تحت الحمايه

عنوان الجزء

رواية تحت الحمايه
الجزء١٢
الي يقرا الجزء ينطي لايك ورأيه بلروايه علمود اكتب اكثر
كاعدين اني وخالتي ويزن بلمستشفى
خالتي جانت تبجي واني اصبر بيهه
خاله :من زمان يعاني من كليته كلتله روح شوف نفسك اخذ علاج ماكو معاند ميروح لاي طبيب وهسه وكع
جانت خالتي تبجي وتحجي انقهرت عليهه حيل حقهه هذا ابنهه الوحيد الي تعبت علي وربته
عسل:خاله فدوه اسكتي اوس مابي شي هسه يجي الدكتور وانسأله
خاله: يمه يامابي شي متشوفينه جنه جثه يمه شلون بيه لوراح اوليدي

وره شوي اجه الدكتور
كامت خالتي ركضت علي:
شبي وليدي كلي شبي
الدكتور:اهدي يوم.
اوس يعاني من فشل كلوي
عسل:شنو
خاله:يمه لا ابني مابي شي مابي شي
اجذبون عليه انتو
عسل:دكتور بس هوه ماعنده حته اعراض اوشي
الدكتور:لا بابا اوس عنده اعراض من زمان بس هوه ميحجي الاحد. اني من حجيت ويا افتهمت كلشي
عسل:دكتور وشنو الحل يشفى لولا
الدكتور:احنه انسوي الي بيدنه بس مااعتقد ينجا لان الكليه كولش مهمه الجسم الانسان هيه الي تساعد على تنقيه الدم من السموم وتساعد على توازن الماء والاملاح وتحافظ على ضغط الدم... الخ
واذا وكفت بعد تصير هواي مشاكل بجسمه لكن هوه كان عنيد وميقبل يراجع مستشفى ويسوي فحوص على الرغم من الاعراض الي كانت تطلع علي

عسل:انصدمت من سمعت كلام الدكتور خالتي تخربطت
اني بقيت واكفه مصدومه ربي فدوه شافي الخاطر امه
انقهرت كلش عله اوس جنت اريد ابجي واروح احضنه بس مكدرت حابسه الدمعه كوه واحاول اصبر عله خالتي

مرة ايام واوس كل يوم حالته تزداد اسوأ
ملازم المستشفى
وجهه ازرك
من انروح انشوفه كولش ننقهر علي لكن هوه يحاول كدامنه يبين انو هوه مبي شي وممهتم بس اني اعرفه الاوس كلش متاذي بس عنيد

جنه بلمستشفى رحت للدكتور اني وخالتي
خالتي كلش سائت حالتهه همين كلساع توكع واني حايره ساعه التهي اباوس وساعه التهي بخالتي
عمامه جانو يجون ويرحون بس يبقون قليل كلش
ولد عمه يباتون يمه بليل واحنه بلنهار

دخلنه للدكتور
عسل:دكتور اوس كلش تسوء حالته شنو ماكو حل
الدكتور:يابنتي الحل انو تلكون متبرع كليه
اذا احد اتبرع انسوي العمليه وانشاء الله يرجع اوس مثل قبل واحسن

طلعنه من الدكتور حجيت اليزن الحجي الي كاله الدكتور
كال اكيد راح اجيب واحد مقابلً مبلغ مالي كلش جبير
مر اسبوع ومالكينه المتبرع

