ن تطلع من عند دكتورها النفساني اللي صارلها ٣ سنين و هي تجوفه، كل عاده دار من بينهم الحديث المعتاد و عطاها جرعتها المعتاده، حتى اللي تشتغل ف الصيدلية استغربت من كمية الأدوية اللي بنت بهذا العمر يمكن تاخذها
ن تاخذ تقريبا ١٠ حبات في اليوم من ادويه متنوعه، مضاد صرع، مضاد الانفصام، ادويه للنوم و ادويه لتهديه الاعصاب
ن تجلس على سريرها و هي تاخذ كل حبه و مخها موقف فاضي
" ياربي احس اني زومبي، هذي الهبله تقول انها تحبني و هي ماتعرف ولاشي عني، شو بتقول لو عرفت اني ماقدر امشي يوم بدون هل حبوب و الهذربان؟ شو بتقول لو عرفت اني مب على طبيعتي، انه الشخص اللي هي تحس انه تحبه هو مب انا، هي ما تحبني انا، هي تحب الحبوب، هي تحب الشخص اللي الحبوب خلتني اياه، لاني ما انطاق بدونهم، ما اقدر اكمل يوم بدون هذا السم"
ن قاطعتها أ، دخلت عليها و هي يايبتلها الاسكريم اللي هي تحبه، ن كل عاده نفسيه و مب طايقه شي بس قعدت تجامل أ و قالتلها شكرا
شوي و أ بدت تتقرب من ن و هي تتدلع عليها
ن ما كانت مشتهيه، لانها اصلن ماتحبها و ماتقدر تشتهيها، كان لازم تشرب وايد عشان تبدا تبوسها بس، كان لازم تشرب وايد عشان تبدا تتخيل انه هي تبوس شفايف حد ثاني.. تريح حد ثاني، تتلذذ بحد ثاني..
الحد الثاني ما كان وياها في الغرفه، بس كان وياها في قلبها و في عقلها على طول، الشخص اللي تبيع الدنيا عشانه، "مريم"
