#الناشربارق_العراقي
#سيد_حسين_وبت_الباشه
#البارت_الاول
#الكاتبه_شروق_احمد
هاي القصه انه ارويها حسب ماسمعته عن طريق بعض الناس
المقربين الي ......هذه القصه
انه اعتبرها من الروائع رغم مابيه
من حزن والم. وكل ما اشوف اثنين عشاق اتذكر سيد احسين وبنت الباشه ....احجيلكم عن شخصية البطل
سيدحسين .من خيرت الساده
وشباب في ذالك الزمن يرجع نسبه من الساده الموسويه عن
جده موسى الكاظم سلام الله عليه وكلنه نعرف حسب ونسب
واصول الساده. مرجعهم. بس احجي لتوضيح
ابو سيد حسين اسمه سيد محمد
هذا سيد محمد شكله يخوف يصطع النور منه كانت تتكافل. بي العشاير بذاك الوقت من خير لناس. واجلهم. شخصيه يعني سيد كله هيبه ورجوله. مو مثل سادة هسه مع احترامي الطيبين
سيد محمد عنده بس ولد واحد فقط وهوه سيد حسين سيد محمد يعني يعتبر ابنه مو ابنه
مثل ابوه او صديقه واحد يعرف
الثاني ويحس بوجع اﻻخر متعلق بي ويحبه
مرتبطين روح بروح سيد احسين
شاب جميل جداً طول وجسم وهيبه مثل ابو سيد محمد كله رجوله يعني يدخل الكلب على طول نازك هادئاء جداً شاعر
يحب الشعر يعني شماحجي عن سيد
حسين ماكدر الوصل وصفه شاب
مدلل..وحلوو عمره 25 سنه مثل شطب زيحان
سيد حسين عنده صديق صايغ ذهب سيد حسين دائماً موجود
يم هذا الصايغ اسمه ابن ربح اصله صابئي
هذا يجيب أنواع المصيوغات ونواع الشضر واول ماتوصل البضاعه سيد حسين اول الناس يطلع عليه وشتري اجمل المحابس روحه ترفه و هذا شاطر بصياغه الذهب مشهور
بالمنطقه
نرجع السيد محمد عنده تاجره تمور باريه ( اذا تعرفون الباريه يعني هاي اصير شكل الحصيره بس تصنع من قصب هيه والحصير )..يصنعوها اله وهوه يشتر من الناش تجي تحمل المراكب منه وتطلع ماكنا اكو سيارات بذاك الوقة بس( الريكه والمشحوف)وسيلة نقل داخل المنطقة
سيد حسين الشاب امدلل الجميل يوميه يطلع يروح يم
سيد محمد يشوف مصالح ابوه
ويساعده بشغل البسيط ﻻن
اكو ايدي عامله اشتغل مع سيد محمد
سيد حسين .صباح الخير مولانه
سيد محمد .هله بيك بويه حسين
سيد حسين .مولاي محمد عندك
شي اساعدك بي (كلمت مولاي يعني احترام ابوه دليل على تربيته الصح )
سيد محمد .اي ابني تروح تجمع
التمر من بيت حجي غانم وتنطي شكد عليه فلوس وترجع وﻻ تلح
على حجي غانم شنو يطلب انطيه حرام نقص من سعر محصولهم ورزق بيد الله خوش
ابني
سيد حسين .صار بويه
سيد محمد حسين بويه اذا جبت
التمر خالي العمال تفشكه وطلع نوه مالته (بلغتنه النوه الفصم داخل التمره كلنه نعرفه ) انه وضح بعض الكلام اكو ناس ماتفهمه وحسبالهم انه ملائي
غلط بس انه اكتب بلهجه الجنوبيه ..ونكمل القصه
سيد حسين .صار بويه وصلت العمي ابو غانم ولكيته جامع الف حلانت تمر انطيت مبلغ الي كلي بي سيد محمد وحملتة
بمركب (الريكه) ورجعة اليسد محمد وصلت باليل وحنه انزل
التمور من المركب شفة دوريه
من الجنود البرطانين اجوه صوبي واحد حجه منهم
ولك هيا همار عراقي (يقصد) حمار ماحجيته رد كال ادب سزز اركي
اسويك هسه تشريب شنو ماترد همار
صاح بي واحد من العمال والله ماحمار ابن حمار اله انته وبوك والجابك العراق مليل ﻻاحط رجلي بيك ( عتذر عن بعض الا لفاظ بس احنه العراقين معروفين
بابعصبيه ) صاح بيه سيد حسين استغفر الله عمي شني تريد انته ودوريتك هاي
البرطاني ...انتو هراميه اسرقون تمر الباشه راح اذبك
بسجن يله هرس خذو هرس
سيد حسين .عمي هذا الخان الي وهذا التمر هم الي روح وجفيني شرك
البريطاني. .جب هرامي علي باب كله هرامي سيدحسين .هسه هذا اشتحجي وياه
.مو طبعي اسوي مشاكل بس انته ضاهر جلدك يحكك مو شباب لزمت توثيه
وشبعتهم ضرب انه والشباب لمن دميناهم دمي لمن كام يصيح دخيلك اراكي عوف زابط بر يطاني عفناهم وكتله مره ثانيه
من تمر اهنا ماتلوم اله نفسك
يله ولي كملت تنزيل التمر
ورجعة لكيت امي وسيد محمد
منتضريني مساكم الله ابو خير
سيد محمد. هله بيك ابويه كواك
الله
امي ..هله بيك يابعد جبدي
سيدمحمد.شبيك اشوف غيظ بوجهك حسين
سيد حسين..مولاي توني كتلت
الضابط البريطاني هوه ودوريته
انه والعمال
سيد .محمد .ﻻابني ﻻ هذوله
مايستحون كلشي يسون يفترون عيلك وديدخلو السجن وترح مني ﻻ سيد حسين
ام حسين انطني عباتي وعوجيتي اروح المركز
سيد حسين. ﻻ موﻻي لاتروح
همه الي غلطو علينه شي يريد
يسون انته اكبر من تروح تعتذر
ابد
سيد محمد. ﻻ بويه بس اشوف
ورجع
رحت المركز اشوف شنو سالفه
تلاكاني مدير الشرطه عراقي
اعرفه هله بسيد محمد نور المركز كله بدخلتك موﻻنه اتفضل
سيد محمد ..صار سؤ تفاهم بين دوريه البرطانيه وابني سيد حسين
الضابط. .هههههه والله عاشت ايده اموتهم كتل بس راحوه قدمو شكوه عليه عند الباشه
سامي
سيد محمد .ﻻ لعد شبكة
الضابط ﻻ هسه نروح انه وياك
ونسد الموضوع
سيد محمد ..يله ابني.......يتابع
أنت تقرأ
سيد حسين وبت الباشه للكاتبه شروق احمد الناشربارق العراقي
Lãng mạnقصة حب حقيقيه قصة سيد حسين ودينا بنت الباشه التقياه صدفه ووقعاه في حب بعضهم من اول نظره تابعوا القصه لتعرفوه نهايتها بقلم شروق احمد وناشركم بارق العراقي
