حكاية ام بسيسي😂😂😂😂😂😂
قالك في مره ام بسيسي عندها فار قالتله : عدي جيبلي العرجون من البراكه , وقالتله فيه صونية حليب العنز راك تشرب منها ...قاللها باهي مشي عمك الفار للبراكه يجيب العرجون لقا صونية الحليب شربها !! مسح شارب وشارب لا .. وعدى لإم بسيسي قاللها : أنا جبتلك العرجون .. قالتله : إنت شربت حليب العنز !! قال لا والله .... قالتله: شوف شاربك مليان حليب .....هوا يجري ...وهي تجري... وعفست على ذيله تقطع ... عمك الفار قعد ايعيط .. قاللها: يا أم بسيسي رديلي ذيلي نلعب بيه نهار العيد .. قالتله : لين تمشي إتجيب الحليب من العنز ..مشي للعنز : قاللها : يا عنز عطيني الحليب والحليب لإم بسيسي باش تعطيني ذيلي نلعب بيه نهار العيد... العنز قالتله : نين تجيب النبق من السدره ....مشي للسدره قاللها: ياسدره عطيني النبق للعنز قالتله : نين الوادي إيجر الميه لين اتصب المطر) .... مشي للوادي قاله: ياوادي جر الميه والميه للسدره والسدره تعطيني النبق والنبق للعنز والعنز تعطيني الحليب والحليب لإم بسيسي بيش تعطيني ذيلي نلعب بيه نهار العيد... الوادي قاله: لين الزغردات إزغردن عالوادي ... مشي للزغردات.... قالوله :لين تمشي إتجيبنه كبش من الراعي .. مشي للراعي ,,,,,, قاله : قاله ياراعي عطيني الكبش للزغرادات والزغرادات يزغردن عالوادي ...والوادي يجر الميه والميه للسدره والسدره تعطيني النبق والنبق للعنز والعنز تعطي الحليب والحليب لإم بسيسي ....عالعموم ... الراعي قال : نيين تجيبولي الجرو من الكلبه ... مشي عمك الفار للكلبه قاللها : ياكلبه عطيني الجرو .....إلخ...الكلبه قالتلا لين تجيبولي السلي من الفرس ..... الفرس قالت : نين تجيبلي (الشعير) من الحصاد ...ا مشي للحصاد قاله : نين تجيبلي المناجل من الحداد ... مشي للحداد قاله : لين اتجيب الحطب من الحطاب ... مشي للحطاب قاله : هي حطب معاي ....عمك الفار شال القرميه الاولى ... بعدها شال القرميه التانيه طاحت عليه ماااااااات ......الله يرحمه ويرحمني حتى انا (لإني تعبت من الكتيبه) ... #مساكم_الله_بالخير😂😂🌷🌷🌷🌷🌷
منقول . 😁😁