رحت للدكتور: كلتله دكتور اني اتبرع بكليتي الاوس
الدكتور:انتي متاكده من الي تكولينه
عسل:ي متاكده
الدكتور:لازم موافقه منج ومن اوس
عسل:اوك اني راح احجي وي اهلي وانشوف
ا
رجعنه للبيت
عسل:خالتي اريد اني اتبرع الاوس
خاله:لا يمه لايصير بيج شي
اني اخاف عليج انتي ابمعزة ابني
يزن كاعد يدور عسى ولعل يلكا
عسل:خاله اني حجيت وي الدكتور وافق واتفقنه عله كلشي وراح انسوي التحاليل
خاله:لايمه لان...
عسل:خاله قبل لتكملين
اوس ديموت بليوم الف موته متاذي كلش باي يوم ممكن يموت ملازم نتاخر
خالتي ضلت تبجي
اجيت يمهه :خالتي حبيبتي بست راسهه
اوس غالي علي كولش واني مااتحمل اشوفه كدامي يموت لازم اساعده ..
عسل:رحت الغرفتي
سبحت وتمدتت افكر يارب اسوي الفحوصات وتطلع مطابقه حته يرجع اوس النه ويخلص من غسل الكلى
صحيح هذا الشي يخوف بس اني كلش تاذيت من شفت اوس وهوه حاله حال الميت بلمستشففى
ماريد افقد عائلتي مره ثانيه
نمت كعدت الصبح
رحنه للمستشفى لبست تنوره للركبه عريضه
ورديه وقميص نيلي
رحت دخلت عله اوس بسته من راسه
صباح الخير
جان نايم فتح اعيونه
ولج شعندج مغبشه موكتلكم لتجون يوميه ليش اجيتو
عسل:لا هيج اجيب علمود خالتي لان شوي صحتهه تعبانه
اوس: شبيهه امي
عسل: خايفه عليك وصغطهه مدايستقر
هسه المهم شلونك انته مشتاقتلك
اوس:ولج ليش قميصج ضيك
شفتيني ماكو كمتي تلعبين بكيفج
عسل:ههههه لا موضيك شوف تنورتي عريضه
اوس:ي اهم شي بغداد مستوره
عسل:شنو
اوس:لاماكو شي

اوس:زين يكول يزن لكيت واحد راح يتبرعلك
عسل:صدك ي همزين

طبعا اني كلتلهم لتكلوله اني الي اتبرع لان متاكده مراح يقبل
اوس: كتله انطي شكد ميريد فلوس وخل انسوي العمليه لان مليت من المستشفى
عسل: جان اوس كلش متاذي
كلبي ينعصر علي من اشوفه بهالحال

....
الكاتبه مروه العراقي
طلعت التحاليل مطابقه اجرينه العمليه الحمد لله نجحت
اني وره فتره طلعت جانت شته وكولش بارده

غيث بقه لمدة ثلاث اشهر بغرفه معزوله
متدخل علي بس امه.
اوس: سويت العمليه
مادري شلون اعبر عن الشخص الي نطاني كليته عن شكري لان انقذ حياتي
جنت بغرفه معزوله تدخل علي بس امي
بوكتهه كلش اشتاقيت العسل
اريد بس اشوفهه حته لو من بعيد
اكللهه اني رجعت مابيه شي
بيوم من الايام دخلت علي امي وحجتلي انو عسل هيه الي تبرعتلك اني تعصبت عقل ماضل براسي
شلون خليتوهه تسوي هيج شي ليش جذبتو علي
ضليت الوم بامي وهيه تبجي
امي:يمه انته جنت تموت كدامنه وهيه متحملت تشوفك هيج
اوس:يمه لوصاير بيهه شي بلعمليه شيصير بيه اني
ليش خليتوهه هيج تسوي
امي:لان تموت اذا ملكينه متبرع
اوس:طبني مرض خليني اموت
عسل اني جنت اجيب خالتي للمستشفى وابقه بلممر انتضرهه
دك تليفوني رقم
عسل:الو
منو وياي
الشخص:جحيمج
عسل:اهو يابه منو فضني واحجي مالي خلك
الشخص:ي اشتاقيتي للكوا..مالتج اتبرعتيله بكليتج
حته يرجع ....
عسل:انتو منو
وشرايد مني
الشخص: شوف شلون خافت نزلي ايدج من راسج
عسل:انته دتشوفني
الشخص : ي داشوفج
عسل:بوكتهه خفت كلش منو هذا ومنين يعرفني ويعرف اوس ولا فوكاهه يشوفني
ضليت اتلفت يمنه يسره اباوع ماكو احد
عسل:وهيه ترجف
احجي انته منو ؟؟
الشخص:مصطفى...
عسل:مصطفى!!!!!
الشخص :ي مصطفى لعد شعبالج تفلتين بعملتج محد يحاسبج
اله اذبحج والله
للكاتبه مروه العراقي...