وفجاءة انضربت با الارض ..
كيف اصير عبدة عنده ..ليش هذا يجوزز اصلا ولا حرام ..وش معنى جارية ..
ماني فاهمة ..يبي يتخذني خادمة له ويتنازل عن رقبة اخوي..وش بيستفيد من ها الشيء.. وليش يبيني انا اكوون جارية عنده
هذا وش جنسه من البشر ؟؟! كانت تفكر بعمممممق وابوها يتكلم ويكمل لها كلام فيصل ..
ابوخالد : شوق يابنتي
ماردت عليه لانها كانت بدوااامة التفكير ..مسك يدها وهزها بخفيف..
شوق بفزع : وشهو
ابوخالد : ريحي بالك يا ابووك مابيصيرلك شيء انا رفضت شرطه ..
شوق وقفت : كييييف وليش ترفض لييش؟؟ تدري انت وش سويت انت قتلت اخووي قصيت رقبته برفضك ..ماالك حق لا مالك حق
ابوخالد : انتي جنيتي تبينا نساوم عليك يا الخبلاء
شوق : وش فيها حالي حال اي خدامة تخدم عنده ..ماعندي مانع خله يشغلني خدامة عنده
ويرجع اخووي
ابوخالد برحمة : يابنتي انتي مو فاهمة طلبه مو فاهمته
شوق بتسرع : بلى فاهمته يبيني خادمة عنده في بيته حالي حال الخدم اللي يجون من برا ..وخير ياطير خلني اصير خدامه.. دام خدمتي له بترجع الغالي فوالله لاخدمه بعيوني
ابوخالد بصراخ : يابنت اهجدي لا اذبحك انتي مووفااهمة ماانتي فاهمة شيء
شوق بصراااخ : ما ابي افهمممممممممممم ما ابي انا موافقة اخدمه طووول عمري بس يرجع اخووي يرجع .
نهاية البارت الثاني
اسعدوني بردودكم عشان اكمل
