معشرهم

مصيبه الدنيا من تدور
وتخلي السبع ينذل

وابو النفس العزيزه يكوم
بالمايسوه يتوسل

الما بي خير يحجي اعليك
والبي خير ما يسأل

المو رجال ع الرجال يتمرجل

هاي الناس عمية عين
الاعوج صار عدهم زين
ويذمون المعدل !

الخاين هالوكت مرتاح
بس الطيب مبهذل

دخيل الله شحملنه هموم
كل غروب نتبلل

سهرانين من الضيم
ويكولون نتعلل !!

بشر مو انبياء الله
حتى هواي نتحمل

هاي الناس ما تنجاس
اسكيها بوفه وتذبل

الجان امنيته يحجي وياي
هسه اكبالي يتختل

الما وكفولي وكت الضيج
دين اعليهم مسجل

وهي المشكله ....
ما بيهم اليخجل

بعد ما اعاتب اي انسان
طبعه وياي يتبدل

كلمن يوصله البسمار
خل يتوكل و يزعل