للذكريات رأي آخر
للكاتبة Reem
البارت العاشر
خريف سنيني ورگه اتسابگ بورگه
ادور بروحي غير هموم ما الگه
ماكلني الوجع وبروحي لمة اااااخ
بس اضحك جذب والعالم امصدگه
تقى : محمد
محمد : هاا عيني
تقى : طلكني
محمد : نزلت هاي الكلمه مثل الصاعقه اتفاجأت لطلبها يمكن بخيالي اتوقع هذا اخر طلب ممكن اطلبه
شنووو عيدي مدااسمع زين
تقى : طلكني
محمد : يمكن من اغمى عليج انضربتي بشى وهيج فكرتي
تقى : محمد مدااشاقه اني تعبت كافي تره البيه مااحمله بعد والي كاعد تسوي مدااتحمله
محمد : واني شسويت
تقى : شسويت كوول شنوو الي مسويته
اهانات وكلام جارح وقلة قيمه وهجر وتصرفات محلوه بحقي واخرها تكولي ممتربايه لهذا ياابن الناس اني ماافيدك ولا انت تفيدني ولهنا وبس واعتقد الطلاك النا افضل حل
ام محمد: انتي من گـ❈ٍـْلٍ عقلج تطلكين
تقى : خاله والله تعبت حسووو بيه
رعد : تقى تهدي بالرحمن گـ❈ٍـْلٍ رجال ومرته تصير اشكال بينهم لو گـ❈ٍـْلٍ وحده مثل شويه تختلف ويه زوجها تطلق جان هسه ولا بًيــّـُــتُٓ بيه عائله كامله
تقى : انتم تحجون شى متعرفوه ولا راح تعرفوه ومحد بيكم يحس بيه اني ومحمد غلطت عمرنا تزوجنا احنا منصلح لبعض
محمد : واذا طلكتج وين تروحين تعرفين خبالات اخوتج مراح يرحموج
تقى : عادي اتحمل كلشي هي بقت عليهم
محمد : لهاي الدرجه كارهه العيشه ويايه بحيث تفضلين أذيه اخوتج على زواجج وبقائج هنا
تقى : لتخبلني محمد انت متحبني ومطيقني وزواجك مني اجه بطلب من امك وشأسوي الك واحاول ارضيك وميفيد بعد اله احرك روحي يله ترتاح
ام محمد: يمه تقى انتي بنتي ومااخليج اطلعين من هذا البيت هذا بيتج وتبقين معززه مكرمه
تقى : محمد الي بداخلك وتريد تسوي من مده سوي هسه اخلص مني وارجع لعالمك وحياتك الي اني مالي مكان بيهم
محمد : كمت من يمها يمكن كلامها صح اني مااحبها بس اكو شى بداخلي الها ومدااعرفه شنو واحس روحي مااريد اطلكها
سمعي طلاك ماكو تكعدين هنا حالج حال ياسه مامستعد اتحمل ذنبج
تقى : من كال طلاك مااطلك احس روحي طارت من الفرح بس طبعاً لازم ينزلني من الطيران على راسي يله يرتاح استاذ محمد
تقى : لاذنب ولا شى خلف الله عليك لهنا وبس ومبري الذمه
محمد : يومه خليها تاكل وتنام حتى من تكعد اكو عقل براسها واني طالع رايح يم عباس ليضل بالج
تقى : وينك تعاال لتروح عافني وطلع
رعد : توته صيري عاقله وسالفه الطلاك شيليها من بالج كافي
تقى : كمت ابجي بحضن خالتي محد يفهمني ولا راح يفهموني هو حتى اعتذار معتذر على كلامه شكد قاسي ومتعجرف
أنت تقرأ
للذكريات رأي اخر
Romanceقصة عراقيه حقيقيه ممزوجه بمواقف من الخيال تحكي عن الحب المستحيل وتأثير المستوى المادي على الحب وعن زواج المتعه وتأثيره على البنت واهلها وتحكي عن ادمانك لشخص وفجاه تجده غير مقدر لحبك واهتمامك وتضحيتك فهل للذكريات تأثير في حياتنا وهل الذكريات قادر...
